Luka 24:30 - Nyaa Shɔɔ Ɓɔɔ Laa a Ɓɛɛ

³⁰ Nwangnɛ nɛɛ wu shaa kaa vuu shaanang nɛɛ ri. Tuu borodi a gaa Laa, sharɛ a á ri.

Luka 24:30 ပူးပေါင်းရင်းမြစ်များ

Matiyu 14:19

A kɔɔ zang ɓɔɔ ri kpalɛ zɔɔ nɛɛ ri nwang ta ka yuu wisi. A see borodi maani nɛɛ jaazĩi ziti kaɓa, a tuu jĩng ka lapa. Zãa kpanti Laa, a shalɛ, basɛ zang ɓɔɔ ri mantɛ vuu ka bii ɓiɓɛ, a ri alɛ zang nimbang kati.

Matiyu 15:36

A tuu borodi manziti kaɓa nɛɛ jaazĩi, a zãa Kpanti Laa. Shalɛ, a basɛ zang ɓɔɔ ri mantɛ vuu ka bii ɓiɓɛ, nɛɛ ri alɛ zang nimbang ta.

Matiyu 26:26

Ri shaa vuu shaanang kana, a Yeesɔ tuu borodi zãa Kpanti Laa, a shalɛ a zang ɓɔɔ ri mantɛ vuu ka bii ɓiɓɛ kati. A kɔɔ ri tɔɔ, “Nɔɔ tá ta nɔɔ shaayi. Weɓe yɔpɔ bii mɛɛ kɔ.”

Maraku 14:22

Rí shaa vuu shaanang kana, a Yeesɔ tuu borodi, a zãa Kpanti Laa, a shalɛ, a zang ɓɔɔ ri mantɛ vuu ka bii ɓiɓɛ tɔɔ, “Nɔɔ tá ta, nɔɔ shaayi, wee yɔpɔ bii mɛɛ kɔ.”

Maraku 6:41

A Yeesɔ see borodi maani, nɛɛ jaazĩi ziti kaɓa, tuu jĩng ka lapa zãa Laa, a shalɛ, a zang ɓɔɔ ri mantɛ vuu ka bii ɓiɓɛ ɓɛɛ, nɛɛ ri alɛ zang ta. A ti basɛ jaazĩi ziti kaɓa ka yuu zang piti.

Maraku 8:6

A kɔɔ zang ɓɔɔ ri kpalɛ zɔɔ gaagaa, nɛɛ ri nwálɛ́ ta tipi. A see borodi manziti kaɓa, a zãa Kpanti Laa, a shalɛ, a zang ɓɔɔ ri mantɛ vuu ka bii ɓiɓɛ, nɛɛ ri alɛ zang ɓɔɔ ri kpalɛ zɔɔ ɓɛɛ ta. A zang ɓɔɔ ri mantɛ vuu ka bii ɓiɓɛ, ri alɛ zang kati.

Luka 22:19

A tuu borodi zãa Laa, a sharɛ, a á ri, kɔɔ ri tɔɔ, “Wee bii mɛɛ ɓɔɔ n a zang, zang nyɔ vɔrɔ ka ruu manɛ ɓɛɛ kɔ. Nɔɔ palɛ vuu keɓe diki diki nɔɔ kpaa danggn mɛɛ kaa nɛɛ mani.”

Luka 24:29

A ri bakɛ wu nɛɛ, “Nwang nɛɛ ruu, ka ruu ɓɔɔ, kaa nɔng laarang, laa ti hãa nyaa kana ɓɛɛ.” A daayi nɛɛ wu daa nwang kaa nɛɛ ri.

Luka 24:35

A zang ziti keɓe kɔɔ ri naa vuu ɓɔɔ palɛ ka gbalang ɓɔɔ ri daa Imawu ɓɛɛ, nɛɛ naa ɓɔɔ Yeesɔ tusu ri yuu ɓiɓɛ ka ɓɔɔ wu shaa borodi ɓɛɛ.

Luka 9:16

A tuu borodi maani kɔ nɛɛ jaazĩi ɓa, tuu jĩng ka lapa, a zãa Laa, shalɛ, a basɛ zang ɓɔɔ ri mantɛ vuu ka bii ɓiɓɛ ɓɛɛ, nɛɛ ri alɛ zang ta.

Yɔhana 6:11

A Yeesɔ see borodi ka naa a zãa Laa kati, a basɛ zang ɓɔɔ ri nwalɛ ka tipi ɓɛɛ. Pálɛ́ doo nɔngkɔ nɛɛ jaazĩi. Zang ɓu walɛ naa ɓɔɔ daa wu nyaa ɓɛɛ.

Zang Shonang Yeesɔ 2:42

Zang keɓe ri shing yuu ɓarɛ ɓi ka vuu ɓɔɔ zang shonang ri tusu ɓɛɛ. A ɓɔɔ kaa yuu ɓɔɔ ri kpalɛ nɛɛ zɔɔ ɓɛɛ, ɓɔɔ ti ka vuu shaanang ɓɔɔ ri shaa ka nyaa zɔɔ ɓɛɛ, a ɓɔɔ ti ka Laa gaanang.

Zang Shonang Yeesɔ 2:46

Ri kpálɛ̀ zɔɔ ka Gãa Laa diki diki. A ri ti shaa vuu ɓarɛ ka nyaa zɔɔ ka gãa ɓarɛ. Ri shaa vuu shaanang, ri tãa tĩnang, ri ti ta zɔɔ nɛɛ yeti gbete.

Zang Shonang Yeesɔ 27:35

Kɔɔ tɔ nɔngkɔ, a tuu borodi, zãa Laa ka tĩng ɓarɛ nandon. A shalɛ borodi, a gaayu shaanang kati.