Maraku 13:11 - Nyaa Shɔɔ Ɓɔɔ Laa a Ɓɛɛ

¹¹ Zang nɛɛ atɛ nɔɔ tɔ ka nɔng ɓɔɔ zang jɛ̃ɛ zang ruu, nɔɔ rɛ̃rɛ vuu ɓɔɔ nɔɔ naa kɔɔ zang ɓɛɛ kpang. Zang nɛɛ hɛ̃ɛ nɔɔ tɔ, nɔɔ kɔɔ zang vuu ɓɔɔ Laa a nɔɔ ɓɛɛ, ka ruu ɓɔɔ, ɓi nɔkɔ rang yee kpang, ɓi Suru Laa rang nɛɛ nyaa manɛ ɓɛɛ.

Maraku 13:11 ပူးပေါင်းရင်းမြစ်များ

Matiyu 10:17

Nɔɔ gãng jĩng kagn, ka ruu ɓɔɔ, zang naa yi nɔɔ ditɔ, zang daa nɛɛ nɔɔ ka tĩng zang ɓɔɔ ri jɛ̃ɛ zang ruu ɓɛɛ, ri ti naa nyɔ nɔɔ nɛɛ gbãa ka gãa zɔɔ kpalɛnang ɓarɛ.

Maraku 13:12

Zang naa a zang rɛɛ ɓeezung ditɔ nɛɛ zang wu nyɔ vɔrɔ. Daa zang, ri ti naa a zang wujɛ ɓarɛ ditɔ nɛɛ zang nyɔ ri vɔrɔ. Wujɛ ri ti naa shii varɛ ditɔ nɛɛ zang ɓɔɔ ri yi ri ɓɛɛ, ri shingnɛ, nɛɛ zang nyɔ ri vɔrɔ.

Maraku 13:9

Nɔɔ shing yuu manɛ tɔ̃ɔ tɔ̃ɔ, ka ruu ɓɔɔ, zang naa a nɔɔ zang ɓɔɔ ri jɛ̃ɛ ruu ditɔ ɓɛɛ. Zang naa nyɔ nɔɔ ditɔ ka gãa zɔɔ kpalɛnang zang Yahudi. Zang naa atɛ nɔɔ ditɔ ka tĩng rɛɛ gɔmna nɛɛ rɛɛ kpanti ka ruu mɛɛ, tɔ̀ɔ, nɔ́ɔ kɔɔ ri Ruu Laa kati.

Luka 21:12

Ɓɔɔ diki keɓe à gn kpang, zang yi nɔɔ zang ti dang nɔɔ jĩng. Zang a nɔɔ rɛɛ zang bang bang gãa zɔɔ kpalɛnang, ri jɛ̃ɛ nɔɔ ruu, ri loo nɔɔ ka sãa. Zang daa nɛɛ nɔɔ ka bii kpanti, nɛɛ bii gɔmna, ka ruu ɓɔɔ, nɔɔ ráng yee mɛɛ ɓɛɛ.

Yɔhana 3:27

A Yɔhana kasɛ ri nyaa tɔɔ, “Laa nɛɛ a zang vuu kpang, zang walɛ vuu ɓɔɔ kpang.

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

Zang Shonang Yeesɔ 3:13

Làá rɛɛ dabang ɓuru Ibirayi, nɛɛ Ishaaku, nɛɛ Yakubu kɔ a zang shonang ɓiɓɛ Yeesɔ bannang ɓɔɔ waa nyaa kpang ɓɛɛ. A nɔɔ a zang bang bang Yahudi wu nɛɛ zang nyɔ wu vɔrɔ. Nɔɔ bɛ̃ɛ wu ka tĩng kpanti Bilatu, ka ɓɔɔ Bilatu kɔ̀ɔ́yi tɔ nɛɛ wu yaa wu naa kaa tɔ ɓɛɛ.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 6:10

Suru Laa á Istifanu zũnang dɔɔli naa ɓɔɔ nɛ́ɛ ràng yee, zang keɓe ri zunung ɓɔɔ ri kasɛ wu nyaa kpang ɓɛɛ.

Zang Shonang Yeesɔ 6:15

Zang ɓɔɔ ri nwalɛ ri jɛ̃ɛ zang ruu ɓɛɛ, ri shu jĩng ka waa nyaating Istifanu, ri zirɛ waa nyaating ɓiɓɛ nwáng naa waa nyaating zang nyaa shonang Laa ɓɔɔ ka lapa ɓɛɛ.

Zang Shonang Yeesɔ 7:55

Suru Laa a ka bii Istifanu, ka ruu nɔngkɔ, tuu jĩng ka lapa, a zi bannang Laa nɛɛ Yeesɔ ɓɔɔ shii ka kagn ɓiɓɛ ɓɛɛ.

1 Koranti 2:13

Ka ruu nɔngkɔ, ruu nɛɛ kɔɔ nɔɔ ruu ka yuu vuu ɓɔɔ Laa a zang keɓe, ruu kɔ̀ɔ́ nɔɔ wu nɛɛ yee ɓɔɔ shɔnzang ri tùsù ruu nɛɛ zũnang ɓarɛ ɓɛɛ kpang. Ɓi Suru Laa tùsù ruu vuu keɓe. Ruu nwangsɛ ɓuru dĩiri vuu Suru Laa, ruu kɔ̀ɔ́ zang ɓɔɔ Suru Laa kagn ka yeti ɓarɛ ɓɛɛ.

Afisa 3:5

Ka tĩng tɛ̃ɛ tɛ̃ɛ, zang tusu rɛɛ shɔnzang vuu ɓɔɔ zang waasɛ katɔ keɓe kpang, a kãntang keɓe Laa nwàngsɛ̀ rɛɛ zang shonang Yeesɔ ɓɔɔ shi kpang ka bii ɓarɛ kpang, nɛɛ rɛɛ zang nyaa shonang ɓiɓɛ tɔ nɛɛ bii Suru ɓiɓɛ.

Yakubu 1:5

Zang ɓɔɔ nɛɛ zũng kpang, wu gàa Laa, Laa a wu zũnang katɔ, ka ruu ɓɔɔ Laa a zang piti vuu katɔ, ti a zang naa ka zingzing ɓɛɛ. Zãa zang vuu ɓɔɔ zang gaa ɓɛɛ kpang.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.