Maraku 10:2 - Nyaa Shɔɔ Ɓɔɔ Laa a Ɓɛɛ

² Zang Farisi ri naa a ka bii ɓiɓɛ, nɛɛ ri naa gãsɛ wu. Ri hɛ̃ɛ wu tɔɔ, “Ruu Laa kasɛ tɔ nɛɛ zang wu hing soro ɓiɓɛ ya?”

Maraku 10:2 ပူးပေါင်းရင်းမြစ်များ

Matiyu 15:12

A zang ɓɔɔ ri mantɛ vuu ka bii ɓiɓɛ arɛ naa hɛ̃ɛ wu tɔɔ, “Mɔɔ zi ɓu tɔ nɛɛ, ɓɔɔ zang Farisi ri tãa ruu kaɓa, yeti ɓarɛ lasɛ katɔ ya?”

Matiyu 16:1

Zang Farisi nɛɛ Saduki, ri arɛ nɛɛ ri naa gãsɛ Yeesɔ. Ri kɔɔ Yeesɔ tɔɔ, “Tusu ruu vuu ɓɔɔ zang zirɛ zang mã naa ka danggn ɓɔɔ ruu zi kagn nɛɛ mɔɔ a nɛɛ bii Laa ɓɛɛ.”

Matiyu 19:3

A zang ɓɔɔ ka teteng zang Farisi ri naa a ka bii ɓiɓɛ, nɛɛ ri gãsɛ wu katɔ. Ri hɛ̃ɛ Yeesɔ tɔɔ, “Ruu Laa ɓɔɔ Musa beeyi kasɛ tɔ nɛɛ zang wu hing soro ɓiɓɛ, ka ruu vuu ɓɔɔ wu palɛ, ɓɔɔ daa wu ɓi kpang ɓɛɛ ya?”

Matiyu 22:35

A zang gbete ɓɔɔ zi labeenang Laa dɔɔli ka teteng ɓarɛ, gãsɛ Yeesɔ, hɛ̃ɛ wu tɔɔ,

Matiyu 23:13

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.

Matiyu 9:34

A zang Farisi ri tɔɔ, “Yɔɔ keɓe nwangsɛ suru shi kpang ɓi doo nɛɛ naa ɓɔɔ kpanti suru shi kpang a wu kɔ.”

Maraku 10:1

A Yeesɔ seepaa nɛɛ nɔng kaɓa, daa ka tipi Yahudi, a ta rang Urudung. A zang dɔɔli ri kpalɛ zɔɔ kaa tɔkn ka bii ɓiɓɛ, a tusu ri vuu kaa naa ɓasidi ɓɛɛ.

Maraku 10:3

A Yeesɔ kasɛ ri nyaa tɔɔ, “Musa dang nɔɔ nyaa ɓu nɛɛ viya?”

Maraku 8:11

A zang Farisi ri arɛ, ri gaa tɔɔsung nyaa laanang nɛɛ Yeesɔ. Ri kasɛ nɛɛ ri gãsɛ wu katɔ, ka ruu nɔngkɔ, ri kɔɔ wu nɛɛ, wu palɛ vuu ɓɔɔ zang zirɛ, zang mã naa ka danggn, nɛɛ tɔ̀ɔ, ri zi kati nɛɛ Yeesɔ a ɓi nɛɛ bii Laa.

Maraku 8:15

Ri daa kana, a Yeesɔ gaa tɔɔsung ɓɔɔ wu shaarɛ ri nyaa ɓɛɛ kati, kɔɔ ri tɔɔ, “Nɔɔ shing danggn kagn, nɔɔ gãng jĩng ka yisi ɓɔɔ zang Farisi nɛɛ ɓɔɔ Hiridu ning.”

Luka 11:39

A Kpanti Yeesɔ kɔɔ wu tɔɔ, “Ɓɔɔ nɔɔ Farisi, nɔɔ sɔ̀ɔ́ dakn waka nɛɛ dakn gbanti kɔ shɛ̃ɛning, a yeti manɛ ɓi zang mulunang kɔ nɛɛ yeti lanang shɛ̃ɛning.

