Luka 5:10 - Nyaa Shɔɔ Ɓɔɔ Laa a Ɓɛɛ

¹⁰ Rɛɛ Siman ɓeesang, rɛɛ Yakub nɛɛ Yɔhana wujɛ Zebedi, ri mã naa ka danggn doo nɔngkɔ. A Yeesɔ kɔɔ Siman tɔɔ, “Mɔ́ɔ kaa vɔrɔ kpang, kãntang keɓe mɔɔ nwang ɓaa tɔ̀ɔ́ zang ɓɔɔ yi jaazĩi kpang, mɔɔ nwáng ɓaa kaa zang ɓɔɔ ɓaa zang nyaa nɛɛ ri a ka bii mɛɛ ɓɛɛ.”

Luka 5:10 ပူးပေါင်းရင်းမြစ်များ

Matiyu 13:47

Yeesɔ ti rang nyaa vuu jeenang ɓɔɔgn tɔkn tɔɔ, “Kpanti roonang Laa nwang naa jang jaazĩi yinang ɓɔɔ zang vang ka mii waapo, raa jaazĩi ka zɔ̃ng zɔ̃ng ɓɛɛ.

Matiyu 14:27

A Yeesɔ rang yee kaa tantɛnang nɛɛ ri, tɔɔ, “Nɔ́ɔ kaa vɔrɔ kpang. Ɓi nkɔ.”

Matiyu 20:20

A soro Zebedi nɛɛ, wujɛ ɓiɓɛ ɓɔɔ varɛ, naa tang ka tĩng Yeesɔ, a gaa vuu ka naa ɓiɓɛ.

Matiyu 4:19

A Yeesɔ ɓaa ri nyaa kɔɔ ri tɔɔ, “Nɔɔ dũng m ta, ń tusu nɔɔ naa ɓɔɔ nɔɔ ɓaa m zang nyaa ɓɛɛ.”

Matiyu 4:21

Nɛɛ tɔɔ wu daa ka tĩng tɔkɔlɔng, ti zi zang ɓɔɔgn ziti tɔkn nɛɛ daa ɓarɛ. Yakub nɛɛ jaa niiɓɛ Yɔhana, a ɓɔɔ daa ɓarɛ Zebedi ka yeti tonsi, ri palɛ jang jaazĩi ɓarɛ. A Yeesɔ ɓaa Yakubu nɛɛ Yɔhana nyaa.

Maraku 1:17

A Yeesɔ ɓaa ri nyaa tɔɔ “Nɔɔ arɛ nɔɔ dũng m. N tusu nɔɔ naa ɓɔɔ nɔɔ ɓaa zang nyaa ri a ka bii mɛɛ ɓɛɛ.”

Luka 5:7

A ri ɓaa nyaa ka rɛɛ ɓeesang ɓɔɔ ri ka yeti tonsi ɓɔɔ gbete, nɛɛ ri naa yi ri naa kaa jong bii. A ri arɛ ri naa see jaazĩi. Jaazĩi bìí wisi nyaa tonsi ziti kaɓa kaa nandon. Tonsi ɓarɛ yaa tɔkɔlɔng nɛɛ wu ɔ̃ɔ kaa yeti mii.

Luka 5:9

Ka ruu ɓɔɔ, Siman nɛɛ zang ɓɔɔ ri nɛɛ wu, ri mã naa ka danggn ka ruu jaazĩi ɓɔɔ ri yi ɓɛɛ.

Luka 6:14

Siman ɓɔɔ Yeesɔ naa a wu nung nɛɛ Bituru ɓɛɛ, nɛɛ jaa niiɓɛ Anduru. A ɓɔɔ Yakub nɛɛ Yɔhana nɛɛ Filibu, nɛɛ Batolomi,

Yɔhana 21:2

Siman Bituru nɛɛ Tooma ɓɔɔ zang ɓaa wu nɛɛ Jaa bãnang nɛɛ Natanalu, yɔɔ gari Kaana ɓɔɔ ka tipi Galili ɓɛɛ, nɛɛ wujɛ Zebedi ziti, a ɓɔɔ zang ɓɔɔ ri mantɛ vuu doo ka bii Yeesɔ kɔ, ri ziti, ri nɛɛ zɔɔ ka nɔng gbete.

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

2 Koranti 8:23

Titu ɓi zang ɓɔɔ rakɛ nɛɛ n ɓɛɛ, palɛ shonang ɓi nɛɛ n, tɔ̀ɔ, ruu yi nɔɔ naa ka bii. Zang ziti ɓɔɔ ri daa nɛɛ wu keɓe, ri daa ɓarɛ ka nung zang ɓarɛ, shonang ɓarɛ shingnɛ, zang a Kirisi bannang.

2 Timoti 2:26

Shoo naa lu ri ditɔ, ri wɔ nɛɛ naa suru shi kpang ɓɔɔ lang saka yi ri kagn, a shing ri, nɛɛ ri palɛ vuu ɓɔɔ wu kasɛ ɓɛɛ.