Maraku 14:18 - Nyaa Shɔɔ Ɓɔɔ Laa a Ɓɛɛ

¹⁸ Rí shaa vuu shaanang kana, a Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang gbete ka teteng manɛ naa nyɔ yuu mɛɛ ditɔ. Zang ɓɔɔ shaa vuu shaanang kana nɛɛ n ɓɛɛ.”

Maraku 14:18 ပူးပေါင်းရင်းမြစ်များ

Matiyu 26:21

ri shaa vuu shaanang kana, a Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, shɔnzang gbete ɓɔɔ kagn teteng manɛ, naa mãlɛ́ m ditɔ.”

Matiyu 5:18

N kɔ̀ɔ́ nɔɔ ruu ɓɔɔ niizang kɔ nwani, lapa nɛɛ tipi ri nɛɛ doogn, vuu gbete ka teteng rɛɛ vuu ɓɔɔ Musa beeyi naa shaarɛ kpang. Ri naa ɓee nyaa ditɔ nandon.

Matiyu 6:16

“Nɔɔ nɛɛ seng nyaalaa nɔ́ɔ kãngtɛ nyaa tĩng naa zang ɓɔɔ ri nwãarɛ zang nɛɛ vuu palɛnang ɓɛɛ kpang. Ri risi nyaa tĩng ɓarɛ naa ɓɔɔgn nɛɛ tɔɔ zang zi kati nɛɛ ri seng nyaalaa. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ ri kasɛ nɛɛ bii zang ɓi tɔ nandon.

Matiyu 6:2

“Mɔɔ nɛɛ tɔɔ mɔɔ a zang ɓɔɔ vuu ka naa kpang vuu, mɔɔ jèe vuukãng ka gbongkarɛ naa ɓɔɔ zang ɓɔɔ ri nwãarɛ zang nɛɛ vuu palɛnang, ri palɛ ka gãa zɔɔ kpalɛnang zang Yahudi nɛɛ nyaa gbabang ɓɛɛ kpang. Ka ruu ɓɔɔ, ri kasɛ nɛɛ zang dɔɔ ri kati ɓɛɛ. N kɔɔ nɔɔ ruu ɓɔɔ niizang kɔ nwani, zang keɓe, ri ta vuu ɓɔɔ Laa nɛ̀ɛ́ a ri ɓɛɛ tɔ nandon.

Matiyu 6:5

“Nɔɔ nɛɛ tɔɔ nɔɔ gaa Laa, nɔ́ɔ palɛ naa zang ɓɔɔ ri nwãarɛ zang nɛɛ vuu palɛnang ɓɔɔ ri palɛ ɓɛɛ kpang. Ri kasɛ Laa gaanang doo paa ka gãa zɔɔ kpalɛnang zang Yahudi, nɛɛ nɔng ɓɔɔ gbabang ɓee zɔɔ, nɛɛ tɔɔ zang zi ri kati. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ Laa nɛɛ a ri tɔ nandon.

Maraku 10:15

N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ ta Laa nɛɛ wukɔ Kpanti naa jaa tɔkɔlɔng kpang, Laa naa nwang Kpanti ɓiɓɛ kpang.”

Maraku 10:29

A Yeesɔ kasɛ wu nyaa tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, nɛɛ tipi ɓiɓɛ, ka ruu mɛɛ nɛɛ Ruu Tɔ̃ɔ Laa,

Maraku 14:17

Kaa nɛɛ laarang, Yeesɔ naa a kaa nɛɛ zang kopi tu ziti ɓɔɔ ri mantɛ vuu ka bii ɓiɓɛ ɓɛɛ.

Maraku 14:19

Ɓɔɔ ri tãa naa weɓe, yeti ɓarɛ lasɛ dɔɔli. Zang ɓu gaa tɔɔsung Yeesɔ hɛ̃ɛlɛnang kati nɛɛ, “Nkɔ ya?”

Maraku 14:25

N kɔɔ nɔɔ ruu ɓɔɔ niizang kɔ nwani, n naa ɓoo mii jĩng laa inabi tɔ̀ɔ́ nɛɛ nɔɔ tɔkn kpang. N naa ɓoo kaa ɓɔɔ shɔɔ ɓɔɔ ruu daa ɓoo nɛɛ nɔɔ ka nɔng ɓɔɔ Daa mɛɛ roo Kpanti ɓɛɛ.”

