Luka 6:35 - Nyaa Shɔɔ Ɓɔɔ Laa a Ɓɛɛ

³⁵ Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Luka 6:35 ပူးပေါင်းရင်းမြစ်များ

Matiyu 5:9

Tĩnang Tãanang ɓi ɓɔɔ zang ɓɔɔ ri kasɛ nɛɛ zang nwang ka nyaa zɔɔ ɓɛɛ. Zang naa ɓaa rikɔ nɛɛ wujɛ Laa.

Maraku 5:7

A mɛɛ nyaa ka lapa tɔɔ, “Mɔɔ kãa vi ka bii mɛɛ viya? Yeesɔ Jaa Kpanti Laa? N zɔɔrɔ mɔɔ katɔ nɛɛ nung Laa, mɔɔ dang m jĩng kpang.”

Luka 1:32

Naa nwáng zang bang. Zang naa ɓaa wu nɛɛ Jaa Kpanti Laa. Kpanti Laa naa shing wu Kpanti ditɔ naa dabang ɓiɓɛ Dawuda.

Luka 6:36

Gn zang wu kɔng nɔɔ katɔ, naa ɓɔɔgn zang kɔng Daa manɛ ɓɛɛ.

Yɔhana 13:35

Naa nɔɔ kàsɛ́ ruu zɔɔ, zang zi ka wukɔ nɛɛ nɔɔ manɛ zang ɓɔɔ ri mantɛ vuu ka bìí mɛɛ ɓɛɛ.”

Yɔhana 15:8

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

Zang Shonang Yeesɔ 14:17

Laa bìí, ti tusu doo nɛɛ mani diki diki, nɛɛ wu kagn ka vuu tɔ̃ɔ ɓɔɔ wu palɛ ɓɛɛ. Á nɔɔ mii lapa, tɔ̀ɔ, vuu ɓɔɔ nɔɔ ɓàarɛ́ wu ra jaa kaa làá ɓarɛ. Á nɔɔ vuu shaanang, wu ti shingnɛ nɔɔ tãa tĩnang.”

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

2 Timoti 3:2

Ka diki keɓe, zang ri naa kàsɛ́ yuu ɓarɛ kɔ shɛ̃ɛning, ri naa kɔng jĩng nɛɛ vuu ɓarɛ, ri kɔ̀ɔrɔ́ ruu bang bang ka yuu ɓarɛ, ri naa tuu bii dɔɔli, ri naa dãlɛ zang, ri naa ɓaa shoo ka nyaa zang ɓɔɔ yiki ri kpang, ri naa zã̀a zang kpàng, ri ti naa dũng Laa kpang, ri pálɛ̀ vuu ɓɔɔ Laa kasɛ ɓɛɛ kpang.