Maraku 10:1 - Nyaa Shɔɔ Ɓɔɔ Laa a Ɓɛɛ

¹ A Yeesɔ seepaa nɛɛ nɔng kaɓa, daa ka tipi Yahudi, a ta rang Urudung. A zang dɔɔli ri kpalɛ zɔɔ kaa tɔkn ka bii ɓiɓɛ, a tusu ri vuu kaa naa ɓasidi ɓɛɛ.

Maraku 10:1 ပူးပေါင်းရင်းမြစ်များ

Matiyu 26:55

A Yeesɔ raa jĩng, hɛ̃ɛ zang ɓɔɔ ri a wu yinang tɔɔ, “Nɔɔ see yere bang nɛɛ labasaa ka naa gaagaa, nɛɛ nɔɔ naa yi ɓu nkɔ naa zang shɔngɓɔ ya? N nwalɛ ka yeti Gãa Laa kɔ diki diki, n tusu zang vuu, nɔɔ yi m kpang.

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Maraku 1:21

A ri daa ka gari Kafanahu. A Diki Ɔ̃sɔnang naa arɛ, Yeesɔ daa ka gãa zɔɔ kpalɛnang zang Yahudi, a gáa zang tɔɔsung vuu tusunang kati.

Maraku 10:2

Zang Farisi ri naa a ka bii ɓiɓɛ, nɛɛ ri naa gãsɛ wu. Ri hɛ̃ɛ wu tɔɔ, “Ruu Laa kasɛ tɔ nɛɛ zang wu hing soro ɓiɓɛ ya?”

Maraku 12:35

Ɓɔɔ Yeesɔ tusu zang vuu doo naa ka Gãa Laa, a hɛ̃ɛ zang tɔɔ, “Zang ɓɔɔ ri tusu zang vuu, ri kɔɔ ɓu ka ruu vi nɛɛ Kirisi jaa zɔ̃ng Dawuda viya?

Maraku 14:49

N nwalɛ nɛɛ nɔɔ ka yeti Gãa Laa kɔ diki diki, n tusu zang vuu, nɔɔ yi m kpang. Vuu kɔ zang palɛ m ɓee, ɓèe ɓi nyaa vuu ɓɔɔ rɛɛ zang nyaa shonang Laa, ri bée ka yeti labeenang Laa ka tĩng tɛ̃ɛ tɛ̃ɛ ɓɛɛ.”

Maraku 2:13

Yeesɔ ti naa paasɛ daanang tɔkn ka nyaa rang mii waapo. A zang dɔɔli ri a ka bii ɓiɓɛ, a tusu ri vuu kati.

Maraku 4:2

A tusu ri vuu dɔɔli nɛɛ nyaa vuu jeenang tɔɔ nɛɛ,

Maraku 6:2

Ka Diki Ɔ̃sɔnang zang Yahudi, Yeesɔ gaa tɔɔsung vuu tusunang ka gãa zɔɔ kpalɛnang zang Yahudi. Zang piti ɓɔɔ ti tãa vuu ɓɔɔ wu tusu, ri mã naa ka danggn. Ri hɛ̃ɛyi tɔɔ, “Yɔɔ keɓe zi vuu keɓe ɓi biya nɔngkɔ viya? Laa a wu zũnang vi nɔngkɔ viya? Zunung ɓɔɔ wu palɛ vuu ɓɔɔ ruu zirɛ ruu mã naa ka danggn katɔ.

Maraku 6:34

Yeesɔ nwang tɔ nɛɛ yeti tonsi, a zi zang ɓɔɔ ri kpalɛ zɔɔ gaagaa, a gn ɓarɛ kɔng wu, ka ruu ɓɔɔ, ri nwáng naa mɛ̀ɛrɛ́ ɓɔɔ jagãng kagn kpang ɓɛɛ. A Yeesɔ gaa ri yuu vuu tusunang kaa zɔ̃ng zɔ̃ng.

Maraku 6:6

Yeesɔ mã naa ka danggn, ka ruu ɓɔɔ, ri shing danggn ka bii ɓiɓɛ kpang ɓɛɛ. A daarɛ ka gari ɓɔɔgn daa tusu zang vuu kati.

Yɔhana 10:40

A Yeesɔ ta rang Urudung tɔkn, daa ka nɔng ɓeleng ɓɔɔ Yɔhana pàlɛ́ zang batizima kagn ɓɛɛ, daa nwang ka nɔngkɔ.

Yɔhana 11:7

A kɔɔ zang ɓɔɔ ri mantɛ vuu ka bii ɓiɓɛ nɛɛ, “Ruu daa nɔɔ tipi Yahudi tɔkn.”

Yɔhana 18:20

Yeesɔ kasɛ wu nyaa tɔɔ, “N waa m katɔ n tùsù zang koo vuu kpang. Vuu ɓɔɔ n tusu piti, n tusu m ka gãa zɔɔ kpalɛnang, a ɓɔɔ ka yeti Gãa Laa. Nɔng ɓɔɔ zang Yahudi nandon ri kpalɛ kagn ɓɛɛ. N kɔ̀ɔ vuu ɓɔɔ m gngn nɛɛ nwĩiri kpang.