Maraku 10:14 - Nyaa Shɔɔ Ɓɔɔ Laa a Ɓɛɛ

¹⁴ Ɓɔɔ Yeesɔ zi naa weɓe, gnvɔ shaa wu dɔɔli, a kɔɔ zang ɓɔɔ ri mantɛ vuu ka bii ɓiɓɛ nɛɛ, “Nɔɔ yaa wujɛ seseere ka nɔngkɔ ri a ka bii mɛɛ, nɔ́ɔ zãa ri anang kpang. Kpanti roonang Laa ɓi ɓɔ̀ɔ́ zang ɓɔɔ naa weɓe kɔ.

Maraku 10:14 ပူးပေါင်းရင်းမြစ်များ

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Matiyu 18:4

Ka ruu nɔngkɔ, zang piti ɓɔɔ sɔɔrɔ yuu ɓiɓɛ a nwang kaa naa jaa tɔkɔlɔng keɓe, wukɔ zang bang ka nɔng ɓɔɔ Laa roo kpanti ɓɛɛ.

Matiyu 19:14

Yeesɔ kɔɔ ri nɛɛ, “Nɔɔ yaa wujɛ seseere ka nɔngkɔ ri a ka bii mɛɛ. Nɔ́ɔ nɔ̀ɔ ri gbalang kpang. Kpanti roonang Laa ɓi ɓɔ̀ɔ́ zang ɓɔɔ naa weɓe kɔ.”

Matiyu 5:10

Tĩnang Tãanang ɓi ɓɔɔ zang ɓɔɔ zang dang ri jĩng, ka ruu ɓɔɔ, ri palɛ vuu tɔ̃ɔ ɓɔɔ Kpanti Laa kasɛ ɓɛɛ. Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ Kpanti ɓɛɛ.

Matiyu 5:3

“Tĩnang tãanang ɓi ɓɔɔ zang ɓɔɔ ri zi tɔ nɛɛ, vuu Suru Laa ɓi kagn naa ɓarɛ kpang, Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ kpanti ɓɛɛ.

Maraku 3:5

Gnvɔ shaa Yeesɔ, a Yeesɔ shu ri jĩng kɔ shɛ̃ɛning ka bii, ka ruu yuu taarɛnang ɓarɛ. A raa jĩng kɔɔ yɔɔ ɓɔɔ naa ɓakɛ katɔ tɔɔ, “Dĩi naa ɓaaɓɛ ta.” A yɔɔ dĩi naa ɓiɓɛ, naa ɓiɓɛ nwang tɔ̃ɔ kaa tɔkn.

Maraku 8:33

Ɓɔɔ Yeesɔ raa jĩng zi rɛɛ zang ɓɔɔ ri mantɛ vuu doo ka bii ɓiɓɛ kɔ ɓɛɛ, a mangkɛ Bituru tɔɔ, “Dita kaɓa sheetang. Mɔɔ rɛ̃rɛ ɓaa vuu ɓɔɔ Laa kasɛ kpang, mɔɔ rɛ̃rɛ ɓaa vuu ɓɔɔ, shɔnzang kasɛ ɓɛɛ.”

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Zang Shonang Yeesɔ 2:39

Ka ruu ɓɔɔ, bɛ̀ɛ́ Laa á nyaa ɓi ka ruu manɛ kɔ nɛɛ wujɛ manɛ ɓɛɛ. A ɓɔɔ ti ka ruu zang ɓɔɔ bɛ̀ɛ́ ri naabm ka bii Laa kpang. Suru keɓe, ka ruu zang piti ɓɔɔ Laa ɓɔɔ wukɔ Kpanti ɓuru” naa ɓaa ri nyaa ɓɛɛ.

Zang Shonang Yeesɔ 3:25

Nɔkɔ kaa wujɛ rɛɛ zang nyaa shonang Laa keɓe. Nɔkɔ ti tà vuu ɓɔɔ Laa a nyaa, nɛɛ wu a rɛɛ dabang manɛ ɓɛɛ kati. Laa kɔɔ Ibirayi tɔɔ, ‘N a zang koo keɓe nandon tĩnang tãanang nɛɛ bii zɔ̃ng ɓaaɓɛ kɔ.’

