Luka 6:42 - Nyaa Shɔɔ Ɓɔɔ Laa a Ɓɛɛ

⁴² A mɔɔ kɔɔ ɓaazung ɓu kaa biya nɛɛ, ‘Manzung, n kaaɓi, n sha mɔɔ zũng laa tɔkɔlɔng kɔ ka jĩng ɓaaɓɛ ɓi.’ A mɔɔ ti zi lawaa bang ɓɔɔ ka jĩng ɓaaɓɛ ɓi kpang viya? Zang ɓɔɔ nwãarɛ zang nɛɛ vuu palɛnang ɓɛɛ, nwangsɛ lawaa bang ɓɔɔ ka jĩng ɓaaɓɛ gbongkarɛ, tɔ̀ɔ, mɔɔ zi nɔng kaa tɔ̃ɔ, mɔɔ sha zũng laa ɓɔɔ ka jĩng ɓaazung kati.

Luka 6:42 ပူးပေါင်းရင်းမြစ်များ

Matiyu 26:75

A Bituru naa kpaa danggn ruu ɓɔɔ Yeesɔ kɔɔ wu tɔɔ, “Ɓɔɔ kǹ naa ɓáa nyaa, bɛ̀ɛ́ mɔɔ laa nyaa mɛɛ tɔ daa doo taati.” A Bituru nwangnɛ, daa kaa ka biling zɛ̃ɛzɛ̃ɛ.

Matiyu 7:3

“Ka ruu vi, mɔɔ shing jĩng ka zũng laa ɓɔɔ ka jĩng ɓaazung kɔ shɛ̃ɛning, mɔɔ yee laa ɓáa ka lawaa bang ɓɔɔ ka jĩng ɓaaɓɛ kpang viya?

Matiyu 7:4

Mɔɔ kɔɔ ɓaazung ɓu ka biya, nɛɛ, ‘N kaaɓi n zɔ̃ng mɔɔ zũng laa tɔkɔlɔng ɓɔɔ ka jĩng ɓaaɓɛ, a mɔɔ yaa lawaa ɓɔɔ bang ka jĩng ɓaaɓɛ, ka nɔngkɔ viya?’

Luka 13:15

A Kpanti Yeesɔ kɔɔ wu tɔɔ, “Zang ɓɔɔ ri nwãarɛ zang nɛɛ vuu palɛnang ɓɛɛ, zang ɓɔɔ kagn teteng manɛ gbete kãlɛ napo, kɔ seesaa ɓiɓɛ nɛɛ vàa, daa a wu mii ka Diki Ɔ̃sɔnang kpang ɓu wiya?

Luka 22:32

Siman, n gàa mɔɔ Laa tɔ, ka ruu ɓɔɔ, mɔɔ nɛ̀ɛ́ yaa danggn shinnang ka n ɓɛɛ. Mɔɔ nɛɛ a tɔ ka bii mɛɛ tɔkn, mɔ́ɔ yi rɛɛ ɓaazung ɓɔɔ nɔɔ mantɛ vuu nɛɛ ri ka bìí mɛɛ ɓɛɛ naa ka bii, ri shing danggn waasɛ̃.”

Luka 6:41

“Mɔɔ shíng jĩng ka zũng laa ɓɔɔ ka jĩng ɓaazung kɔ shɛ̃ɛning, mɔɔ yee laa ɓaa ka lawaa bang ɓɔɔ ka jĩng ɓaaɓɛ kpang ka ruu viya?

Luka 6:43

“Láa ɓɔɔ tɔ̃ɔ ra jaa ɓɔɔ shi kpang ɓi kpang. A laa ɓɔɔ shi kpang ti ra jaa ɓɔɔ tɔ̃ɔ ɓi kpang kɔ doori.

Zang Shonang Yeesɔ 13:10

a kɔɔyi tɔɔ, “Jaa suru shi kpang kiɓi. Mɔkɔ kasɛ kpang nɛɛ zang pálɛ̀ vuu ɓɔɔ tɔ̃ɔ kpang. Yeti ɓaaɓɛ ɓi zang nwãarɛnang kɔ shɛ̃ɛning. Mɔɔ kãa gbalang diki diki nɛɛ mɔɔ risi Ruu Laa wu nwang kaa naa sèé.

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 8:21

Ruu ɓaaɓɛ hãa ɓi kagn ka shonang keɓe kpang, ka ruu ɓɔɔ, yeti ɓaaɓɛ ɓi tɔ̃ɔ ka tĩng Laa kpang ɓɛɛ.

Rooma 2:1

Masang, mɔɔ kɔɔ zang katɔ nɛɛ zang ri palɛ vuu shi kpang tɔ ya? Naa mɔɔ doo zang kiya, daa naa ɓɔɔ mɔɔ kɔɔ zang ɓɔɔ nɔngkɔ kpang. Ka ruu ɓɔɔ naa mɔɔ dɔng zang ɓɔɔ ruu ka yuu vuu ɓɔɔ ri palɛ, a mɔɔ palɛ doo vuu ɓɔɔ ri palɛ ɓɛɛ kɔ, mɔɔ dɔng ɓaa yuu ɓaaɓɛ ruu.

2 Koranti 5:18

Ɓi Laa ɓɔɔ risi ruu, ɓɔɔ ruu shing jĩng nɛɛ wu kpang, ruu nwang wusang ɓiɓɛ kɔ, palɛ vuu keɓe nɛ bii Kirisi. A á ruu shonang nɛɛ ruu risi zang ɓɔɔ ta wu, ri nwang wusang ɓiɓɛ.

2 Timoti 2:21

Zang ɓɔɔ nɛɛ palɛ rɛɛ vuu shi kpang keɓe kpang nandon, nwang ɓi naa juwa Zinariya ɓɔɔ zang shaa vuu shaanang kagn ka lee mung ɓɛɛ. Juwa keɓe, shi zang ɓiɓɛ ka jĩng dɔɔli. Zang ɓiɓɛ palɛ shonang tɔ̃ɔ piti nɛɛ mani katɔ.

2 Bituru 1:9

Zang ɓɔɔ nɛɛ pálɛ̀ rɛɛ vuu keɓe kpang, nwang naa zang jĩng ringtang ɓɔɔ zi vuu ɓɔɔ kpang ɓɛɛ. Danggn ning wu tɔ nɛɛ, Laa yàa wu gbalang vuu shi kpang ɓɔɔ ɓeleng wu palɛ ɓɛɛ tɔ.