Luka 9:22 - Nyaa Shɔɔ Ɓɔɔ Laa a Ɓɛɛ

²² A ti kɔɔ ri tɔɔ, “Jaa shɔnzang naa dang jĩng ditɔ dɔɔli. Zang bang, bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri ti bɛ̃ɛ wu, ri nyɔ wu vɔrɔ. Laa naa wisi wu paa ka lee ɓɔɔ diki daa taati ɓɛɛ.”

Luka 9:22 ပူးပေါင်းရင်းမြစ်များ

Matiyu 17:12

A n kɔɔ nɔɔ, Iliya a tɔ, ri zi wu nung kpang. Ri palɛ wu vuu piti ɓɔɔ yeti ɓarɛ kasɛ ɓɛɛ. Ri naa dang Jaa Shɔnzang jĩng doo nɔngkɔ.”

Matiyu 17:22

Zang ɓɔɔ ri mantɛ vuu ka bii ɓiɓɛ ri kpalɛ zɔɔ tɔ nandon ka Galili, a Yeesɔ kɔɔ ri ruu keɓe kati tɔɔ, “Zang ɓɔɔ naa tuu m ɓɔɔ n Jaa Shɔnzang ditɔ naa a zang.

Matiyu 27:63

Ri kɔɔ wu tɔɔ, “Kpanti, ruu kpaa danggn ruu ɓɔɔ yɔɔ sèé kaɓa kɔɔ ka diki ɓɔɔ wu doo ningkãari tɔ. Kɔɔyi tɔɔ, wu naa seepaa ditɔ nɛɛ saa, ka lee ɓɔɔ diki naa daa taati ɓɛɛ.

Maraku 8:31

Yeesɔ gaa ri tɔɔsung vuu tusunang tɔɔ, “Ɓɔɔ n Jaa shɔnzang n naa dang jĩng ditɔ dɔɔli. Zang bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri naa bɛ̃ɛ m ditɔ. Zang naa nyɔ m vɔrɔ, Laa naa wisi m paa ka lee ɓɔɔ diki daa taati ɓɛɛ.”

Maraku 9:31

Ka ruu ɓɔɔ, tusu zang ɓɔɔ ri mantɛ vuu ka bii ɓiɓɛ vuu ɓɛɛ. A kɔɔ ri tɔɔ, “Zang naa tuu Jaa Shɔnzang ditɔ, zang a zang. Ri naa nyɔ wu vɔrɔ. Zang nɛɛ nyɔ wu vɔrɔ tɔ, Laa naa wisi wu paa ka lee ɓɔɔ diki daa taati ɓɛɛ.”

Luka 17:25

“Jaa Shɔnzang naa dang jĩng ditɔ dɔɔli ka gbongkarɛ. Zang koo jaa knti keɓe ri bɛ̃ɛ wu, tɔ̀ɔ, vuu keɓe ri naa palɛ kati.

Luka 24:26

Nɔɔ zi kpang nɛɛ Kirisi dang jĩng vuu keɓe ka gbongkarɛ, tɔ̀ɔ, zang a wu bannang ɓiɓɛ kpang ya?”

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Luka 24:7

Ɓɔɔ kɔɔ nɔɔ tɔɔ, ‘Zang naa a zang ɓɔɔ ri palɛ vuu shi kpang Jaa Shɔnzang, ri ɓaa wu naa ka laa. A lee ɓɔɔ diki daa taati, zang wisi wu paa kati.’ ”

Luka 9:44

“Nɔɔ ɓaa shoo ta nɔɔ tãa vuu ɓɔɔ n kɔɔ nɔɔ ɓɛɛ, tɔɔ danggn wu ning nɔɔ kaa takpang. Ka ruu ɓɔɔ zang ɓɔɔ naa tuu Jaa Shɔnzang ditɔ, a zang ɓɔɔgn ri nyɔ wu vɔrɔ ɓɛɛ.”

1 Koranti 15:4

Zang nɛɛ Yeesɔ vɔrɛ, zang gbãa wu, Laa wisi wu paa ka lee ɓɔɔ diki ɓiɓɛ daa taati ka sàa ɓɛɛ. Naa ɓɔɔ zang bée ka labeenang Laa ka tĩng nɛɛ naa palɛ ɓɛɛ.

1 Bituru 1:11

Suru Kirisi ɓɔɔ nwang ka yeti ɓarɛ kɔɔrɔ ri naa ɓɔɔ Kirisi naa dang jĩng, tɔ̀ɔ, zang naa a wu bannang kati ɓɛɛ. Ri kãa nɔng, ri kasɛ nɛɛ ri zi làa ɓɔɔ zang naa pálɛ̀ vuu keɓe kagn, nɛɛ naa ɓɔɔ zang naa pálɛ̀ ɓɛɛ.