Luka 8:47 - Nyaa Shɔɔ Ɓɔɔ Laa a Ɓɛɛ

⁴⁷ A jaa soro ɓɔɔ lee Yeesɔ naa ka bii, zi tɔ nɛɛ zang zi vuu ɓɔɔ wu palɛ tɔ, a arɛ, bii zaa wu kana, a naa tang ka tĩng Yeesɔ. A kɔɔ vuu ɓɔɔ palɛ, wu lee Yeesɔ naa ka bii ɓɛɛ, ka shoo zang nandon nɛɛ naa ɓɔɔ zĩi dɔng kaa tantɛnang ɓɛɛ.

Luka 8:47 ပူးပေါင်းရင်းမြစ်များ

Matiyu 28:8

A zang soro kaɓa, ri yaa nɔng yuu sàa kaa tantɛnang, nɛɛ vɔrɔ kaanang, nɛɛ tĩnang tãanang ning, a ri yurɛ, nɛɛ ri daa kɔɔ zang ɓɔɔ ri mantɛ vuu ka bii ɓiɓɛ ɓɛɛ.

Maraku 5:33

A jaa soro ɓɔɔ lee naa ka fɔ̃ɔrɔ Yeesɔ zi tantɛnang nɛɛ Yeesɔ kãa wukɔ, ka ruu nɔngkɔ, a nɛɛ vɔrɔ kaanang, bii zaa wu kana, tang ka tĩng ɓiɓɛ, a kɔɔ wu ruu vuu ɓɔɔ palɛ wu ɓɛɛ kaa nandon.

Luka 8:46

Yeesɔ ti kɔɔ tɔkn tɔɔ, “Zang ɓɔɔ lee m naa kagn bii, ka ruu ɓɔɔ, n zi naa zang masɛnang ɓɔɔ Laa a m nwang tɔ nɛɛ bii mɛɛ ɓɛɛ.”

Luka 8:48

A Yeesɔ kɔɔ jaa soro kaɓa tɔɔ, “Man jaa, danggn ɓɔɔ mɔɔ shing ka bii mɛɛ masɛ mɔɔ tɔ, daa waasɛ̃.”

Zang Shonang Yeesɔ 16:29

Zang ɓɔɔ gã sãa ɓaa nyaa nɛɛ zang atɛ waa. A daa ka yeti gãa ɓɔɔ rɛɛ Bulu nɛɛ Siila kagn ɓɛɛ. Tang nɛɛ gutu ka tĩng ɓarɛ, bii zàá wu kpɔkpɔk.

1 Koranti 2:3

N a naa zang ɓɔɔ lakɛ naa ka bii kpang ɓɛɛ. N kaa vɔrɔ, bii zàa m kagn.

2 Koranti 7:15

Titu kpaa danggn naa ɓɔɔ nɔɔ ta wu, nɔɔ tuu yuu manɛ kpang, a nɔɔ ti seng wu katɔ ɓɛɛ. A ɓɔɔ ti naa ɓɔɔ nɔɔ nandon nɔɔ kasɛ tɔ, nɔɔ dũng vuu ɓɔɔ wu kɔɔ nɔɔ ɓɛɛ. Ka ruu nɔngkɔ, kasɛnang ɓɔɔ wu kasɛ nɔɔ nɛɛ mani dàá kaa nɛɛ tĩng kɔ sasak.

Filipi 2:12

Ka ruu nɔngkɔ, masang ɓɔɔ n kasɛ nɔɔ dɔɔli ɓɛɛ, naa ɓɔɔ nɔɔ ɓaa shoo ka nyaa mɛɛ diki diki, bɛ̀ɛ́ n doo nɛɛ nɔɔ ɓɛɛ, nɔɔ ɓaa shoo kaa nyaa mɛɛ gbãng gbãng ka wee kãntang n tɔ̀ɔ́ nɛɛ nɔɔ kpang ɓee. Nɔɔ yi tĩng nɔ́ɔ palɛ vuu ɓɔɔ shingnɛ yuu manɛ ɓɔɔ Laa ta tɔ ɓɛɛ, wu nwang kaa nyaa kiiri. Nɔɔ palɛ vuu keɓe nɛɛ vɔrɔ kaanang nɛɛ bii zaanang.

Yahudi 12:28

Ka ruu nɔngkɔ, rúu zã̀a nɔɔ Laa, ka ruu ɓɔɔ, a ruu nɔng kpanti roonang ɓɔɔ zang zĩiti ɓi kpang ɓɛɛ. Rúu zã̀a nɔɔ Laa ruu ti bang wu ka gbalang ɓɔɔ shing wu, wu tãa tĩnang. Ruu a wu bannang, ruu ti kaa vɔrɔ ɓiɓɛ.