Maraku 13:13 - Nyaa Shɔɔ Ɓɔɔ Laa a Ɓɛɛ

¹³ Zang piti, ri ti naa bɛ̃ɛ nɔɔ ditɔ ka ruu mɛɛ, shɔnzang ɓɔɔ mã danggn sasak wukɔ naa wɔrɛ.

Maraku 13:13 ပူးပေါင်းရင်းမြစ်များ

Matiyu 10:22

Zang piti ri naa bɛ̃ɛ nɔɔ ditɔ, ka ruu nung mɛɛ. Shɔnzang ɓɔɔ nɛɛ mã danggn sasak, wukɔ naa wɔrɛ.

Matiyu 24:13

A zang ɓɔɔ nɛɛ naa mã danggn sasak, wukɔ naa wɔrɛ.

Matiyu 24:9

“Zang ti naa yiki nɔɔ ditɔ, zang a zang ɓɔɔ ri dang nɔɔ jĩng, tɔɔ ri nyɔ nɔɔ vɔrɔ kati. Zang koo keɓe piti naa bɛ̃ɛ nɔɔ ditɔ ka ruu nung mɛɛ.

Maraku 13:12

Zang naa a zang rɛɛ ɓeezung ditɔ nɛɛ zang wu nyɔ vɔrɔ. Daa zang, ri ti naa a zang wujɛ ɓarɛ ditɔ nɛɛ zang nyɔ ri vɔrɔ. Wujɛ ri ti naa shii varɛ ditɔ nɛɛ zang ɓɔɔ ri yi ri ɓɛɛ, ri shingnɛ, nɛɛ zang nyɔ ri vɔrɔ.

Luka 21:17

Zang piti ri kasɛ ruu manɛ kpang, ka ruu mɛɛ.

Luka 6:22

Tĩnang tãanang ɓi ɓɔɔ manɛ kɔ, naa zang kasɛ ruu manɛ kpang, zang bɛ̃ɛ nɔɔ, zang dãa nɔɔ, zang kɔɔ nɛɛ nɔɔ shi kpang, ka ruu Jaa Shɔnzang.

Yɔhana 15:21

Ri palɛ nɔɔ vuu keɓe piti, ka ruu ɓɔɔ, nɔɔ zang mɛɛ ɓɛɛ. A ri ti zi zang ɓɔɔ shong m kpang ɓɛɛ.

Yɔhana 17:14

N a ri nyaa ɓɔɔ mɔɔ shong m nɛɛ mani tɔ, a zang koo bɛ̃ɛ ri tɔ, ka ruu ɓɔɔ, ri ɓarɛ tɔ̀ɔ́ zang koo kpang ɓɛɛ. Naa ɓɔɔ n m zang koo kpang ɓɛɛ.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Galati 6:9

Ruu lee tɔ̃ɔ palɛnang kpang. Ka ruu ɓɔɔ, ruu nɛɛ leeyi, ruu nɛɛ yaa kpang, diki a ditɔ ɓɔɔ naa nwǎng ruu vuu tɔ̃ɔ ɓɛɛ.

Yahudi 10:39

A rùu ɓuru kaa tɔ̀ɔ́ ka teteng zang ɓɔɔ ri gɔ̃ bii nɛɛ knti, ri shaarɛ ɓɛɛ kpang. Ruu ɓuru ka teteng zang ɓɔɔ ri shing danggn, a Laa wu ta yuu ɓarɛ ɓɛɛ.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

1 Yɔhana 3:13

Manzung, zang ɓɔɔ koo keɓe nɛɛ kasɛ ruu manɛ kpang, nɔɔ mã naa ka danggn kpang.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.

Vuu ɓɔɔ zang nwangsɛ Yɔhana 3:10

Nɔɔ dũng ruu mɛɛ ɓɔɔ n kɔ̀ɔ nɔɔ nɛɛ nɔɔ mã danggn ɓɛɛ tɔ, ka ruu nɔngkɔ, n naa shingnɛ, nɔ́ɔ wɔ ka jĩng dannang ɓɔɔ a kaa tɔ ka koo piti ɓɔɔ zang gãsɛ zang ɓɔɔ ri nwang ka koo nɛɛ mani ɓɛɛ.