Maraku 11:25 - Nyaa Shɔɔ Ɓɔɔ Laa a Ɓɛɛ

²⁵ Nɔɔ nɛɛ seepaa tɔ nɛɛ nɔɔ gaa Laa, nɔɔ yàá zang ɓɔɔ palɛ nɔɔ vuu shi kpang gbalang katɔ. Tɔ̀ɔ, Daa manɛ Kpanti Laa ɓɔɔ ka lapa, wu yàa nɔɔ gbalang vuu shi kpang manɛ kaa jong.” [

Maraku 11:25 ပူးပေါင်းရင်းမြစ်များ

Matiyu 5:23

Ka ruu nɔngkɔ, mɔɔ nɛɛ tɔɔ mɔɔ a Laa vuu ka nɔng ɓɔɔ zang dɔɔ Kpanti Laa vuu kagn, a mɔɔ naa kpaa danggn vuu ɓɔɔ mɔɔ lasɛ ɓaazung yeti nɛɛ mani ɓɛɛ,

Matiyu 6:12

Mɔ́ɔ ti yàa ruu gbalang vuu shi kpang ɓɔɔ ruu palɛ ɓɛɛ, naa ɓɔɔ ruu yaa zang ɓɔɔ ri palɛ ruu vuu shi kpang ɓɛɛ.

Matiyu 6:5

“Nɔɔ nɛɛ tɔɔ nɔɔ gaa Laa, nɔ́ɔ palɛ naa zang ɓɔɔ ri nwãarɛ zang nɛɛ vuu palɛnang ɓɔɔ ri palɛ ɓɛɛ kpang. Ri kasɛ Laa gaanang doo paa ka gãa zɔɔ kpalɛnang zang Yahudi, nɛɛ nɔng ɓɔɔ gbabang ɓee zɔɔ, nɛɛ tɔɔ zang zi ri kati. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ Laa nɛɛ a ri tɔ nandon.

Luka 18:11

Yɔɔ Farisi seepaa gaa Laa, a kɔɔ ruu bang bang ka yuu ɓiɓɛ tɔɔ, ‘Laa n zãa mɔɔ tɔ, ka ruu ɓɔɔ, n nwang m naa zang ɓɔɔ nimbang ɓɔɔ ri ta zang vuu nɛɛ ɓangge, nɛɛ zang ɓɔɔ ri palɛ vuu shi kpang, nɛɛ zang dũndũng kpang. N m ti naa zang ɓɔɔ ta saka tipi kaɓa kpang ɓɛɛ.

Luka 18:13

“A zang ɓɔɔ ta saka tipi shii ɓi nɛɛ nɔng beebang, kasɛ nɛɛ wu wisi jĩng paa kpang tingkiring. A nyɔ naa ka danggn, nwang kaa naa ɓɔɔ zi vuu shi kpang ɓɔɔ wu palɛ tɔ ɓɛɛ. A gàa Laa tɔɔ, ‘Gn mɛɛ wu kɔng mɔɔ jong Laa, n m zang ɓɔɔ palɛ vuu shi kpang ɓɛɛ.’

Luka 6:37

“Nɔ́ɔ jɛ̃̀ɛ zang ruu kpang, Kpanti Laa wu ti naa jɛ̃ɛ nɔɔ ruu kpang kɔ doori. Nɔ́ɔ kɔɔ kpang nɛɛ zang keɓe palɛ vuu shi kpang tɔ kpang. Tɔɔ Kpanti Laa wu ti naa kɔɔ kaa takpang nɛɛ nɔɔ palɛ vuu shi kpang tɔ kpang. Nɔɔ yaa zang gbalang vuu shi kpang ɓɔɔ zang palɛ nɔɔ ɓɛɛ katɔ, tɔ̀ɔ Laa wu ti naa yaa nɔɔ gbalang vuu shi kpang ɓɔɔ nɔɔ palɛ ɓɛɛ.

Afisa 4:32

Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

Kolosi 3:13

Nɔɔ mã gn nɛɛ zɔɔ. Zang ɓɔɔ nɛɛ lasɛ nɔɔ yeti, nɔɔ yàa zɔɔ gbalang katɔ. Nɔɔ yàa zɔɔ gbalang naa ɓɔɔ Laa yàa nɔɔ ɓɛɛ.

Yakubu 2:13

Ka ruu ɓɔɔ, gn kɔng Laa kpang, ka nɔng ɓɔɔ wu jɛ̃ɛ zang ɓɔɔ gn zang kɔ̀ng wu ɓi kpang ɓɛɛ. Zang ɓɔɔ gn zang kɔng wu katɔ, naa zirɛ nɛɛ gn zang ɓɔɔ kɔng Laa ɓa ruu ɓɔɔ wu dɔng zang ɓɛɛ katɔ.

Vuu ɓɔɔ zang nwangsɛ Yɔhana 11:4

Zang ziti ɓɔɔ ri kɔɔ ruu ɓiɓɛ keɓe, rikɔ laa zeetung ziti nɛɛ waa zàáng sɔɔ ziti ɓɔɔ ka tĩng Laa ɓɔɔ wukɔ kpanti koo piti ɓɛɛ.