Maraku 13:10 - Nyaa Shɔɔ Ɓɔɔ Laa a Ɓɛɛ

¹⁰ Zang naa rǎng zang ɓɔɔ ka rɛɛ tipi ɓɔɔ ka koo keɓe Ruu Tɔ̃ɔ Laa ditɔ gbongkarɛ nandon, tɔ̀ɔ, koo wu naa waa nyaa kati.

Maraku 13:10 ပူးပေါင်းရင်းမြစ်များ

Matiyu 12:41

Ka diki ɓɔɔ Laa naa jɛ̃ɛ zang ruu, zang Ninivi ri naa kɔɔ zang koo jaknti keɓe ruu vuu shi kpang ɓarɛ ditɔ. Ka ruu ɓɔɔ, zang Ninivi ri yaa vuu shi kpang ɓarɛ, ri kɔ̃sɔ yeti ka diki ɓɔɔ Yunana rang ri yee Laa ɓɛɛ. N kɔ̀ɔ́ nɔɔ, zang ɓɔɔ ɓa Yunana katɔ, kagn nihn.

Matiyu 24:14

Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Maraku 16:15

A kɔɔ ri tɔɔ, “Nɔɔ dita ka koo piti, nɔɔ daa rang zang piti, Ruu Tɔ̃ɔ Kpanti Laa.

Rooma 1:8

N gaayu, n zãa Laa mɛɛ nɛɛ bii Yeesɔ Kirisi, ka ruu ɓɔɔ, zang koo nandon, ri rang ruu ka yuu danggn shinang manɛ ɓɛɛ.

Rooma 10:18

N hɛ̃ɛ katɔ ɓɛɛ, Ri tã̀a Ruu Tɔ̃ɔ Laa kpang niizang ya? Ri tã̀a katɔ. Labeenang Laa kɔɔyi tɔɔ, “Ri kɔɔ ruu keɓe ka dalɛ koo nandon. Ruu ɓarɛ daa ka dĩiri ɓɔɔ koo waa nyaa ɓɛɛ.”

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

Vuu ɓɔɔ zang nwangsɛ Yɔhana 14:6

A n zi zang nyaa shonang Laa ɓɔɔ ka lapa ɓɛɛ ɓɔɔgn, tãa ka lapa. Atɛ Ruu Tɔ̃ɔ Laa ɓɔɔ di nyaa kpang ɓɛɛ, ɓɔɔ wu naa daa kɔɔrɔ zang ɓɔɔ ri nwang ka koo ɓɛɛ, nɛɛ zɔ̃ng zang piti, nɛɛ nɔng piti ka koo, a ɓɔɔ zang ɓɔɔ ri rangkɛ nyaa ka bm bm ɓɛɛ.