Luka 24:39 - Nyaa Shɔɔ Ɓɔɔ Laa a Ɓɛɛ

³⁹ Nɔɔ pɛ̃ɛrɛ doo mɛɛ, nɛɛ naa mɛɛ, ɓi nkɔ. Nɔɔ lee m nɛɛ naa, nɔɔ zirɛ, ka ruu ɓɔɔ, kaka nɛɛ yɔpɔ ɓi kagn bii raanang, naa wee ka bii mɛɛ ɓee, kpang ɓɛɛ.”

Luka 24:39 ပူးပေါင်းရင်းမြစ်များ

Luka 23:46

Yeesɔ kaa nyaa ka lapa nɛɛ, “Daa mɛɛ, n a mɔɔ Suru bii mɛɛ tɔ ka naa ɓaaɓɛ.” Kɔɔ naa weɓe, a vɔrɛ.

Luka 24:38

A hɛ̃ɛ ri tɔɔ, “Nɔɔ kaa vɔrɔ viya? A nɔɔ ti hɛ̃ɛlɛ nyaa ka yeti manɛ nɔngkɔ viya?

Luka 24:40

Kɔɔ vuu keɓe tɔ, a tusu ri naa ɓiɓɛ nɛɛ doo ɓiɓɛ.

Yɔhana 20:20

Kɔɔ vuu keɓe tɔ, a tusu ri naa ɓiɓɛ nɛɛ kagn. Ɓɔɔ zang ɓɔɔ ri mantɛ vuu ka bii ɓiɓɛ, ri zi Kpanti Yeesɔ naa weɓe, ri tãa tĩnang dɔɔli.

Yɔhana 20:25

A rɛɛ zang ɓɔɔ ri mantɛ vuu ka bii Yeesɔ nimbang, ri kɔɔ wu nɛɛ, “Ruu zi Kpanti Yeesɔ tɔ.” Kɔɔ ri ɓi nɛɛ, “Naa n zi too koosa ka naa ɓiɓɛ, a n hãa saa naa mɛɛ kagn, a n ti hãa naa mɛɛ ka kagn buru ɓiɓɛ kpang, n shing danggn m kpang.”

Yɔhana 20:27

A kɔɔ Tooma tɔɔ, “Hãa saa naa ɓaaɓɛ ka nihn, mɔɔ ti pɛ̃ɛrɛ naa mɛɛ. Mɔɔ dĩi naa ɓaaɓɛ, mɔɔ hãa ka kagn buru mɛɛ. Mɔ́ɔ nwàng wu zang ɓɔɔ yaa gn naa kpang, nwang ɓaa zang ɓɔɔ shing danggn ɓɛɛ.”

Zang Shonang Yeesɔ 1:3

Ka knti vɔrɔ ɓiɓɛ, tusu ri yuu ɓiɓɛ diki laa ziti. Nwang nyaa ka bii ɓarɛ ka diki ka bm bm, naa ɓɔɔ ri làa nyaa takpang nɛɛ wu doo ningkãari kpang ɓɛɛ. Ri zi wu, a ti rang yee nɛɛ ri ka yuu Kpanti roonang Laa.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

Yahudi 12:9

Wu nɔngkɔ shɛ̃ɛning kpang, rɛɛ daa ɓuru ɓɔ̀ɔ́ bii shɔnzang kagn, ɓɔɔ ri gɔ̃ ruu shoo ɓɛɛ, a ruu seng ri katɔ. Naa ruu a Daa ɓuru ɓɔɔ ka lapa yuu ɓuru tɔ, ruu nwáng ningkãari, wukɔ daayi kpang ya?

1 Yɔhana 1:1

Ruu bèé nɔɔ ruu ka yuu zang ɓɔɔ a zang suru bii ɓɛɛ. Ɓɔɔ nwang ka tĩng tɛ̃ɛ tɛ̃ɛ bɛ̀ɛ́ Laa gaayu koo mãanang gn kpang ɓɛɛ. Ruu tãa ruu ɓiɓɛ, a ruu ti zi wu nɛɛ jĩng ɓuru. Ruu pɛ̃ɛrɛ wu, a ruu ti lee wu nɛɛ naa ɓuru.