Luka 6:49 - Nyaa Shɔɔ Ɓɔɔ Laa a Ɓɛɛ

⁴⁹ A zang ɓɔɔ tãa yee mɛɛ, a palɛ vuu ɓɔɔ n kɔɔ ɓɛɛ kpang, nwang naa zang ɓɔɔ shu too gãa ka takpang ɓɛɛ. Loo doo gãa ɓiɓɛ ka tipi waati. Diki ɓɔɔ mii rang kpayi nyɔ ka bii gãa, gãa kaɓa tantɛ watɛnang. Watɛnang ɓiɓɛ shing baabii kagn kɛɛm.”

Luka 6:49 ပူးပေါင်းရင်းမြစ်များ

Matiyu 23:3

“Ka ruu nɔngkɔ, nɔɔ ɓaa shoo, ka vuu ɓɔɔ, ri kɔɔ nɔɔ tɔ̃ɔ tɔ̃ɔ, tɔ̀ɔ nɔ́ɔ palɛ vuu piti ɓɔɔ ri kɔɔ nɔɔ kati. A nɔ́ɔ pálɛ̀ vuu ɓɔɔ ri palɛ manɛ kpang, ka ruu ɓɔɔ, ri pálɛ̀ vuu ɓɔɔ ri kɔɔ nɛɛ nyaa ɓarɛ kpang ɓɛɛ.

Matiyu 24:10

Ka diki kaɓa, zang dɔɔli ri naa yaa danggn ɓɔɔ ri shing ka bii Kpanti Laa ditɔ. Ri naa kasɛ ruu zɔɔ takpang, ri naa malɛ yuu zɔɔ ditɔ.

Maraku 4:17

Ri zi vuu ɓɔɔ ka yeti ruu kaɓa tɔ̃ɔ tɔ̃ɔ kpang, ka ruu nɔngkɔ, ri mã danggn ka naa lapa kɔ shɛ̃ɛning. A jĩng dannang naa seepaa ka ruu Kpanti Laa, ri tantɛ Ruu Laa yaanang.

Luka 12:47

“Zang ɓɔɔ nɛɛ zi vuu ɓɔɔ dabang gãa ɓiɓɛ kasɛ nɛɛ wu palɛ a palɛ kpang, zang naa nyɔ wu ditɔ zɛ̃ɛzɛ̃ɛ.

Luka 19:14

A zang tipi ɓiɓɛ ri kasɛ ruu ɓiɓɛ kpang. Ka ruu nɔngkɔ, ri shong zang nyaa shonang ka knti ɓiɓɛ, nɛɛ wu daa kɔɔ zang ɓɔɔ daa yi yɔɔ kpanti nɛɛ, ‘Ruu kasɛ yɔɔ keɓe wu nwang kpanti ɓuru kpang.’

Luka 19:27

Ɓɔɔ zang kɔ ri shing jĩng nɛɛ n kpang, nɛɛ n roo kpanti ka yuu ɓarɛ kpang ɓee, nɔɔ atɛ ri ta ka tĩng mɛɛ, nɔɔ nyɔ ri vɔrɔ.”

Luka 6:46

“Ka ruu vi, nɔɔ ɓaarɛ m nɛɛ ‘Kpanti, Kpanti,’ a nɔɔ palɛ vuu ɓɔɔ n kɔɔ nɔɔ kpang viya?

Luka 6:48

Zang kaɓa nwang naa zang ɓɔɔ tɔɔ wu mãa gãa, a shu too, loo doo gãa ka yuu pɛngkɛ tɔ̃ɔ tɔ̃ɔ ɓɛɛ. Diki ɓɔɔ mii rang kpayi, nyɔ ka bii gãa, palɛ gãa vuu ɓɔɔ kpang, ka ruu ɓɔɔ, zang mãa tɔ̃ɔ tɔ̃ɔ ɓɛɛ.

Luka 7:1

Yeesɔ hangsɛ zang nyaa vuu keɓe kɔɔnang tɔ ka shoo zang nandon, a naa seepaa daa ka Kafanahu.

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Zang Shonang Yeesɔ 20:29

N zi tɔ, n nɛɛ daa tɔ, zang ɓɔɔ ri tusu zang vuu, ɓɔɔ ri nwang naa zaa wisi ɓɔɔ shaa varɛ dɔɔli ɓɛɛ, ri naa a ditɔ ka teteng manɛ. Gn manɛ kɔng ri kpang.

Zang Shonang Yeesɔ 26:11

N shingnɛ zang dang ri jĩng ka rɛɛ gãa zɔɔ kpalɛnang diki diki. N pálɛ̀ ri nɔngkɔ nɛɛ tɔ̀ɔ, ri kɔɔ vuu shi kpang ka yuu danggn ɓɔɔ ri shing ka bii Laa ɓɛɛ kati. Yeti mɛɛ lasɛ nɛɛ ri gbãng gbãng, ka ruu nɔngkɔ, n dàarɛ́ ka rɛɛ gari ɓɔɔgn, n daa dang ri jĩng ka nɔngkɔ.

1 Tesalonika 3:5

Vuu ɓɔɔ shingnɛ ruu shong Timoti ɓɛɛ kɔ. Daa naa ɓɔɔ n tí ɓɛɛ takpang, ka ruu nɔngkɔ, ruu shong wu, nɛɛ wu daa zi ruu naa ɓɔɔ danggn shinnang manɛ nwang ɓɛɛ. Ruu zi kpang naa Sheetang gãsɛ nɔɔ tɔ, nɔɔ yaa danggn ɓɔɔ nɔɔ shing ɓɛɛ tɔ. Nɔɔ shing tɔ shonang ɓuru nandon shaarɛ tɔ waati ya?

2 Bituru 2:20

Naa zang ri zi Yeesɔ Kirisi ɓɔɔ wukɔ Kpanti ɓuru, a wukɔ ti ta yuu ɓuru, a ri yaa vuu shi kpang ɓɔɔ koo keɓe, ɓɔɔ shing zang, zang ri nwang zang shi kpang ɓɛɛ. Ri nɛɛ naa ràa jĩng tɔkn, ri gaayu rɛɛ vuu shi kpang keɓe palɛnang nɛɛ knti, nwannang ɓarɛ naa lasɛ, ɓa ɓɔɔ tĩng shɔɔnang kaa tɔ.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.