Luka 6:45 - Nyaa Shɔɔ Ɓɔɔ Laa a Ɓɛɛ

⁴⁵ Shɔnzang ɓi doo nɔngkɔ. Zang tɔ̃ɔ nwangsɛ ɓi doo vuu tɔ̃ɔ ɓɔɔ ka yeti ɓiɓɛ kɔ. A zang shi kpang ti nwangsɛ ɓi doo vuu shi kpang ɓɔɔ ka yeti ɓiɓɛ kɔ. Ka ruu ɓɔɔ, vuu ɓɔɔ nwang nɛɛ nyaa shɔnzang piti, a ɓi nɛɛ yeti ɓiɓɛ ɓɛɛ.

Luka 6:45 ပူးပေါင်းရင်းမြစ်များ

Yɔhana 7:38

Zang ɓɔɔ nɛɛ shing danggn ka bii mɛɛ, labeenang Laa kɔɔyi tɔɔ, ‘Rang mii ɓɔɔ a zang suru, ri zɛ̃ɛ ditɔ nɛɛ yeti ɓiɓɛ.’ ”

Zang Shonang Yeesɔ 5:3

Bituru hɛ̃ɛ wu nɛɛ, “Hananiya, ka ruu vi sheetang ta rɛ̃rɛnang ɓaaɓɛ, mɔɔ sùú Suru Laa sèé, a mɔɔ vaa saka tipi ɓɔɔ mɔɔ mãlɛ́ mɔɔ yiti viya?

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Afisa 4:29

Nɔ́ɔ rangkɛ yee sãnsãnrãng takpang. Nɔɔ ráng kaa yee ɓɔɔ yi zang naa katɔ ka bii ɓɛɛ, zɔ̃ng yee ɓɔɔ shing zang, zang bangnɛ ka doo vuu ɓɔɔ zang kasɛ ɓɛɛ. Tɔ̀ɔ, vuu ɓɔɔ mɔɔ kɔɔ ɓɛɛ wu nwàng zang ɓɔɔ ri tãa mɔɔ vuu tɔ̃ɔ kati.

Afisa 5:19

Nɔɔ rang zɔɔ yee nɛɛ soo ɓɔɔ nɔɔ dɔɔ Kirisi nɛɛ mani ɓɛɛ, nɛɛ soo ɓɔɔ nɔɔ zãa wu nɛɛ mani, a ɓɔɔ nɛɛ soo ɓɔɔ Suru Laa kpɛ̃ɛrɛ zang ɓɛɛ. Nɔɔ gaa soo, nɔ́ɔ dɔɔ Kirisi ka yeti manɛ.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

Kolosi 4:6

Yee manɛ wu nwang tɔ̃ɔ diki diki, nyaa manɛ wu tɛ̃ɛ tãa kɔ shɛ̃ɛning. Nɔ́ɔ ti zi naa ɓɔɔ nɔɔ kasɛ zang ɓu nyaa tɔ̃ɔ ɓɛɛ.

Yahudi 8:10

Laa ti kɔɔyi tɔɔ, Wee nyaa ɓɔɔ n naa mã nɛɛ zang Isirela ka rɛɛ diki ɓɔɔ naa a ɓɛɛ kɔ. N naa shǐng ri rɛɛ nyaa dannang mɛɛ ka yeti ɓarɛ a n beere ka ɓoro ɓarɛ. N naa nwáng Laa ɓarɛ, a ri nwang ɓarɛ kaa zang mɛɛ.

Yahuza 1:15

Wu naa jɛ̃ɛ zang nandon ruu, wu dɔ̀ng zang ɓɔɔ ri palɛ vuu shi kpang, ɓɔɔ ri dũng Laa kpang ɓɛɛ ruu, ka ruu vuu shi kpang ɓɔɔ ri palɛ ka gbalang ɓarɛ ɓɛɛ. A ɓɔɔ ti ka vuu shi kpang ɓɔɔ zang ɓɔɔ ri dũ̀ng Laa kpang keɓe ri kɔɔrɔ ka yuu Laa ɓɛɛ.”