Maraku 14:9

N kɔɔ nɔɔ ruu ɓɔɔ niizang kɔ nwani, nɔng ɓɔɔ zang naa rang Ruu Tɔ̃ɔ Kpanti Laa kagn koo keɓe piti, zang naa kɔɔ ruu vuu kɔ jaa soro keɓe pàlɛ̀ m ɓee ditɔ. Ka ruu ɓɔɔ, danggn jaa soro keɓe nɛɛ ning zang ɓɛɛ.

Maraku 3:28

“N kɔɔ nɔɔ ruu ɓɔɔ niizang kɔ nwani, Laa yàá zang gbalang vuu shi kpang piti ɓɔɔ zang palɛ, nɛɛ yee shi kpang ɓɔɔ zang ráng ɓɛɛ katɔ nandon,

Maraku 6:11

Nɔng piti ɓɔɔ zang nɛɛ ta nɔɔ kagn kpang, a ri ti kasɛ nɛɛ ri ɓaa shoo ka nyaa manɛ kpang. Nɔɔ nɛɛ yaa nɔng kaɓa kaa tɔ, nɔ́ɔ waa zũng tapuru ɓɔɔ ka doo manɛ katɔ. Tɔ̀ɔ, zang zi kati nɛɛ ruu manɛ hãa ɓi tɔ̀ɔ́gn kpang, ɓi kaa ruu ɓarɛ.”

Maraku 8:12

A Yeesɔ shu gn, a kɔɔ ri tɔɔ, “Zang koo jaa knti keɓe, nɔɔ kasɛ n tusu nɔɔ vuu ɓɔɔ zang zirɛ, zang mã naa ka danggn, ka ruu viya? N kɔɔ nɔɔ ruu ɓɔɔ niizang kɔ nwani, n tusu nɔɔ kpang.”

Maraku 9:1

A kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ kagn teteng zang kɔ ri shiiri ɓee, ri zǐ Kpanti ɓɔɔ Laa roo ɓɛɛ ka gbongkarɛ tɔ̀ɔ, ri vɔrɛ.”

Maraku 9:41

N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ a nɔɔ mii ɓoonang, ka ruu ɓɔɔ, zang ɓaa nɔɔ nɛɛ zang ɓɔɔ dũng Kirisi ɓɛɛ, naa ta vuu tɔ̃ɔ ɓɔɔ Laa shing wu ɓɛɛ ditɔ.

Luka 11:51

Zang nyaa shonang Laa ɓɔɔ gaayu ka bii Habila a nɛɛ mani ka bii Zakariya ɓɔɔ zang nyɔ ka teteng nɔng ɓɔɔ zang dɔɔ Laa vuu kagn nɛɛ Gãa Laa ɓɛɛ. N kɔ̀ɔ́ nɔɔ zang naa dang zang koo jaa knti keɓe kɔ jĩng.

Luka 22:21

“Nɔɔ zi karɛ, zang ɓɔɔ nyɔ yuu mɛɛ kagn nɛɛ n, ka nɔng kɔ ruu shaa vuu shaanang ɓɛɛ.

Luka 4:24

A kɔɔyi tɔɔ, ‘N kɔɔ nɔɔ ruu ɓɔɔ niizang kɔ nwani, zang kasɛ zang nyaa shonang Laa ɓi jong ka gari ɓiɓɛ kpang.’

Yɔhana 1:51

A kɔɔ ri kati tɔɔ, “N kɔ̀ɔ́ nɔɔ ruu ɓɔɔ niizang kɔ nwani, nɔɔ naa zi lapa puu ditɔ, zang nyaa shonang Laa ɓɔɔ ka lapa ɓɛɛ, ri naa a ka bii mɛɛ, ɓɔɔ n Jaa Shɔnzang, ri ti gbãayu ka lapa tɔkn.”

