Luka 6:27 - Nyaa Shɔɔ Ɓɔɔ Laa a Ɓɛɛ

²⁷ “N kɔ̀ɔ́ nɔɔ, ɓɔɔ nɔɔ tãa ruu kɔ n rang ɓɛɛ katɔ ɓɛɛ. Nɔ́ɔ kasɛ ruu zang ɓɔɔ nɔɔ shing jĩng nɛɛ ri kpang katɔ. Nɔɔ ti palɛ zang ɓɔɔ ri kasɛ ruu manɛ kpang tɔ̃ɔ katɔ.

Luka 6:27 ပူးပေါင်းရင်းမြစ်များ

Maraku 4:24

A Yeesɔ kɔɔ ri tɔɔ, “Nɔɔ shing jĩng ka vuu ɓɔɔ nɔɔ tãa ɓɛɛ ning. Naa ɓɔɔ nɔɔ jɛ̃ɛ zang ruu, Laa naa jɛ̃ɛ nɔɔ doo nɔngkɔ. Ɓɔɔ Laa naa jɛ̃ɛ nɔɔ, ɓa ɓɔɔ ɓarɛ ɓi kaa tɔ.

Luka 23:34

A Yeesɔ kɔɔyi nɛɛ, “Daa mɛɛ, yaa ri gbalang vuu keɓe katɔ, ka ruu ɓɔɔ, ri zi vuu ɓɔɔ ri palɛ kpang ɓee.” Ri sháa laa ka naa ɓɔɔ ri basɛ rɛɛ fɔ̃ɔrɔ ɓiɓɛ ɓɛɛ.

Luka 6:22

Tĩnang tãanang ɓi ɓɔɔ manɛ kɔ, naa zang kasɛ ruu manɛ kpang, zang bɛ̃ɛ nɔɔ, zang dãa nɔɔ, zang kɔɔ nɛɛ nɔɔ shi kpang, ka ruu Jaa Shɔnzang.

Luka 6:35

Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Luka 8:15

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Luka 8:18

“Ka ruu nɔngkɔ, nɔɔ gãng jĩng ka naa ɓɔɔ nɔɔ tãa yee Laa ɓɛɛ ning. Nɔɔ gãng jĩng kagn, ka ruu ɓɔɔ zang ɓɔɔ vuu ɓiɓɛ kagn, zang naa gisi wu ɓɔɔgn ditɔ. A zang ɓɔɔ vuu ɓiɓɛ tɔkɔlɔng, zang naa ta ɓɔɔ tɔkɔlɔng ɓɔɔ wu shing danggn kagn, ka naa ɓiɓɛ ditɔ.”

Luka 8:8

Jĩng vuu ɓɔɔ ri shili ka tipi tɔ̃ɔ. Ri bangkɛ ri tasɛ yuu. Ri shing jĩng gaagaa, ɓa ɓɔɔ tĩng shɔɔnang katɔ dakn laa maani.” Ɓɔɔ wu kɔɔ tɔ naa weɓe, a naa kɔɔ ri nabm tɔɔ, “Zang ɓɔɔ shoo ɓiɓɛ nɛɛ kagn wu tãayi.”

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 16:28

A Bulu mɛɛ nyaa ka lapa nabm tɔɔ, “Mɔ́ɔ lasɛ yuu ɓaaɓɛ kpang, ruu doo ka nɔng nandon.”

Zang Shonang Yeesɔ 7:60

A tang nɛɛ gutu, mɛɛ nyaa ka lapa tɔɔ, “Kpanti, mɔɔ yiti vuu shi kpang kɔ ri palɛ ɓee ka yeti ɓaaɓɛ kpang.” Kɔɔ vuu keɓe tɔ a vɔ kati.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.