Maraku 10:22 - Nyaa Shɔɔ Ɓɔɔ Laa a Ɓɛɛ

²² Ɓu doo ɓɔɔ yɔɔ tãa naa weɓe, yeti ɓiɓɛ lasɛ dɔɔli, kãngtɛ waa nyaating, a yaa Yeesɔ daa kati, ka ruu ɓɔɔ, vuu naa ɓiɓɛ dɔɔli ɓɛɛ.

Maraku 10:22 ပူးပေါင်းရင်းမြစ်များ

Matiyu 13:22

Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

Matiyu 19:22

Ɓu doo ɓɔɔ yɔɔ jasang kaɓa tãa naa weɓe, yeti ɓiɓɛ lasɛ dɔɔli, a daayi, ka ruu ɓɔɔ, vuu naa ɓiɓɛ dɔɔli ɓɛɛ.

Matiyu 27:3

Ɓu doo ɓɔɔ Yahuda ɓɔɔ malɛ Yeesɔ zirɛ, zang jɛ̃ɛ Yeesɔ ruu tɔ, nɛɛ zang nyɔ wu vɔrɔ kaa tɔ, naa kɔ̃sɔ yeti ɓiɓɛ. A see saka azurufa bmati tu kopi ɓɔɔ zang a wu ka ruu Yeesɔ, daa sɔɔrɔ zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi.

Maraku 10:21

Yeesɔ shu wu jĩng tɔ ka bii, kasɛ wu kati. A kɔɔ wu tɔɔ, “Mɔɔ shing jĩng tɔ ka nyaa ɓɔɔ Laa dang ɓɛɛ niizang, yaa mɔɔ vuu gbete. Dita, mɔɔ daa mãlɛ̀ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang, saka vuu ɓɔɔ mɔɔ mãlɛ́ ɓɛɛ. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Maraku 10:23

A Yeesɔ raa jĩng pɛ̃ɛrɛ nɔng, a kɔɔ zang ɓɔɔ ri mantɛ vuu ka bii ɓiɓɛ tɔɔ, “Nɔng ɓɔɔ Laa roo Kpanti kagn naa kpãa zang ɓɔɔ vuu naa ɓarɛ kagn daanang ɓi dɔɔli.”

Maraku 6:20

Ka ruu ɓɔɔ, Hiridu kaa vɔrɔ Yɔhana katɔ, ti zi tɔ nɛɛ Yɔhana ɓi zang tɔ̃ɔ ɓɔɔ palɛ vuu ɓɔɔ daa bii katɔ ɓɛɛ. Ka ruu nɔngkɔ Hiridu yiti Yɔhana tɔ̃ɔ tɔ̃ɔ, kasɛ nɛɛ vuu ɓɔɔ wu lee Yɔhana naa ka bii kpang. Hiridu ɓaa shoo katɔ ka nyaa Yɔhana tɔ̃ɔ tɔ̃ɔ, a yèé Yɔhana kpãa wu ka yeti dɔɔli.

Maraku 6:26

Ɓɔɔ kpanti tãa naa weɓe, yeti ɓiɓɛ lasɛ dɔɔli a zi vuu ɓɔɔ wu palɛ takpang. Ka ruu ɓɔɔ, tũng jaa Laa tɔ ka shoo zang piti ɓɔɔ wu gaarɛ ɓɛɛ. Kasɛ nɛɛ wu yaa nyaa ɓɔɔ wu kɔɔ jaa ɓɛɛ takpang.

Luka 12:15

A kɔɔ zang ɓɔɔ ri kpalɛ zɔɔ nandon tɔɔ, “Nɔɔ palɛ tɔ̃ɔ, nɔɔ gãng jĩng, ka jĩng shinnang ka vuu naa ning. Ka ruu ɓɔɔ, zang gãsɛ suru bii shɔnzang nɛɛ vuu naa ɓiɓɛ ɓɔɔ gaagaa kpang ɓɛɛ.”

Luka 18:23

Ɓɔɔ yɔɔ ɓɔɔ zang ying tãa naa weɓe, bii tantɛ wu vɔnang, ka ruu ɓɔɔ, vuu naa ɓiɓɛ dɔɔli ɓɛɛ.

2 Koranti 7:10

Ka ruu ɓɔɔ, yeti lasɛnang ɓɔɔ ɓi ka naa ɓɔɔ Laa kasɛ, shing zang, zang gbãayu ka bìí Laa, tɔ̀ɔ, Laa wu ta yuu zang kati. Zang ɓɔɔ lasɛ yeti kagn ka yuu vuu keɓe kpang. A yeti lasɛnang ɓɔɔ ɓi shɔnzang shingnɛ waati, shingnɛ zang vɔ vɔrɔ suru.

Afisa 5:5

Ǹ kàsɛ̀ nɛɛ nɔ́ɔ zi vuu keɓe waasɛ̃. Zang ɓɔɔ palɛ dũndũng, ɓɔɔ rɛ̃rɛnang ɓiɓɛ ti kalang kalang kpang, ɓɔɔ ti shing jĩng ka vuu zang, naa daa nɔng ɓɔɔ Yeesɔ Kirisi roo kpanti kagn nɛɛ Laa ɓɛɛ kpang. Ka ruu ɓɔɔ rɛɛ vuu keɓe dàa wu ka yeti, ɓa ɓɔɔ wu palɛ vuu ɓɔɔ Laa kasɛ ɓɛɛ.

2 Timoti 4:10

ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.