Luka 6:8 - Nyaa Shɔɔ Ɓɔɔ Laa a Ɓɛɛ

⁸ Yeesɔ ti zi vuu ɓɔɔ ri rɛ̃rɛ ka yeti ɓarɛ ɓi tɔ. A kɔɔ yɔɔ ɓɔɔ naa ɓakɛ katɔ tɔɔ, “Arɛ mɔɔ shii ka nihn.” A yɔɔ seepaa a ka bii Yeesɔ.

Luka 6:8 ပူးပေါင်းရင်းမြစ်များ

Matiyu 9:4

Yeesɔ ti zi vuu ɓɔɔ ri rɛ̃rɛ ka yeti ɓarɛ ɓi tɔ. A hɛ̃ɛ ri tɔɔ, “Nɔɔ rɛ̃rɛ vuu shi kpang vi ka yeti manɛ nɔngkɔ viya?

Maraku 3:3

A Yeesɔ ɓaa yɔɔ ɓɔɔ naa ɓakɛ katɔ kaɓa nyaa tɔɔ, “Arɛ mɔɔ naa shii ka tĩng zang piti ka nihn.”

Luka 13:12

Ɓɔɔ Yeesɔ zi wu, ɓaa wu nyaa tɔɔ, “Jaa soro, kɔnang ɓaaɓɛ yaa mɔɔ nɔng tɔ.”

Luka 5:22

Yeesɔ ti zi vuu ɓɔɔ ri rɛ̃rɛ ka yeti ɓarɛ ɓi tɔ. A hɛ̃ɛ ri tɔɔ, “Nɔɔ rɛ̃rɛ nɔngkɔ, ka ruu viya?

Luka 6:9

A Yeesɔ kɔɔ zang tɔɔ, “Ń hɛ̃ɛ nɔɔ karɛ, ‘Ruu Laa ɓɔɔ Musa beeyi, kasɛ katɔ nɛɛ ruu pàlɛ̀ zang tɔ̃ɔ ka Diki Ɔ̃sɔnang ya, kɔ nɛɛ ruu palɛ vuu shi kpang? Nɛɛ ruu masɛ zang ya, kɔ nɛɛ ruu nyɔ zang vɔrɔ katɔ kɔ jong?’ ”

Yɔhana 2:25

daa naa ɓɔɔ zang ɓɔɔgn kɔɔ wu ruu shɔnzang kpang ɓɛɛ. Ka ruu ɓɔɔ Yeesɔ nɛɛ yuu ɓiɓɛ zi vuu ɓɔɔ shɔnzang rɛ̃rɛ ka yeti ɓarɛ tɔ ɓɛɛ.

Yɔhana 21:17

Yeesɔ kɔɔ tɔkn daa kaa doo taati tɔɔ, “Siman jaa Yɔhana mɔɔ kasɛ m katɔ ya?” Yeti Bituru lasɛ, ka ruu ɓɔɔ, Yeesɔ hɛ̃ɛ wu daa doo taati nɛɛ, “Mɔɔ kasɛ m katɔ ya?” ɓɛɛ. A kɔɔ Yeesɔ tɔɔ, “Kpanti, mɔɔ zi vuu tɔ nandon, mɔɔ zi tɔ nɛɛ n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

Yɔhana 9:4

Rúu palɛ shonang zang ɓɔɔ shong m ɓɛɛ, bɛ̀ɛ́ doo nɔng laagɛ̃. Nɔng zĩi a kana ɓɔɔ zang palɛ shonang tɔ̀ɔ́ gbete kpang ɓɛɛ.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 26:26

Kpanti Agiripa n kɔɔ mɔɔ ruu keɓe nyaa mɛɛ zaa kpang, ka ruu ɓɔɔ, mɔɔ zi vuu keɓe tɔ nandon ɓɛɛ. N ti zi tɔ vuu ɓɔɔ ɓa shoo ɓaaɓɛ kagn gbete ka yeti ruu keɓe kpang. Ka ruu ɓɔɔ, zang wáa katɔ zang palɛ vuu keɓe kpang ɓɛɛ.

Filipi 1:28

Ń ti tãayi nɛɛ nɔɔ kaa vɔrɔ zang ɓɔɔ ri shing jĩng nɛɛ nɔɔ kpang ɓɛɛ kpang tingkiring. Wukɔ naa tusu ri kati nɛɛ Laa naa ningsi ri, nɔɔ naa wɔ manɛ katɔ. A nɔɔ ti zi tɔ nɛɛ Laa nɛɛ yuu ɓiɓɛ naa tusu ri ditɔ nɛɛ vuu keɓe nɔngkɔ.

Yahudi 4:13

Vuu ɓɔɔ Laa mãayi kagn gbete, ɓɔɔ wayi, Laa zi wu kpang ɓɛɛ kpang. Vuu piti ɓi ka dalɛ, zang larɛ ri ɓi katɔ ka jĩng Laa ɓɔɔ ruu naa shii ka tĩng ɓiɓɛ, ruu kɔɔ wu vuu piti ɓɔɔ ruu palɛ ɓɛɛ.

1 Bituru 4:1

Ruu zi tɔ nɛɛ Yeesɔ Kirisi dang jĩng nɛɛ bii ɓiɓɛ. Ka ruu nɔngkɔ, nɔɔ kpalɛ bii doo nɔngkɔ, nɔɔ dang jĩng nɛɛ bii manɛ naa ɓɔɔ wu dang ɓɛɛ. Ka ruu ɓɔɔ, zang ɓɔɔ nɛɛ dang jĩng tɔ nɛɛ bii ɓiɓɛ, yaa vuu shi kpang palɛnang ɓi tɔ ɓɛɛ.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.