Maraku 1:27 - Nyaa Shɔɔ Ɓɔɔ Laa a Ɓɛɛ

²⁷ Zang piti ri mã naa ka danggn. Ri hɛ̃ɛlɛ zɔɔ ka naa ɓarɛ, tɔɔ, “Ɓi lɛ̀ɛ́ vuu tusunang kiya? Yɔɔ keɓe mangkɛ suru shi kpang, a ri ti ɓaa shoo ka nyaa ɓiɓɛ.”

Maraku 1:27 ပူးပေါင်းရင်းမြစ်များ

Matiyu 15:31

Zang ɓɔɔ ri kpalɛ zɔɔ ka bìí Yeesɔ, ri mã naa ka danggn, ka ruu ɓɔɔ ri zi zang ɓɔɔ nyaa nɔɔ katɔ ri rang yee kana ɓɛɛ. Zang ɓɔɔ kàa katɔ, ri lakɛ, zang ɓɔɔ doo shãa katɔ, ri ti ra kana, a zang jĩng ringtang ri ti zi nɔng. Ɓɔɔ zang nimbang ri zi naa weɓe, ri dɔ̀ɔ Làá zang Isirela kati.

Matiyu 8:9

Ka ruu ɓɔɔ, n nwang m ka naa zang ɓɛɛ. A zang sɔɔja ɓɔɔ ri ti kagn naa mɛɛ kɔ doori. Naa n kɔɔ ɓɔɔ gbete, n tɔɔ ‘Dita’, daa katɔ. Naa n ti kɔɔ ɓɔɔgn nɛɛ, ‘Arɛ’, ti a katɔ. Naa n ti kɔɔ zang shonang mɛɛ nɛɛ, ‘Palɛ veɓe’, ti palɛ katɔ.”

Matiyu 9:33

Yeesɔ nwangsɛ suru shi kpang tɔ, a zang ɓɔɔ nyaa nɔɔ katɔ naa rang yee kati. Ɓɔɔ zang ɓɔɔ ri kpalɛ zɔɔ ka bii Yeesɔ ri zi naa weɓe, ri mã naa ka danggn, a ri kɔɔyi tɔɔ, “Ruu zi vuu ɓɔɔ naa weɓe gngn ka tipi Isirela kpang.”

Maraku 1:26

A suru shi kpang tuu wu, loo wu ka tipi, a mɛɛ nyaa ka lapa, a nwangnɛ yaa wu bii kati.

Maraku 1:28

A nyaa Yeesɔ baa nɔng kaa tantɛnang ka tipi Galili nandon.

Maraku 10:24

Ɓɔɔ zang ɓɔɔ ri mantɛ vuu ka bii ɓiɓɛ ri tãa naa weɓe, ri mã naa ka danggn. A Yeesɔ ti kɔɔ ri tɔkn tɔɔ, “Wujɛ mɛɛ, n kɔɔ nɔɔ daanang ka nɔng ɓɔɔ Laa roo Kpanti, kpãa nyaa dɔɔli.”

Maraku 10:32

Yeesɔ nɛɛ zang ɓɔɔ ri mantɛ vuu ka bii ɓiɓɛ, ri daa kana Urushalima, Yeesɔ ti ka tĩng ɓarɛ. Ri rɛ̃rɛ ɓarɛ doo naa ka yuu vuu ɓɔɔ Yeesɔ túsú ɓɛɛ. Zang ɓɔɔ ri dũuru ri ka knti, ri kaa vɔrɔ. A Yeesɔ ɓaa zang ɓɔɔ ri mantɛ vuu ka bii ɓiɓɛ nyaa kaa dang gbete tɔkn, a gaa ri tɔɔsung vuu ɓɔɔ naa palɛ wu kɔɔnang kati.

Maraku 16:5

Ri tu ka yeti sàa, a ri zi jasang ɓɔɔ hãa fɔ̃ɔrɔ puru nwang tɔ ka naa nakn. A ri mã naa danggn.

Maraku 16:6

A yɔɔ jasang kaɓa kɔɔ ri tɔɔ, “Nɔ́ɔ mã naa ka danggn kpang.” Nɔɔ kãa Yeesɔ yɔɔ Nazara ɓɔɔ zang ɓaa wu naa ka laa ɓɛɛ. Tɔ̀ɔ́ nɔng kpang, zang wisi wu paa tɔ. Nɔɔ pɛ̃ɛrɛ nɔng ɓɔɔ zang wɔɔ wu kagn ɓɛɛ.

Maraku 7:37

Zang piti ɓɔɔ ri tãa ruu kaɓa, ri mã naa ka danggn. Ri tɔɔ, “Vuu ɓɔɔ yɔɔ keɓe palɛ ɓi tɔ̃ɔ kɔ nandon. Pálɛ̀ zang ɓɔɔ shoo nɔɔ katɔ wu tãa nɔng. A zang ɓɔɔ nyaa nɔɔ katɔ ti rang yee.”

Luka 4:36

Zang piti ɓɔɔ ri kpalɛ zɔɔ, ri mã naa ka danggn. Ri hɛ̃ɛlɛ zɔɔ tɔɔ, “Wee ɓi lɛ̀ɛ́ yee kiya? Mangkɛ suru shi kpang, kɔɔ ri nɛɛ ri nwang ta nɛɛ yeti zang, a ri nwangkɛ, ri yaa zang bii.”

Luka 9:1

Yeesɔ ɓaa nyaa ka zang ɓɔɔ ri mantɛ vuu ka bìí ɓiɓɛ kopi tuu ziti ka nɔng gbete, a á ri naa suru shi kpang nandon nwangsɛnang nɛɛ zang kɔnang masɛnang.

Zang Shonang Yeesɔ 17:19

A ri ɓaa nyaa ka Bulu, ri daa nɛɛ wu ka nɔng ɓɔɔ zang ɓɔɔ ri jɛ̃ɛ zang ruu, ɓɔɔ zang ɓaa ri nɛɛ Ariyopagu ri kpalɛ zɔɔ ɓɛɛ. A ri kɔɔyi nɛɛ, “Ruu kasɛ mɔɔ kɔɔ rùu, rúu ka yuu vuu kɔ mɔɔ túsù ɓee.