Maraku 10:21 - Nyaa Shɔɔ Ɓɔɔ Laa a Ɓɛɛ

²¹ Yeesɔ shu wu jĩng tɔ ka bii, kasɛ wu kati. A kɔɔ wu tɔɔ, “Mɔɔ shing jĩng tɔ ka nyaa ɓɔɔ Laa dang ɓɛɛ niizang, yaa mɔɔ vuu gbete. Dita, mɔɔ daa mãlɛ̀ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang, saka vuu ɓɔɔ mɔɔ mãlɛ́ ɓɛɛ. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Maraku 10:21 ပူးပေါင်းရင်းမြစ်များ

Matiyu 16:24

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ, wu tuu laa ɓɔɔ zang ɓaa wu kagn, wu dũng m.

Matiyu 19:21

A Yeesɔ kɔɔ wu tɔɔ, “Mɔɔ nɛɛ kasɛ nɛɛ mɔɔ nwang zang ɓɔɔ vuu shi kpang ɓi ka bii ɓiɓɛ gbete kpang, ka tĩng Laa, dita mɔɔ daa mãlɛ́ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang saka vuu ɓɔɔ mɔɔ malɛ ɓɛɛ kati. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Maraku 10:22

Ɓu doo ɓɔɔ yɔɔ tãa naa weɓe, yeti ɓiɓɛ lasɛ dɔɔli, kãngtɛ waa nyaating, a yaa Yeesɔ daa kati, ka ruu ɓɔɔ, vuu naa ɓiɓɛ dɔɔli ɓɛɛ.

Maraku 8:34

A Yeesɔ ɓaa nyaa ka zang ɓɔɔ ri kpalɛ zɔɔ, nɛɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ. Wu tuu laa ɓiɓɛ ɓɔɔ zang naa ɓaa wu naa kagn ɓɛɛ, wu dũng m.

Luka 10:42

Vuu ɓɔɔ zang kasɛ ɓi gbete kɔ nwani. Marayamu ya ɓɔɔ tɔ̃ɔ ɓi tɔ. Zang ɓɔɔ ta kagn nɛɛ naa ɓiɓɛ tɔkn kpang.”

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 16:9

A Yeesɔ kɔɔ ri nɛɛ “N kɔ̀ɔ́ nɔɔ, nɔɔ yiki wusang nɛɛ zɔɔ nɛɛ vuu naa manɛ, ka ruu ɓɔɔ, nɛɛ naa waa nyaa tɔ, zang naa ta nɔɔ ka nɔng ɓɔɔ nɔɔ naa nwang dòndòng ɓɛɛ.

Luka 18:22

Ɓɔɔ Yeesɔ tãa naa weɓe, a kɔɔ wu tɔɔ, “Yàa mɔɔ kaa vuu gbete. Mãlɛ́ vuu ɓaaɓɛ nandon, mɔɔ basɛ zang ɓɔɔ vuu ka naa kpang ɓɛɛ saka. Tɔ̀ɔ, mɔɔ arɛ mɔɔ dũng knti mɛɛ. Mɔɔ naa walɛ vuu naa ditɔ ka lapa.”

Luka 19:41

Yeesɔ a tɔ, yaa Urushalima kaa naabm, naa zi gari, a wɔsɔ miiri.

Luka 9:23

A kɔɔ zang tɔɔ, “Zang ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ diki, diki wu dũng m.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Zang Shonang Yeesɔ 2:45

Ri mãlɛ́ vuu ɓarɛ ri bàsɛ̀ saka nɛɛ zɔɔ. Ri a zang ɓu naa ɓɔɔ daa wu katɔ ɓɛɛ.

2 Koranti 12:15

N tãa tĩnang katɔ, n ningsi vuu ɓɔɔ ka naa mɛɛ, nɛɛ yuu mɛɛ piti, ka ruu manɛ, tɔ̀ɔ, n yi nɔɔ naa ka bii. Nɔɔ kàsɛ́ m tɔkɔlɔng, ka ruu ɓɔɔ, n kasɛ nɔɔ dɔɔli ɓɛɛ ya?

2 Timoti 3:12

Zang piti ɓɔɔ nɛɛ kasɛ wu nwang zang ɓɔɔ dũng Laa gbãng gbãng ka ɓɔɔ wu ɓakɛ yuu nɛɛ Yeesɔ Kirisi, zang dang wu jĩng katɔ.

Yahudi 10:34

Ka ruu ɓɔɔ, gn zang ɓɔɔ zang mã ri ka sãa kɔng nɔɔ katɔ. Ɓɔɔ zang lasɛ vuu manɛ zang seeyi, yeti manɛ lasɛ kpang. Ka ruu ɓɔɔ, nɔɔ nɛɛ yuu manɛ, nɔɔ zi tɔ, nɛɛ vuu manɛ kagn ɓɔɔ ɓa weɓe katɔ, a ti nwang ɓi dòndòng ɓɛɛ.

Yakubu 2:10

Zang ɓɔɔ nɛɛ dũng nyaa dannang Laa nandon tɔ̃ɔ tɔ̃ɔ, a naa ta gbete, nwang ɓi kaa naa ɓɔɔ ta nandon ɓɛɛ.

Vuu ɓɔɔ zang nwangsɛ Yɔhana 2:14

A vuu shi kpang ɓɔɔ nɔɔ palɛ kaa gn, ɓɔɔ n kasɛ kpang ɓɛɛ. Zang ɓɔɔ kagn ka teteng manɛ ɓɔɔ ri palɛ vuu ɓɔɔ yɔɔ ɓɔɔ zang ɓaa wu nɛɛ Balamu tusu zang ɓɛɛ. Balamu ɓɔɔ kpɛ̃ɛrɛ Balak naa ɓɔɔ wu shing zang Isirela, ri palɛ vuu shi kpang, nɛɛ ri shaa vuu shaanang ɓɔɔ zang a vaka, nɛɛ ri palɛ dũndũng.

Vuu ɓɔɔ zang nwangsɛ Yɔhana 2:20

A vuu ɓɔɔ nɔɔ palɛ kaa gn gbete ɓɔɔ n kasɛ kpang ɓɛɛ. Naa ɓɔɔ nɔɔ yaa jaa soro kaɓa, ɓɔɔ zang ɓaa wu nɛɛ Jezebel, nwàng ka teteng manɛ ɓɛɛ. A kpɛ̃ɛrɛ zang mɛɛ, nwãarɛ ri nɛɛ ri palɛ dũndũng, nɛɛ ri ti shaa vuu shaanang ɓɔɔ zang a vaka ɓɛɛ.

Vuu ɓɔɔ zang nwangsɛ Yɔhana 2:4

A vuu shi kpang ɓɔɔ nɔɔ pálɛ̀ keɓe, nɔɔ kasɛ m tɔ̀ɔ́ naa ɓɔɔ nɔɔ kasɛ m tĩng shɔɔnang ɓɛɛ kpang.