Maraku 10:18 - Nyaa Shɔɔ Ɓɔɔ Laa a Ɓɛɛ

¹⁸ A Yeesɔ kasɛ wu nyaa tɔɔ, “Mɔɔ ɓaa m nɛɛ zang tɔ̃ɔ ka ruu viya?” Zang tɔ̃ɔ ɓi kagn kpang, ɓi Kpanti Laa kɔ tɔ̃ɔ gbete.

Maraku 10:18 ပူးပေါင်းရင်းမြစ်များ

Matiyu 19:17

A Yeesɔ kasɛ wu nyaa tɔɔ, “Mɔɔ hɛ̃ɛ m ruu vuu ɓɔɔ tɔ̃ɔ ka ruu viya? Laa kɔ tɔ̃ɔ gbete. Mɔɔ nɛɛ kasɛ suru bii ɓɔɔ waa nyaa kpang, dũng nyaa ɓɔɔ Kpanti Laa dang ɓɛɛ.”

Maraku 10:17

Yeesɔ yi gbalang daanang ɓiɓɛ tɔ, daa kana, a jaa varɛ ɓɔɔ yurɛ naa tang ka tĩng ɓiɓɛ, a hɛ̃ɛ wu tɔɔ, “Maalang ɓɔɔ tɔ̃ɔ tɔ̃ɔ ɓɛɛ, n palɛ vi tɔ̀ɔ, Laa wu a m suru bii ɓɔɔ waa nyaa kpang viya?”

Maraku 10:19

Mɔɔ zi nyaa ɓɔɔ Laa dang ɓɛɛ tɔ, Laa tɔɔ, “Mɔɔ nyɔ zang vɔrɔ kpang, mɔɔ palɛ vuu dũndũng kpang, mɔɔ ɓɔ̀ɔ́ shɔngɓɔ kpang, mɔɔ suu sèé ka yuu zang ɓɔɔ kpang, mɔɔ mulu zang kpang. Ɓaa shoo ka nyaa daaɓɛ nɛɛ ɓɔɔ naaɓɛ tɔ̃ɔ tɔ̃ɔ.”

Luka 18:19

A Yeesɔ kasɛ wu nyaa tɔɔ, “Mɔɔ ɓáa m ka ruu vi nɛɛ maalang ɓɔɔ tɔ̃ɔ viya? Zang tɔ̃ɔ ɓi kagn gbete kpang, ɓi Laa kɔ tɔ̃ɔ gbete.

Rooma 3:12

Zang piti ri ràa Laa yuu knti tɔ, ri nandon, ri palɛ vuu shi kpang tɔ. Zang ɓɔɔ palɛ vuu tɔ̃ɔ kagn teteng ɓarɛ gbete kpang tingkiring.

Yakubu 1:17

Vuu ɓɔɔ tɔ̃ɔ ɓɔɔ ti gbarɛ katɔ, ɓɔɔ zang a zang piti, a ɓi nɛɛ bii Laa. Vuu keɓe ri a ɓarɛ nɛɛ bii Laa ɓɔɔ wukɔ mãa vuu ɓɔɔ ri yakɛ nɔng ɓɔɔ ri ka lapa ɓɛɛ. Laa ɓɔɔ kɔ̃sɔ bii ɓi jong kpang, ràa ruu yuu knti, wu yaa ruu ka nɔng tɔɔnang kpang.

1 Yɔhana 4:16

Ruu zi naa ɓɔɔ Laa kasɛ ruu tɔ ka yeti ɓuru, a ruu ti shing gn ka ruu zang kasɛnang ɓiɓɛ keɓe katɔ. Kasɛ ruu zang ɓi katɔ. Zang ɓɔɔ kasɛ ruu zang katɔ sasak, nwàng ɓi nɛɛ Laa, a Laa ti nwàng ɓi kagn yeti ɓiɓɛ.

1 Yɔhana 4:8

Zang ɓɔɔ kasɛ ruu zang kpang, zi Laa ɓi kpang, ka ruu ɓɔɔ, vuu piti ɓɔɔ Laa palɛ, palɛ ɓi ka ruu zang kasɛnang ɓɔɔ ka yeti ɓiɓɛ ɓɛɛ.