Maraku 12:7 - Nyaa Shɔɔ Ɓɔɔ Laa a Ɓɛɛ

⁷ “Ɓu doo ɓɔɔ zang ɓɔɔ yɔɔ yaa ri jaa ka naa ri zi jaa yɔɔ a kana, ri tɔ̀ng zɔɔ ka naa ɓarɛ tɔɔ, ‘Wee jaa ɓɔɔ naa shaa vuu vɔ ɓiɓɛ kɔ, nɔɔ a ta, ruu nyɔ wu vɔrɔ, tɔ̀ɔ, vuu vɔ ɓiɓɛ wu nwang kaa ɓɔɔ ɓuru.’

Maraku 12:7 ပူးပေါင်းရင်းမြစ်များ

Matiyu 2:16

Ɓɔɔ Hiridu naa zirɛ nɛɛ, zang ɓɔɔ ri zili sang ri nwãarɛ wu tɔ naa weɓe, gnvɔ shàa wu dɔɔli. Shong zang nɛɛ zang daa nyɔkɔ wujɛ varɛ nandon ɓɔɔ saa ɓarɛ ɓa ziti gn kpang ɓɛɛ vɔrɔ, ka gari Bɛtalami nɛɛ nɔng ɓɔɔ kiiri Bɛtalami nyaa naabm. Hiridu palɛ nɔngkɔ ka naa ɓɔɔ wu tãa nyaa diki ɓɔɔ sang nwang nyaa ting shɔɔnang ka bii zang ɓɔɔ ri zili sang ɓɛɛ.

Matiyu 21:34

Diki jĩng laa inabi hãnang naa raa bii, a yɔɔ ɓaa nyaa ka zang shonang ɓiɓɛ. Shong ri ka bii zang ɓɔɔ wu yaa ri jaa ɓɛɛ, nɛɛ ri daa ta wu jĩng laa.

Maraku 12:12

Zang bang bang, zang Yahudi nɛɛ ri yi Yeesɔ katɔ, ka ruu ɓɔɔ, ri zi tɔ ka yeti ɓarɛ nɛɛ, Yeesɔ rang nyaa vuu jeenang ɓiɓɛ ka yuu ɓarɛ kɔ ɓɛɛ. A ri yaa wu, ri daayi, ka ruu ɓɔɔ, ri kaa vɔrɔ zang ɓɔɔ kpalɛ zɔɔ gaagaa ɓɛɛ.

Maraku 12:6

“Zang ɓɔɔ naa wu shongnɛ, yaa kaa jaa gbete ɓiɓɛ, ɓɔɔ wu kasɛ ruu ɓiɓɛ gbãng gbãng kɔ shɛ̃ɛning. A naa shong kaa wukɔ nɛɛ knti, nɛɛ naa kasɛ, ri tãa kaa nyaa jaa ɓiɓɛ kɔ.

Maraku 12:8

A ri seepaa, ri yi jaa yɔɔ, ri nyɔ wu vɔrɔ, ri daa tasɛ wu ka nyaa jaa biling.

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 5:28

“Ruu dàng nɔɔ nyaa gbãng gbãng nɛɛ nɔɔ tusu zang vuu tɔ̀ɔ́ nɛɛ nung yɔɔ keɓe kpang. Nɔɔ zi vuu ɓɔɔ nɔɔ palɛ ɓɛɛ ta, nɔɔ baa gari Urushalima tɔ nɛɛ vuu ɓɔɔ nɔɔ tusu ɓɛɛ. Nɔɔ kasɛ nɛɛ zang zirɛ nɛɛ rukɔ nyɔ wu vɔrɔ.”

Zang Shonang Yeesɔ 7:52

Zang nyaa shonang Laa kagn gbete ɓɔɔ rɛɛ dáa manɛ dang wu jĩng kpang ya? Zang ɓɔɔ ri kɔɔ ruu anang zang tɔ̃ɔ keɓe ka tĩng, rɛɛ daa manɛ ti nyɔ̀kɔ̀ ri vɔrɔ. Wee nɔɔ ti nyɔ yuu ɓiɓɛ tɔ, zang nyɔ wu vɔrɔ tɔ.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.