Yɔhana 13:18

“N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 13:21

Yeesɔ kɔɔ vuu keɓe tɔ, a vuu bìí kpãa wu ka yeti, a kɔɔ kaa faarik tɔɔ, “N kɔɔ nɔɔ ruu ɓɔɔ niizang kɔ nwani, zang gbete ka teteng manɛ nyɔ yuu mɛɛ ditɔ.”

Yɔhana 13:22

Zang ɓɔɔ ri mantɛ vuu ka bii ɓiɓɛ ri pɛ̃ɛrɛ zɔɔ, ri zi zang ɓɔɔ Yeesɔ kɔɔ ruu bìí ka yuu ɓiɓɛ kpang.

Yɔhana 13:38

Yeesɔ hɛ̃ɛ wu tɔɔ, “Mɔɔ vɔ katɔ ka ruu mɛɛ niizang ya? N kɔ̀ɔ́ mɔɔ ruu ɓɔɔ niizang kɔ nwani, ɓɔɔ kn naa ɓaa nyaa bɛ̀ɛ́ mɔɔ laa nyaa tɔ, daa doo taati, nɛɛ mɔɔ zi m nung ɓaa kpang.”

Yɔhana 21:18

“N kɔ̀ɔ́ mɔɔ ruu ɓɔɔ niizang kɔ nwani, mɔɔ nɛɛ doo jasang, mɔɔ kpalɛ bii nɛɛ yuu ɓaaɓɛ, mɔɔ daa nɔng ɓɔɔ mɔɔ kasɛ ɓɛɛ. Mɔɔ nɛɛ kpɛ̃ɛ tɔ, mɔɔ dĩi naa, zang ɓɔɔgn gbarɛ mɔɔ bii, wu tuu mɔɔ, wu daa nɛɛ mɔɔ ka nɔng ɓɔɔ mɔɔ kasɛ kpang ɓɛɛ.”

Yɔhana 3:11

N kɔ̀ɔ́ mɔɔ ruu ɓɔɔ niizang kɔ nwani, rùu ráng yee ɓuru, ka yuu vuu ɓɔɔ ruu zi tɔ ɓɛɛ. Ruu ti kɔ̀ɔ́ ɓuru vuu ɓɔɔ ruu zi nɛɛ jĩng ɓuru ɓɛɛ, a mɔɔ ta vuu ɓɔɔ ruu kɔɔ ɓɛɛ kpang.

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Yɔhana 5:19

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, Jaa zunung ɓɔɔ wu pálɛ̀ vuu ɓɔɔ nɛɛ yuu ɓiɓɛ kpang, pálɛ̀ ɓi vuu ɓɔɔ zi Daa ɓiɓɛ pálɛ̀ ɓɛɛ. Ka ruu ɓɔɔ, vuu ɓɔɔ Daa pálɛ̀ piti Jaa pálɛ̀ doo nɔngkɔ ɓɛɛ.

Yɔhana 6:26

Yeesɔ kɔɔ ri tɔɔ, “N kɔ̀ɔ́ nɔɔ ruu ɓɔɔ niizang kɔ nwani, nɔɔ kãa m ka ruu ɓɔɔ nɔɔ zi vuu ɓɔɔ zang zirɛ zang mã naa ka danggn ɓɔɔ n pálɛ̀ ɓɛɛ kpang. Nɔɔ kãa m manɛ ka ruu borodi ɓɔɔ nɔɔ nɛɛ shaa ka buru gaagaa ɓɛɛ.

Yɔhana 6:32

Yeesɔ kɔɔ ri tɔɔ, “N kɔ̀ɔ́ nɔɔ ruu ɓɔɔ niizang kɔ nwani, wu Musa a nɔɔ borodi ɓɔɔ a nɛɛ lapa ɓɛɛ kpang. Ɓi Daa mɛɛ álɛ́ nɔɔ borodi ɓɔɔ niizang ɓɛɛ nɛɛ lapa.

Yɔhana 6:47

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, suru bii ɓɔɔ waa nyaa kpang kagn bii ɓiɓɛ.

Yɔhana 6:70

Yeesɔ kasɛ ri nyaa tɔɔ, “Wu nkɔ shɛ̃ɛrɛ nɔɔ wee nɔɔ kopi tu ziti ɓee kpang ya? Zang gbete ka teteng manɛ ɓi suru shi kpang.”