Luka 9:48 - Nyaa Shɔɔ Ɓɔɔ Laa a Ɓɛɛ

⁴⁸ A kɔɔ ri tɔɔ, “Zang piti ɓɔɔ ta jaa keɓe, ka ruu mɛɛ ta ɓi nkɔ. Zang ɓɔɔ nɛɛ ta m, ta zang ɓɔɔ shong m ɓɛɛ. Ka ruu ɓɔɔ zang ɓɔɔ shing gn nɛɛ wu ɓi zang bang kpang ka teteng manɛ, wukɔ zang bang manɛ.”

Luka 9:48 ပူးပေါင်းရင်းမြစ်များ

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Matiyu 18:14

Daa manɛ ɓɔɔ ka lapa, nwang doo nɔngkɔ. Kasɛ nɛɛ jaa tɔkɔlɔng gbete ka teteng wujɛ seseere keɓe, wu shaarɛ kpang.

Matiyu 19:28

Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, ka diki ɓɔɔ Jaa Shɔnzang naa arɛ, naa nwang ka laa kpanti nɛɛ naa bannang ɓiɓɛ ka koo shɔɔ. Ɓɔɔ nɔɔ dũ̀ng knti mɛɛ, nɔɔ naa nwáng ditɔ jong ka laa nwannang kopi tu ziti. Tɔ̀ɔ nɔ́ɔ jɛ̃̀ɛ zɔ̃ng wujɛ Isirela ɓɔɔ kopi tu ziti ruu kati.

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Matiyu 25:45

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang ɓɔɔ wukɔ tɔkɔlɔng ka teteng rɛɛ manzung keɓe kpang, nɔɔ palɛ nkɔ kpang.’

Maraku 9:37

“Zang ɓɔɔ ta jaa ɓɔɔ tɔkɔlɔng ɓɔɔ naa weɓe ka nung mɛɛ, tà nkɔ. Zang ɓɔɔ nɛɛ ti ta m, ta ɓi nkɔ shɛ̃ɛning kpang, ta m nɛɛ zang ɓɔɔ shong m ɓɛɛ ning.”

Luka 10:16

A kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang ɓɔɔ nɛɛ ɓaa shoo ka nyaa manɛ, ɓaa shoo ka nyaa mɛɛ kɔ. Zang ɓɔɔ nɛɛ ti bɛ̃ɛ nɔɔ bɛ̃ɛ ɓi nkɔ. Zang ɓɔɔ nɛɛ ti bɛ̃ɛ m, bɛ̃ɛ ɓi zang ɓɔɔ shong m ɓɛɛ.”

Luka 14:11

Ka ruu ɓɔɔ, zang ɓɔɔ nɛɛ tuu yuu ɓiɓɛ, zang naa sɔɔrɔ wukɔ yuu ka dii ɓɛɛ. Zang ɓɔɔ sɔɔrɔ yuu ɓiɓɛ ka dii, zang naa a wukɔ bannang jong.”

Luka 22:26

Ɓɔɔ manɛ ɓi nɔngkɔ kpang. Zang ɓɔɔ wukɔ bang ka teteng manɛ, wukɔ wu nwáng naa zang wujaa ɓɔɔ shong nɔɔ ɓɛɛ.

Luka 22:30

Tɔ̀ɔ, nɔɔ naa shaa vuu shaanang, nɔɔ ti ɓoo nɛɛ n ka nɔng vuu shaanang mɛɛ ka ɓɔɔ n naa roo kpanti ɓɛɛ. N ti shing nɔɔ, nɔɔ nwang ka yuu laa nwannang kpanti, nɔɔ jɛ̃ɛ zang zɔ̃ng Isirela ɓɔɔ kopi tu ziti ruu.

Luka 7:28

N kɔɔ nɔɔ ka teteng zang piti ɓɔɔ zang soro yiki ka koo keɓe zang ɓɔɔ ɓa Yɔhana ɓɔɔ palɛ zang batizima kagn gbete kpang. A zang ɓɔɔ wukɔ tɔkɔlɔng ka teteng zang ɓɔɔ ri ka nɔng ɓɔɔ Laa roo Kpanti ɓa wu bannang katɔ.”

Yɔhana 13:20

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ ta zang ɓɔɔ n shong ɓɛɛ, ta m tɔ jong. Zang ɓɔɔ nɛɛ ti ta m, ta ɓi zang ɓɔɔ shong m ɓɛɛ.”

Yɔhana 14:21

“Zang ɓɔɔ nɛɛ tà rɛɛ nyaa ɓɔɔ n dang ɓɛɛ, nɛɛ ti dũngnɛ, wukɔ kasɛ ruu mɛɛ. Zang ɓɔɔ nɛɛ kasɛ ruu mɛɛ, Daa mɛɛ kàsɛ́ wu katɔ. N ti kàsɛ́ wu katɔ, n ti nwàngsɛ́ wu bii mɛɛ.”

1 Tesalonika 4:8

Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.

1 Bituru 5:6

Ka ruu nɔngkɔ, n kɔ̀ɔ́ nɔɔ nɔ́ɔ tuu yuu manɛ ka tĩng Laa ɓɔɔ wukɔ kpanti zang piti ɓɛɛ kpang, tɔ̀ɔ, wu naa shing nɔɔ, nɔ́ɔ nwang zang bang ka tĩng ɓiɓɛ, ka diki ɓɔɔ wu kasɛ ɓɛɛ.

Vuu ɓɔɔ zang nwangsɛ Yɔhana 21:14

Zang loo doo binting bìí ka yuu tari kopi tu ziti. Zang beere nung rɛɛ zang shonang Jaa Mɛ̀ɛrɛ́, ɓɔɔ ri kopi tu ziti ka rɛɛ tari bìí.

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.