Luka 6:26 - Nyaa Shɔɔ Ɓɔɔ Laa a Ɓɛɛ

²⁶ “Jinang dannang kagn yuu ɓaaɓɛ, naa zang piti rang yee tɔ̃ɔ ka yuu ɓaaɓɛ, ka ruu ɓɔɔ, ri rang yee tɔ̃ɔ doo nɔngkɔ ka yuu zang ɓɔɔ ri nwãarɛ zang nɛɛ ri zang nyaa shonang Laa ɓɛɛ.

Luka 6:26 ပူးပေါင်းရင်းမြစ်များ

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Luka 6:25

Jĩng dannang kagn yuu manɛ, ɓɔɔ buru manɛ puu katɔ kãntang keɓe ɓɛɛ, nyɔkɔ naa nyɔ nɔɔ ditɔ. “Jĩng dannang kagn yuu manɛ ɓɔɔ nɔɔ laarɛ katɔ kãntang keɓe, ka ruu ɓɔɔ, yeti manɛ naa lasɛ ditɔ gbãng gbãng, nɔɔ ti naa kaa nyavɔ ditɔ dɔɔli ɓɛɛ.

Yɔhana 15:19

Naa nɔɔ nɛ̀ɛ́ zang ɓɔɔ ri zi Laa kpang, ri nɛɛ kàsɛ́ nɔɔ katɔ. N shɛ̃ɛrɛ nɔɔ nɛɛ koo keɓe kɔ, nɔɔ manɛ tɔ̀ɔ́ zang ɓarɛ kpang, ka ruu nɔngkɔ, ri kasɛ nɔɔ kpang.

Yɔhana 7:7

Zang koo keɓe ɓɔɔ ri zi Laa kpang, ri bɛ̃ɛ nɔɔ manɛ kpang. Ri bɛ̃ɛ ɓarɛ nkɔ, ka ruu ɓɔɔ, n kɔɔrɔ ri nɛɛ vuu ɓɔɔ ri palɛ ɓi vuu shi kpang ɓɛɛ.

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

Yakubu 4:4

Nɔɔ zi kpang nɛɛ naa nɔɔ yi wusang nɛɛ vuu koo keɓe nɔɔ nwang naa zang ɓɔɔ palɛ dũndũng ɓɛɛ kpang ya? Zang keɓe nwang ɓi kaa zang ɓɔɔ gaa nyaa nɛɛ Laa ɓɛɛ. Ka ruu nɔngkɔ, zang ɓɔɔ nɛɛ kasɛ ruu koo keɓe risi yuu ɓiɓɛ kaa zang ɓɔɔ gaa nyaa nɛɛ Laa ɓɛɛ.