Luka 16:14

Zang Farisi ɓɔɔ ri tãa vuu ɓɔɔ Yeesɔ kɔɔrɔ nandon naa weɓe, ri ɓàa wu zaa ka bii, ka ruu ɓɔɔ, ri kasɛ saka dɔɔli ɓɛɛ.

Luka 5:30

Zang Farisi nɛɛ zang ɓɔɔ ri tusu zang vuu, ɓɔɔ ri doo zang Farisi kɔ, ri hɛ̃ɛlɛ zang ɓɔɔ ri mantɛ vuu ka bii Yeesɔ kana nɛɛ, “Ka ruu vi, nɔɔ shaa vuu shaanang nɔɔ ti ɓooro vuu nɛɛ zang saka tipi tanang nɛɛ zang ɓɔɔ ri dũng nyaa ɓɔɔ Laa dang ɓɛɛ kpang kɔ doori viya?”

Luka 6:7

Zang Farisi nɛɛ zang ɓɔɔ ri tusu zang vuu, ri tɛ̃̀ɛ wu jĩng ka bii, nɛɛ tɔ̀ɔ, ri zirɛ naa masɛ zang katɔ ka Diki Ɔ̃sɔnang ya. Tɔ̀ɔ, ri walɛ gbalang ɓɔɔ ri naa jɛ̃ɛ wu ruu ɓɛɛ kati.

Luka 7:30

A zang Farisi nɛɛ zang ɓɔɔ ri zi labeenang Laa dɔɔli, ri bɛ̃ɛ vuu ɓɔɔ Laa kasɛ nɛɛ ri palɛ ɓɛɛ tɔ nɛɛ Yɔhana wu pàlɛ̀ ri batizima kpang.

Yɔhana 11:47

A rɛɛ kpanti zang ɓɔɔ ri dɔɔ vuu ka Gãa Laa nɛɛ rɛɛ zang Farisi, ri ɓaa nyaa ka rɛɛ zang ɓɔɔ ri jɛ̃ɛ zang doo ruu kɔ, ɓɔɔ nimbang, a ri hɛ̃ɛ ri tɔɔ, “Ruu pálɛ̀ nɔɔ ɓu kaa viya? Yɔɔ keɓe pálɛ̀ vuu ɓɔɔ zang zirɛ, zang mã naa ka danggn ka naa dɔɔli.

Yɔhana 11:57

Rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi, ri kɔɔ zang nɛɛ, zang ɓɔɔ nɛɛ zi nɔng ɓɔɔ Yeesɔ kagn tɔ, wu naa kɔɔ ri, ri daa yi wu.

Yɔhana 7:32

Zang Farisi ri tãa naa ɓɔɔ zang ri rangkɛ yee keɓe nɛɛ nwĩiri ka yuu Yeesɔ ɓɛɛ. A ri nɛɛ rɛɛ zang bang zang ɓɔɔ ri dɔɔ vuu ka Gãa Laa ɓɛɛ, ri shong zang ɓɔɔ ka teteng zang ɓɔɔ ri gã Gãa Laa nɛɛ ri daa yi wu.

Yɔhana 7:48

Nɔɔ zi zang bang bang zang Yahudi tɔ nɛɛ zang Farisi ri shing danggn ka bii ɓiɓɛ gbete ya?

Yɔhana 8:6

Ri lang ɓarɛ saka nɛɛ ruu kɔ ri hɛ̃ɛ ɓee, nɛɛ tɔɔ ri walɛ vuu shi kpang ɓɔɔ ri kɔɔ ka yuu ɓiɓɛ kati. A Yeesɔ ɓaa yuu ka dii, bee vuu ka tipi nɛɛ saa naa.

1 Koranti 10:9

Zang ɓɔɔ ka teteng rɛɛ dabang ɓuru ɓɔɔ ka tĩng tɛ̃ɛ tɛ̃ɛ, ri gãsɛ Laa nɛɛ tɔ̀ɔ, ri zi vuu ɓɔɔ naa wu palɛ ɓɛɛ. Ka ruu nɔngkɔ, Laa shing sɔkɔ, sɔkɔ yiki ri. Ruu gãsɛ Laa ɓuru jong naa rikɔ kpang.