Maraku 13:34 - Nyaa Shɔɔ Ɓɔɔ Laa a Ɓɛɛ

³⁴ Diki ɓɔɔ Jaa Shɔnzang gbãayu kagn, nwang naa zang ɓɔɔ tɔɔ wu daa zanti, yáa gãa ɓiɓɛ ka naa zang shonang ɓiɓɛ ɓɛɛ. Basɛ ri vuu ɓɔɔ ri naa palɛ ka knti ɓɛɛ katɔ nandon. A ti kɔɔ zang ɓɔɔ gãng jĩng ka nyaa gãa, nɛɛ wu gãng jĩng tɔ̃ɔ tɔ̃ɔ.

Maraku 13:34 ပူးပေါင်းရင်းမြစ်များ

Matiyu 16:19

N ti naa tusu mɔkɔ naa ɓɔɔ mɔɔ tusu zang gbalang, zang zirɛ nɛɛ Laa kɔ Kpanti ɓɛɛ. Vuu ɓɔɔ mɔɔ bɛ̃ɛ ka koo keɓe piti, zang bɛ̃ɛ ɓi katɔ kɔ doori ka lapa. Vuu ɓɔɔ mɔɔ kasɛ ka koo keɓe, zang ti kasɛ ɓi katɔ kɔ doori ka lapa.”

Yɔhana 10:3

Zang ɓɔɔ gã nyaa vàa, puu wu katɔ. Mɛ̀ɛrɛ́ ɓiɓɛ ri tãa yee ɓiɓɛ katɔ. Ɓaarɛ ri nyaa nɛɛ nung ɓarɛ gbete gbete, wu nwangsɛ ri ka biling.

Rooma 13:6

Wee doo vuu ɓɔɔ shingnɛ nɔɔ shu saka tipi ɓɛɛ kɔ. Ka ruu ɓɔɔ, zang bang ri ɓarɛ zang shonang Laa ɓɔɔ ri a yuu ɓarɛ nɛɛ ri palɛ shonang keɓe ɓɛɛ.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

Kolosi 3:24

Danggn wu ning nɔɔ kpang, Kpanti Yeesɔ naa sɔ̀ɔrɔ́ nɔɔ doo ditɔ. Naa a nɔɔ vuu ɓɔɔ wu shìng zang ɓiɓɛ katɔ ɓɛɛ ditɔ. Ka ruu ɓɔɔ, ɓi Yeesɔ Kirisi kɔ dabang gãa ɓɔɔ niizang ɓɔɔ nɔɔ pàlɛ́ wu shonang ɓɛɛ.

Kolosi 4:1

Dabang gãa, nɔɔ pàlɛ́ jaafoo manɛ vuu ɓɔɔ tɔ̃ɔ, a ti daa naa katɔ ɓɛɛ. Danggn wu ning nɔɔ kpang, dabang gãa manɛ ɓi doogn kɔ ka lapa.

Vuu ɓɔɔ zang nwangsɛ Yɔhana 3:7

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Filadifiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ shi kpang ɓi ka bii ɓiɓɛ kpang, zang ɓɔɔ wu ɓi niizang ɓɛɛ. Wukɔ yiti shɔng saka nyaa gãa ɓɔɔ bɛ̀ɛ́ Dawuda yiti ɓɛɛ. Nɛɛ puu nyaa gãa tɔ, zang ɓɔɔ zunung kunang kagn kpang, nɛɛ ti ku tɔ, zang ɓɔɔ zunung puunang kagn kpang.