Maraku 1:8 - Nyaa Shɔɔ Ɓɔɔ Laa a Ɓɛɛ

⁸ N palɛ nɔɔ batizima m nɛɛ mii, naa palɛ nɔɔ ɓi nɛɛ Suru Laa.”

Maraku 1:8 ပူးပေါင်းရင်းမြစ်များ

Matiyu 3:11

“N pàlɛ́ nɔɔ batizima m nɛɛ mii, ka ruu yeti ɓɔɔ nɔɔ kɔ̃sɔ ɓɛɛ. Zang ɓɔɔ a ka knti mɛɛ, ɓá m bannang katɔ, n daa naa ɓɔɔ n tu koodoo ɓiɓɛ kpang. Wukɔ naa palɛ nɔɔ batizima nɛɛ Suru Laa nɛɛ waa.

Maraku 1:7

Kɔɔ zang tɔɔ “Zang ɓɔɔ a ka knti mɛɛ ɓa m katɔ nɛɛ bannang. N daa naa ɓɔɔ n sɔ̃ ka tĩng ɓiɓɛ, n kãlɛ soo koodoo ɓiɓɛ kpang.

Maraku 1:9

Diki nɛɛ tɔɔ wu bee tɔkɔlɔng, Yeesɔ a kaa nɛɛ Nazara ɓɔɔ ka tipi Galili, a Yɔhana palɛ wu batizima ka mii rang Urudung.

Luka 3:16

A Yɔhana kasɛ ri nyaa nandon tɔɔ, “N pàlɛ́ nɔɔ batizima m nɛɛ mii, zang ɓɔɔ naa a ka knti mɛɛ, ɓa m bannang katɔ. N daa naa ɓɔɔ n kãlɛ soo koodoo ɓiɓɛ kpang. Wukɔ naa pàlɛ́ nɔɔ batizima nɛɛ Suru Laa nɛɛ waa.

Yɔhana 1:26

A Yɔhana kasɛ ri nyaa tɔɔ, “N pàlɛ́ zang batizima m nɛɛ mii, zang ɓɔɔ shii kagn teteng manɛ kãntang keɓe, ɓɔɔ nɔɔ zi wu nung manɛ kpang ɓɛɛ.

Yɔhana 1:33

N nɛɛ ti zi m kpang nɛɛ wukɔ kpang. Laa ɓɔɔ shɔng m nɛɛ n naa pàlɛ̀ zang batizima nɛɛ mii, wukɔ kɔɔ m tɔɔ, ‘Zang ɓɔɔ mɔɔ zirɛ Suru Laa arɛ naa nwàng ka yuu ɓiɓɛ, zang keɓe kɔ naa pàlɛ́ zang batizima nɛɛ Suru Laa.’

Zang Shonang Yeesɔ 1:5

Ka ruu ɓɔɔ, Yɔhana pàlɛ̀ zang batizima nɛɛ mii. Diki bée takpang, zang pàlɛ́ nɔɔ batizima ditɔ nɛɛ Suru Laa.”

Zang Shonang Yeesɔ 10:45

Zang Yahudi ɓɔɔ ri shing danggn ɓarɛ tɔ ɓɔɔ ri a nɛɛ Bituru nɛɛ gari Joopa, ri mã naa ka danggn, ka ɓɔɔ Laa a zang ɓɔɔ ri zang Isirela kpang Suru ɓiɓɛ jong ɓɛɛ.

Zang Shonang Yeesɔ 2:17

“ ‘Laa kɔɔyi tɔɔ, “Ka rɛɛ diki ɓɔɔ koo waa nyaa ɓɛɛ, N naa a shɔnzang piti Suru mɛɛ. Wujɛ manɛ zang soro nɛɛ zang varɛ, ri naa kɔɔrɔ ruu naa ɓɔɔ zang nyaa shonang Laa kɔɔ ɓɛɛ. Wujɛ jasang manɛ, ri naa zili vuu ɓɔɔ Laa tusu zang ɓɛɛ. Rɛɛ dabang manɛ, ri naa rɔ̃kɔ rɔ̃kɔnang.

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

1 Koranti 12:13

Ruu doo nɔngkɔ. Zang ɓɔɔ kagn teteng ɓuru, ri ɓarɛ zang Yahudi, a zang ɓɔɔ ɓarɛ zang Yahudi kpang. Zang ɓɔɔ ri ɓarɛ jaafoo a zang ɓɔɔ ɓarɛ jaafoo kpang. Ruu nandon, ruu raa tɔ naa zang gbete, ka làa ɓɔɔ zang palɛ ruu batizima ɓɛɛ. Ka ruu ɓɔɔ ka diki kaɓa, Laa a ruu Suru ɓiɓɛ gbete kaɓa kɔ ɓɛɛ. Laa a ruu ɓi Suru gbete kaɓa kɔ nandon nɛɛ wu nwang ka yeti ɓuru.