Rooma 11:16

Naa borodi ɓɔɔ zang gaayu zang sharɛ nɛɛ tɔ̃ɔ ka jĩng Laa, borodi ɓɔɔ nimbang keɓe, ɓi kaa doo tɔ̃ɔ kɔ. Naa zang a Laa dĩiri laa nɛɛ tɔ̃ɔ, rɛɛ nasãng laa ɓi doo ɓɔɔ ɓiɓɛ kɔ.

Rooma 11:28

Zang Yahudi ri ɓarɛ zang ɓɔɔ ri shing jĩng nɛɛ Laa kpang, ka ruu ɓɔɔ ri bɛ̃ɛ Ruu Tɔ̃ɔ Laa katɔ ɓɛɛ. A nɔɔ zang ɓɔɔ nɔɔ zi Laa kpang nɔɔ wàlɛ̀ Ruu Tɔ̃ɔ Laa tãanang kati. Ka ruu ɓɔɔ, Laa zɔ̃ng ri ɓarɛ katɔ ɓɛɛ, ri doo zang ɓɔɔ Laa kasɛ ri katɔ ɓɛɛ, ka ruu rɛɛ dabang dabang ɓarɛ ɓɛɛ.

1 Koranti 14:20

Manzung, nɔɔ rɛ̃rɛ naa wujɛ kpang. Nɛɛ a tɔ ka nɔng shi kpang palɛnang, nɔɔ risi yuu manɛ naa wujɛ ɓɔɔ ri palɛ shi kpang ɓarɛ kpang ɓɛɛ. Nɛɛ a tɔ ka nɔng rɛ̃rɛnang, nɔɔ rɛ̃rɛ kaa rɛ̃rɛnang zang bang.

1 Koranti 7:14

N kɔɔ nɔngkɔ, ka ruu ɓɔɔ, zang varɛ ɓɔɔ dũ̀ng Laa kpang Laa zɔ̃́ng wu ka ruu soro ɓiɓɛ. Laa ti zɔ̃ng jaa soro ɓɔɔ dũng wu kpang ka ruu varɛ ɓiɓɛ. Naa nɔngkɔ kpang, wujɛ ɓarɛ ri nwang ɓarɛ ɓɔɔ Laa kpang. Ɓɔɔ kãntang keɓe Laa tà wujɛ ɓarɛ, ri kaa zang ɓiɓɛ.

Afisa 4:26

Yeti ɓaaɓɛ nɛɛ lasɛ tɔ, mɔɔ yaayi wu shing mɔɔ, mɔɔ palɛ vuu shi kpang, kpang. Mɔɔ ti nwang nɛɛ yeti ɓɔɔ lasɛ mɔɔ keɓe, laa wu hãa nyaa nɛɛ mani kpang.

2 Timoti 1:5

Danggn ɓɔɔ mɔɔ shing gbãng gbãng, ning m kpang, naa ɓɔɔ nabang ɓaaɓɛ Looyi nɛɛ naaɓɛ Yunis, ri shing ɓɛɛ. N ti zi zɔ̃ng danggn shinnang keɓe kagn yeti ɓaaɓɛ.

2 Timoti 3:15

Mɔɔ ti zi tɔ, ɓɔɔ bɛ̀ɛ́ mɔɔ doo wujaa, mɔɔ zi labeenang Laa ɓɔɔ zunung ɓɔɔ wu shing mɔɔ, mɔɔ zũngnɛ tɔ. Tɔ̀ɔ Laa wu ta yuu ɓaaɓɛ ka ruu danggn ɓɔɔ mɔɔ shing ka bii Yeesɔ Kirisi ɓɛɛ.

1 Bituru 2:2

Nɔɔ nwáng manɛ naa wujɛ rɛ̃ɛting ɓɔɔ ri kaa nyɔkɔ mii nàá ɓarɛ, diki diki ɓɛɛ kɔ jong. Nɔɔ kaa manɛ nyɔkɔ Ruu Laa ɓɔɔ wukɔ mii ɓɔɔ niizang, ɓɔɔ shing nɔɔ, nɔɔ zũng danggn ɓɛɛ. Diki ɓɔɔ Laa naa ta yuu manɛ wu a nɛɛ mani.

Vuu ɓɔɔ zang nwangsɛ Yɔhana 14:5

Ri suu sèé ɓarɛ gngn kpang, vuu shi kpang ɓɔɔ zang kɔɔyi nɛɛ ri palɛ ɓɛɛ, ɓi ti kagn kpang.