Maraku 13:23 - Nyaa Shɔɔ Ɓɔɔ Laa a Ɓɛɛ

²³ Nɔɔ gãng jĩng kagn, n kɔɔ nɔɔ vuu keɓe tɔ piti ka tĩng.

Maraku 13:23 ပူးပေါင်းရင်းမြစ်များ

Matiyu 24:25

Nɔɔ shing danggn kagn, ka ruu ɓɔɔ, n kɔɔ nɔɔ tɔ ɓɛɛ.

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

Maraku 13:24

“Jĩng dannang kaɓa nɛɛ waa nyaa tɔ, laa kɔ ruu zi ka lapa ɓee, naa tɔ̀ɔ́ katɔ. Shala ti naa yakɛ nɔng takpang.

Maraku 13:33

Nɔɔ palɛ tɔ̃ɔ, nɔɔ gãng jĩng kagn. Ka ruu ɓɔɔ, nɔɔ zi diki kaɓa kpang ɓɛɛ.

Maraku 13:5

A Yeesɔ gaa ri tɔɔsung ruu kɔɔnang kati tɔɔ, “Nɔɔ gãng jĩng kagn, zang ɓɔɔ nɛɛ nwãarɛ nɔɔ”

Maraku 13:9

Nɔɔ shing yuu manɛ tɔ̃ɔ tɔ̃ɔ, ka ruu ɓɔɔ, zang naa a nɔɔ zang ɓɔɔ ri jɛ̃ɛ ruu ditɔ ɓɛɛ. Zang naa nyɔ nɔɔ ditɔ ka gãa zɔɔ kpalɛnang zang Yahudi. Zang naa atɛ nɔɔ ditɔ ka tĩng rɛɛ gɔmna nɛɛ rɛɛ kpanti ka ruu mɛɛ, tɔ̀ɔ, nɔ́ɔ kɔɔ ri Ruu Laa kati.

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Luka 21:8

A kɔɔ ri tɔɔ, “Nɔɔ gãng jĩng waasɛ̃ zang ɓɔɔ nɛɛ nwãarɛ nɔɔ. Zang dɔɔli a ditɔ nɛɛ nung mɛɛ, ri naa kɔɔyi nɛɛ rikɔ zang ɓɔɔ naa a ɓɛɛ. A ri ti kɔɔ nɛɛ diki a naabm tɔ. Nɔɔ dũ̀ng ri kpang.

Yɔhana 14:29

N kɔ̀ɔ nɔɔ vuu keɓe tɔ, bɛ̀ɛ́ palɛ gn kpang, ka ruu ɓɔɔ nɛɛ naa nwang tɔ niizang nɔɔ shing danggn kaa bii mɛɛ ɓɛɛ.

2 Bituru 3:17

Masang ɓɔɔ n kasɛ ruu manɛ dɔɔli ɓɛɛ, ɓɔɔ manɛ nɔɔ zi vuu keɓe manɛ tɔ, ka ruu nɔngkɔ, n kɔɔ nɔɔ, nɔɔ gãng jĩng waasɛ̃. Zang ɓɔɔ ri dũng nyaa Laa kpang, ri nɛ̀ɛ́ shing nɔɔ, nɔ́ɔ palɛ vuu shi kpang ɓɔɔ ri palɛ ɓee. Rí nɛɛ ti wàlɛ́ gbalang ri shing nɔɔ, nɔ́ɔ yaa nɔng tɔ̃ɔ kɔ nɔɔ shii kagn ɓɛɛ.