Luka 8:25 - Nyaa Shɔɔ Ɓɔɔ Laa a Ɓɛɛ

²⁵ Yeesɔ hɛ̃ɛ zang ɓɔɔ ri mantɛ vuu ka bii ɓiɓɛ tɔɔ, “Danggn ɓɔɔ nɔɔ shing ka bii mɛɛ kaa kiya?” Ri kaa vɔrɔ, ri ti mã naa ka danggn. Ri hɛ̃ɛlɛ zɔɔ ka naa ɓarɛ tɔɔ, “Wee ɓi lɛ̀ɛ́ zang viya? Jasung nɛɛ mii, ri ɓaa shoo ka nyaa ɓiɓɛ wiya?”

Luka 8:25 ပူးပေါင်းရင်းမြစ်များ

Matiyu 14:31

A Yeesɔ dĩi naa ɓiɓɛ kaa tantɛnang yi wu, kɔɔ wu tɔɔ, “Ka ruu vi, mɔɔ shing danggn ka bii mɛɛ rɛ̃rɛkɛ viya? Mɔɔ yaa danggn naa ka ruu viya?”

Matiyu 17:20

A Yeesɔ kasɛ ri nyaa tɔɔ, “Ka ruu ɓɔɔ, nɔɔ shing danggn ka bii Laa rɛ̃rɛkɛ ɓɛɛ. N kɔɔ nɔɔ ruu ɓɔɔ niizang kɔ nwani, naa danggn ɓɔɔ nɔɔ shing ka bii Laa nɛɛ kagn tɔkɔlɔng naa jĩng vuu ɓɔɔ zang ɓaa nɛɛ masita, nɔɔ nɛ̀ɛ́ kɔɔ kɔpɔ keɓe katɔ, nɛɛ ‘Wɔɔ ta nɛɛ nihn, mɔɔ daa kaaɓa,’ nɛ̀ɛ́ ti wɔɔ katɔ. Vuu ɓɔɔ nɛɛ ɓa nɔɔ yuu palɛnang kagn kpang.”

Matiyu 6:30

Mangwaa vuu ɓɔɔ zang zi lɛɛkɔ, ɓuru waatɛ kaa tɔ, zang tasɛ kaa waa ɓɛɛ. Kpanti Laa nɛɛ pàlɛ́ ri shinang katɔ naa weɓe, pàlɛ̀ nɔɔ, ɓɔɔ nɔɔ ɓa ri katɔ manɛ kpang ya? Nɔɔ ɓɔɔ nɔɔ shing gn ka bii Kpanti Laa rɛ̃rɛkɛ ɓɛɛ.

Matiyu 8:10

Ɓɔɔ Yeesɔ tãa yee ɓɔɔ yɔɔ rang naa weɓe, mã naa ka danggn. A kɔɔ zang dɔɔli ɓɔɔ ri dũuru wu tɔɔ, “N kɔɔ nɔɔ ruu ɓɔɔ niizang kɔ nwani, n zi zang Isirela ɓɔɔ shing danggn ka bìí Kpanti Laa gngn naa zang zanti keɓe kpang.

Matiyu 8:26

Yeesɔ kɔɔ ri tɔɔ, “Zang kɔ shing danggn ka bii Laa rɛ̃rɛkɛ ɓee, nɔɔ káa vɔrɔ vi nɔngkɔ viya?” A seepaa mangkɛ jasung nɛɛ mii ɓɔɔ gɔnsɔ zɔɔ ɓɛɛ, a ri kàa kati.

Maraku 4:35

Ka diki kaɓa nɛɛ laarang, Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Rúu ta nɔɔ waapo ta ka dang.”

Luka 12:28

Laa nɛɛ gbarɛ wisi kɔ zang zi lɛɛkɔ, ɓuru zang dɔɔ kaa nɛɛ waa ɓee, a nɔɔ fɔ̃ɔrɔ ɓɔɔ nɔɔ hãa ka bii ɓɛɛ kpang ya? Nɔɔ shing danggn ka bii Laa kpang ka ruu viya?

Luka 8:24

a zang ɓɔɔ ri mantɛ vuu ka bii Yeesɔ, ri daa hingsi wu. Ri tɔɔ, “Dabang Dabang, ruu ɔ̃ɔ kana.” A Yeesɔ seepaa mangkɛ jasung nɛɛ mii ɓɔɔ ri gɔnsɔ zɔɔ ɓɛɛ. A mii kàa kati, jasung ti voo nyaa kaa jong.

Luka 8:26

Ri ta rang tɔ, a ri naa a ka tipi Ganasara ɓɔɔ ka paa ɓɔɔ laa nwangnɛ mani, raa zɔɔ jĩng nɛɛ Galili ɓɛɛ.

Yɔhana 11:40

Yeesɔ kɔɔ wu tɔɔ, “N kɔɔ mɔɔ kpang nɛɛ, naa mɔɔ shing danggn mɔɔ zi bannang Laa katɔ kpang ya?”