Luka 6:47 - Nyaa Shɔɔ Ɓɔɔ Laa a Ɓɛɛ

⁴⁷ Zang piti ɓɔɔ a ka bii mɛɛ, ɓaa shoo ka yee ɓɔɔ n rangnɛ, a ti palɛ vuu ɓɔɔ n kàsɛ̀, ń tusu nɔɔ naa ɓɔɔ zang kaɓa nwang ɓɛɛ.

Luka 6:47 ပူးပေါင်းရင်းမြစ်များ

Matiyu 12:50

Zang piti ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ jaa nàá mɛɛ, nɛɛ nàá mɛɛ.”

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Luka 11:28

Yeesɔ kasɛ wu nyaa tɔɔ, “Tĩnang tãanang ɓi ɓɔɔ zang ɓɔɔ ri tãa Ruu Laa, ri shing ka yeti ɓarɛ ɓɛɛ kɔ jong.”

Luka 14:26

“Zang ɓɔɔ nɛɛ a ka bii mɛɛ, a kasɛ ruu mɛɛ ɓa ɓɔɔ wu kasɛ ruu diiɓɛ nɛɛ niiɓɛ nɛɛ ɓeeso, nɛɛ wujɛ ɓiɓɛ nɛɛ rɛɛ jaa niiɓɛ ɓɔɔ varɛ nɛɛ ɓɔɔ soro nɛɛ yuu ɓiɓɛ katɔ kpang, zunung ɓɔɔ wu nwang zang ɓɔɔ dũng m kpang.

Luka 6:48

Zang kaɓa nwang naa zang ɓɔɔ tɔɔ wu mãa gãa, a shu too, loo doo gãa ka yuu pɛngkɛ tɔ̃ɔ tɔ̃ɔ ɓɛɛ. Diki ɓɔɔ mii rang kpayi, nyɔ ka bii gãa, palɛ gãa vuu ɓɔɔ kpang, ka ruu ɓɔɔ, zang mãa tɔ̃ɔ tɔ̃ɔ ɓɛɛ.

Luka 8:13

Jĩng vuu ɓɔɔ shili ka yuu tipi pɛngkɛ, nwang naa zang ɓɔɔ ri tãa Ruu Laa, a ri ta nɛɛ yeti gbete ɓɛɛ. A ri nwang ɓarɛ naa jĩng vuu ɓɔɔ ɓaa dĩiri tɔ̃ɔ tɔ̃ɔ kpang ɓɛɛ. Ri shing danggn ɓarɛ ka naa lapa kɔ shɛ̃ɛning. Ri yaa gbalang Laa ka diki ɓɔɔ zang gãsɛ danggn ɓarɛ ɓɔɔ ri shing ka bii Laa ɓɛɛ.

Luka 8:8

Jĩng vuu ɓɔɔ ri shili ka tipi tɔ̃ɔ. Ri bangkɛ ri tasɛ yuu. Ri shing jĩng gaagaa, ɓa ɓɔɔ tĩng shɔɔnang katɔ dakn laa maani.” Ɓɔɔ wu kɔɔ tɔ naa weɓe, a naa kɔɔ ri nabm tɔɔ, “Zang ɓɔɔ shoo ɓiɓɛ nɛɛ kagn wu tãayi.”

Yɔhana 10:27

Mɛ̀ɛrɛ́ mɛɛ ri tãa yee mɛɛ ɓarɛ katɔ. N zi ri nung tɔ, a ri dũng m katɔ.

Yɔhana 13:17

Wee nɔɔ zi vuu keɓe tɔ ɓee, naa nɔɔ palɛ, nɔkɔ naa tãa tĩnang.

Yɔhana 14:15

“Yeesɔ kɔɔyi tɔɔ, nɔɔ nɛɛ kasɛ ruu mɛɛ katɔ, nɔɔ dũng nyaa ɓɔɔ n dang ɓɛɛ katɔ.

Yɔhana 5:40

A nɔɔ ti kasɛ anang ka bii mɛɛ, n a nɔɔ suru bii kpang.

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Yɔhana 6:37

Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Yɔhana 8:52

Ɓɔɔ zang Yahudi ri tãa naa weɓe, ri tɔɔ, “Ruu zi tɔ kati, suru shi kpang kagn bii ɓaaɓɛ. Ibirayi vɔ tɔ, nɛɛ rɛɛ zang nyaa shonang Laa piti, mɔɔ kɔɔ ruu ɓáa nɛɛ zang ɓɔɔ nɛɛ yiti ruu ɓaaɓɛ ka yeti ɓiɓɛ, vɔ kpang ya?

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

Yakubu 4:17

Ka ruu nɔngkɔ, zang ɓɔɔ nɛɛ zi vuu tɔ̃ɔ naa ɓɔɔ wu nɛɛ palɛ, a nɛɛ palɛ kpang, palɛ ɓi vuu shi kpang.

1 Bituru 2:4

Ka ruu nɔngkɔ, nɔɔ a naabm ka bii ɓiɓɛ. Wukɔ tari ɓɔɔ nwang ɓi dòndòng kaɓa, ɓɔɔ a zang suru bii, ɓɔɔ shɔnzang ri bɛ̃ɛyi naa vuu ɓɔɔ shi kpang ɓɛɛ. Ka jĩng Laa ɓɔɔ zɔ̃ng wu, wu ɓi zang ɓɔɔ daa naa ɓɔɔ zang a wu bannang ɓa zang piti katɔ ɓɛɛ.

2 Bituru 1:10

Ka ruu nɔngkɔ, rɛɛ manzung, n gaa nɔɔ, nɔɔ shing jĩng kagn, nɔɔ palɛ rɛɛ vuu keɓe nɛɛ kaka manɛ, ka ruu ɓɔɔ, Laa ɓaa nɔɔ nyaa a ti zɔ̃ng nɔɔ nɛɛ nɔ́ɔ palɛ naa weɓe kɔ ɓɛɛ. Naa nɔɔ palɛ rɛɛ vuu keɓe, nɔɔ yaa gbalang Laa kpang dòndòng.

1 Yɔhana 2:29

Nɔɔ nɛɛ zi tɔ nɛɛ Kirisi ɓi zang tɔ̃ɔ, nɔɔ zi katɔ nɛɛ zang ɓɔɔ palɛ vuu tɔ̃ɔ, ɓi zang ɓɔɔ Laa yi ɓɛɛ kɔ.

1 Yɔhana 3:7

Wujɛ mɛɛ, zang ɓɔɔ wu nwãarɛ nɔɔ kpang. Zang ɓɔɔ palɛ vuu tɔ̃ɔ, ɓi zang tɔ̃ɔ, naa ɓɔɔ Yeesɔ zang tɔ̃ɔ ɓɛɛ.

Vuu ɓɔɔ zang nwangsɛ Yɔhana 22:14

Tĩnang naa nwang ɓi ɓɔ̀ɔ́ zang kaɓa, ɓɔɔ ri sɔ̀ɔ́ fɔ̃ɔrɔ, tu kalang kalang ɓɛɛ. Zang naa yaa rikɔ, ri shɛ̃ɛ nɛɛ nyaa gãa gari kaɓa, ri daa yeti gari. Ri ti shaa jaa laa, ɓɔɔ a zang suru bii ɓɔɔ waa nyaa kpang ɓɛɛ.