Luka 24:32 - Nyaa Shɔɔ Ɓɔɔ Laa a Ɓɛɛ

³² Ri kɔɔ zɔɔ nɛɛ, “Ɓasi ka gbalang ɓɔɔ rang yee nɛɛ ruu, a ti nwangsɛ ruu dĩiri ruu vuu ɓɔɔ labeenang Laa kɔɔ ɓɛɛ, ruu tãa tĩnang ka yeti ɓuru dɔɔli.”

Luka 24:32 ပူးပေါင်းရင်းမြစ်များ

Maraku 4:34

Kɔɔ ri ruu kagn nɛɛ nyaa waati gbete kpang. Rang ri yee nɛɛ nyaa vuu jeenang kɔ nandon, nɛɛ nwang tɔ nɛɛ zang ɓɔɔ ri mantɛ vuu ka bii ɓiɓɛ ka bm, wu nwangsɛ ri dĩiri ruu ɓɔɔ wu rang nɛɛ nyaa vuu jeenang kati nandon.

Luka 24:45

A á ri naa, tɔɔ, ri zi vuu ɓɔɔ ka labeenang Laa ɓɛɛ kati.

Yɔhana 6:63

Ɓi Suru Laa a zang suru bii ɓiri, bii shɔnzang zunung vuu ɓɔɔ palɛnang ɓi kpang. Ruu ɓɔɔ n kɔɔrɔ nɔɔ ɓɛɛ, ɓi ka yuu Suru ɓɔɔ a zang suru bii ɓɛɛ.

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Yahudi 4:12

Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.