Luka 7:42 - Nyaa Shɔɔ Ɓɔɔ Laa a Ɓɛɛ

⁴² Zang kɔ ri ta saka ka naa yɔɔ ɓa, ri walɛ saka ɓɔɔ ri sɔɔrɔ yɔɔ takpang, a yɔɔ yàa ri saka ɓɔɔ ri talɛ ɓɛɛ nandon. Ka teteng zang ziti kaɓa, zang ɓɔɔ naa kasɛ yɔɔ keɓe dɔɔli ɓu wiya?”

Luka 7:42 ပူးပေါင်းရင်းမြစ်များ

Matiyu 18:27

A zang shonang kaɓa, gn ɓiɓɛ kɔng kpanti, a kpanti yàa wu saka ɓɔɔ wu ta nyaa kɔ́pɔ́ kati, nɛɛ wu dita.

Matiyu 18:34

A gnvɔ shaa kpanti, kpanti tuu wu a zang ɓɔɔ ri mã zang ka sãa ɓɛɛ, nɛɛ wu sɔɔrɔ wu saka ɓiɓɛ ɓɔɔ wu ta nyaa kɔ́pɔ́ ka gbongkarɛ nandon.

Matiyu 6:12

Mɔ́ɔ ti yàa ruu gbalang vuu shi kpang ɓɔɔ ruu palɛ ɓɛɛ, naa ɓɔɔ ruu yaa zang ɓɔɔ ri palɛ ruu vuu shi kpang ɓɛɛ.

Luka 7:43

Siman kasɛ wu nyaa tɔɔ, “Zang ɓɔɔ yɔɔ yaa wu saka dɔɔli ɓɛɛ.” Yeesɔ kɔɔ wu tɔɔ, “Mɔɔ kasɛ nyaa tɔ tɔ̃ɔ.”

Rooma 3:24

A ka ruu tɔ̃ɔ ɓɔɔ Laa palɛ zang waati, Laa yaa ri gbalang vuu shi kpang ɓarɛ a shing ri tɔ, ri nwáng zang tɔ̃ɔ tɔ, ka tĩng ɓiɓɛ nɛɛ bii Yeesɔ Kirisi ɓɔɔ wukɔ ta yuu ɓarɛ ɓɛɛ.

Rooma 5:6

Kirisi vɔ ka ruu ɓuru, ɓɔɔ ruu palɛ vuu shi kpang ɓɛɛ. Ka laa ɓɔɔ Laa shingnɛ ɓɛɛ, bɛ̀ɛ́ ruu lakɛ naa gn ka bii kpang.

Galati 3:10

Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”

Afisa 1:7

Vɔrɔ Yeesɔ kɔ shingnɛ, Laa ta yuu ɓuru, a yaa ruu gbalang vuu shi kpang ɓuru. Ruu zi ka wukɔ nɛɛ tɔ̃ɔ Laa bang ɓi dɔɔli.

Afisa 4:32

Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

Kolosi 3:13

Nɔɔ mã gn nɛɛ zɔɔ. Zang ɓɔɔ nɛɛ lasɛ nɔɔ yeti, nɔɔ yàa zɔɔ gbalang katɔ. Nɔɔ yàa zɔɔ gbalang naa ɓɔɔ Laa yàa nɔɔ ɓɛɛ.