Maraku 1:14 - Nyaa Shɔɔ Ɓɔɔ Laa a Ɓɛɛ

¹⁴ Ka knti ɓɔɔ zang mã Yɔhana tɔ ka sãa, Yeesɔ naa a ka tipi Galili kɔɔrɔ zang Ruu Tɔ̃ɔ Kpanti Laa tɔɔ,

Maraku 1:14 ပူးပေါင်းရင်းမြစ်များ

Matiyu 11:2

Yɔhana ɓɔɔ zang mã wu ka sãa, tãa nyaa vuu ɓɔɔ Kirisi palɛ, a shong zang ɓɔɔ ri mantɛ vuu ka bii ɓiɓɛ, ka bii Yeesɔ,

Matiyu 14:2

a kɔɔ zang shonang ɓiɓɛ tɔɔ, “Zang keɓe ɓi Yɔhana ɓɔɔ palɛ zang batizima kɔ hingsi jĩng nɛɛ vɔrɔ tɔkn, ka ruu nɔngkɔ, walɛ naa a palɛ vuu ɓɔɔ zang zirɛ zang mã naa ka danggn keɓe.”

Matiyu 4:12

Yeesɔ naa tãa nyaa tɔɔ, zang loo Yɔhana tɔ ka sãa a naa yupaa daa ka Galili.

Matiyu 4:17

A Yeesɔ gaa tɔɔsung yee Laa rannang ka diki kaɓa kɔ. Kɔɔyi tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, diki ɓɔɔ Laa roo kpanti kagn a naabm tɔ ɓɛɛ.”

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 9:35

A Yeesɔ daarɛ ka gari bang nɛɛ ɓɔɔ tɔkɔlɔng piti. Tusu zang vuu ka gãa zɔɔ kpalɛnang Yahudi, a ti rang zang ruu tɔ̃ɔ kpanti roonang Laa. A masɛ zɔ̃ng kɔnang ɓɔɔ yiki zang nɛɛ vuu ɓɔɔ palɛ ri nandon.

Luka 8:1

Knti bee kpang, Yeesɔ naa seepaa nɛɛ nɔng kaɓa, daarɛ ka rɛɛ gari bang bang nɛɛ ɓɔɔ tɔkɔlɔng, tɔkɔlɔng. Rang zang yee tɔ̃ɔ Laa. Kɔɔ zang ruu tɔ̃ɔ ka yuu Kpanti ɓɔɔ Laa naa roo ɓɛɛ. Daarɛ nɛɛ zang kopi tu ziti ɓɔɔ ri mantɛ vuu ka bii ɓiɓɛ ning.

Zang Shonang Yeesɔ 20:25

“Nɔɔ zang ɓɔɔ n rakɛ ka teteng manɛ, n kɔɔrɔ nɔɔ Ruu Tɔ̃ɔ Kpanti roonang Laa ɓɛɛ, n zi tɔ, nɔɔ zi m takpang dòndòng.

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Afisa 2:17

A Kirisi arɛ, naa kɔɔ zang piti Ruu Tɔ̃ɔ ɓɔɔ shingnɛ zang ri nwang ka nyaa zɔɔ ɓɛɛ. Kɔɔ nɔɔ ɓɔɔ nɔɔ zang Isirela kpang ɓɛɛ, ɓɔɔ bɛ̀ɛ́ nɔɔ naabm nɛɛ Laa kpang ɓɛɛ, a ti kɔɔ zang Yahudi ɓɔɔ ri ɓarɛ naabm nɛɛ wu ɓɛɛ jong.