Maraku 12:17 - Nyaa Shɔɔ Ɓɔɔ Laa a Ɓɛɛ

¹⁷ A Yeesɔ kɔɔ ri tɔɔ, “Vuu ɓɔɔ nɛɛ ɓɔɔ Kayisa, nɔɔ a wu, nɔɔ ti a Kpanti Laa vuu ɓiɓɛ.” Ɓɔɔ ri tãa naa weɓe, ri mã naa ka danggn, ka ruu nyaa ɓɔɔ wu kasɛ ɓɛɛ.

Maraku 12:17 ပူးပေါင်းရင်းမြစ်များ

Matiyu 22:21

Ri kasɛ wu nyaa tɔɔ, “Ɓɔɔ Kayisa.” A Yeesɔ kɔɔ ri tɔɔ, “Nɔɔ a Kayisa vuu ɓiɓɛ ta, nɔɔ ti a Kpanti Laa ɓɔɔ ɓiɓɛ.”

Matiyu 22:22

Ɓɔɔ ri tãa naa weɓe, ri mã naa ka danggn, a ri yaa wu ri daa kati.

Matiyu 22:33

Zang ɓɔɔ ri kpalɛ zɔɔ tãa tɔ naa weɓe, ri mã naa ka danggn, ka ruu vuu ɓɔɔ wu tusu ɓɛɛ.

Matiyu 22:46

Zang gbete ɓɔɔ zi naa ɓɔɔ wu kasɛ Yeesɔ nyaa takpang. Vuu ɓɔɔ gaayu ka diki kaɓa, zang gbete ɓɔɔ paasɛ wu ruu hɛ̃ɛnang ɓɔɔgn kpang.

Matiyu 8:10

Ɓɔɔ Yeesɔ tãa yee ɓɔɔ yɔɔ rang naa weɓe, mã naa ka danggn. A kɔɔ zang dɔɔli ɓɔɔ ri dũuru wu tɔɔ, “N kɔɔ nɔɔ ruu ɓɔɔ niizang kɔ nwani, n zi zang Isirela ɓɔɔ shing danggn ka bìí Kpanti Laa gngn naa zang zanti keɓe kpang.

Maraku 12:16

A ri atɛ wu gbete. A Yeesɔ hɛ̃ɛ ri tɔɔ, “Wee ɓu waa nyaating, nɛɛ nung wiya?” A ri kasɛ wu nyaa tɔɔ, “Ɓɔ̀ɔ́ kpanti Kayisa.”

Maraku 12:30

Mɔ́ɔ kasɛ Kpanti Laa ɓaaɓɛ nɛɛ yeti ɓaaɓɛ nandon, nɛɛ suru bii ɓaaɓɛ nandon, nɛɛ rɛ̃rɛnang ɓaaɓɛ nandon, nɛɛ kaka ɓaaɓɛ nandon.’

Luka 20:25

A kɔɔ ri nɛɛ, “Nɛɛ nɔngkɔ, nɔɔ a Kayisa vuu ɓɔɔ ɓi ɓɔ̀ɔ́ Kayisa ɓɛɛ, nɔɔ ti a Laa vuu ɓɔɔ ɓi ɓɔ̀ɔ́ Laa ɓɛɛ.”

Rooma 12:1

Rɛɛ manzung, ka ruu tɔ̃ɔ palɛnang Laa, ɓɔɔ Laa tusu ruu dɔɔli ɓɛɛ, n gaa nɔɔ katɔ gbãng gbãng. Nɔɔ a Laa yuu manɛ, naa vuu ɓɔɔ zang dɔɔ wu ɓɛɛ. Nɔɔ nɛɛ a wu yuu manɛ tɔ naa vuu vaa ɓɔɔ zang dɔɔ wu ɓɛɛ, a nɔɔ kaa doo ningkãari ɓɛɛ. Nɔɔ shing yuu manɛ kaa gbãng gbãng nɔɔ pàlɛ́ wu shonang ɓɔɔ shing wu, wu tãa tĩnang manɛ ɓɛɛ. Wee gbalang ɓɔɔ Laa kàsɛ̀ nɛɛ nɔɔ báng wu ɓɛɛ kɔ.

Rooma 13:7

Vuu ɓɔɔ ri nɛɛ dṹng nɔɔ, nɔɔ shu ri ta. Nɔɔ shù zang ɓɔɔ ta saka tipi, saka tipi. Nɔɔ a zang ɓɔɔ ri ta saka ka yuu vuu ɓɔɔ nɔɔ mãlɛ́ ɓɛɛ, saka ɓiɓɛ. Zang ɓɔɔ nɛɛ daa naa sennang katɔ, nɔɔ seng wu. Nɔɔ a zang ɓɔɔ daa naa bannang katɔ, bannang.

Rooma 6:13

Nɔ́ɔ ti yaa bii manɛ dang gbete wu ràa vuu ɓɔɔ nɔ̀ɔ palɛ vuu shi kpang nɛɛ mani ɓɛɛ kpang. Nɔɔ a Laa, bii manɛ naa zang ɓɔɔ zang wisi ri paa nɛɛ sàa ri nwàng kaa ningkãari ɓɛɛ. Nɔɔ risi bii manɛ dang gbete katɔ kɔ jong wu nwang vuu ɓɔɔ Laa palɛ shonang tɔ̃ɔ nɛɛ mani ɓɛɛ.

1 Bituru 2:17

Nɔ́ɔ a zang piti bannang katɔ. Nɔ́ɔ ti kàsɛ̀ ruu zang ɓɔɔ ri dũng doo Laa kɔ katɔ. Nɔ́ɔ kaa vɔrɔ Laa katɔ. Nɔ́ɔ ti a kpanti bannang katɔ.