Luka 23:34 - Nyaa Shɔɔ Ɓɔɔ Laa a Ɓɛɛ

³⁴ A Yeesɔ kɔɔyi nɛɛ, “Daa mɛɛ, yaa ri gbalang vuu keɓe katɔ, ka ruu ɓɔɔ, ri zi vuu ɓɔɔ ri palɛ kpang ɓee.” Ri sháa laa ka naa ɓɔɔ ri basɛ rɛɛ fɔ̃ɔrɔ ɓiɓɛ ɓɛɛ.

Luka 23:34 ပူးပေါင်းရင်းမြစ်များ

Matiyu 11:25

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.

Matiyu 11:26

Nɔngkɔ Dada, mɔɔ pálɛ̀ vuu keɓe, ka ruu ɓɔɔ, mɔɔ kasɛ nɔngkɔ ɓɛɛ.”

Matiyu 5:44

A n kɔɔ nɔɔ, nɔɔ kàsɛ̀ ruu zang ɓɔɔ nɔɔ shing jĩng nɛɛ zɔɔ kpang katɔ. Nɔɔ ti gaa Kpanti Laa ka ruu zang ɓɔɔ ri dang nɔɔ jĩng ɓɛɛ,

Maraku 15:24

A ri ɓaa wu naa ka laa. Ri shaa laa nɛɛ ri zi naa ɓɔɔ ri basɛ fɔ̃ɔrɔ ɓiɓɛ nɛɛ mani ɓɛɛ. A ri basɛ fɔ̃ɔrɔ ɓiɓɛ ka nɔng ka naa ɓarɛ.

Luka 22:42

“Daa mɛɛ, mɔɔ nɛɛ kasɛ tɔ, kɔsɔ m jĩng dannang keɓe jong. Palɛ vuu ɓɔɔ mɔɔ kasɛ ɓɛɛ, wu vuu ɓɔɔ n kasɛ ɓɛɛ kpang.”

Yɔhana 17:9

“N gaa mɔɔ ka ruu ɓarɛ kɔ. N gaa mɔɔ wu ka ruu zang koo kpang. N gaa mɔɔ m ka ruu zang ɓɔɔ mɔɔ a m ri ɓɛɛ. Ka ruu ɓɔɔ, ri ɓarɛ ɓɔɔ ɓaaɓɛ ɓɛɛ.

Yɔhana 19:11

Yeesɔ kasɛ wu nyaa tɔɔ, “Mɔɔ nɛ̀ɛ́ zunung ɓɔɔ mɔɔ pàlɛ́ m vuu ɓɔɔ kpang, naa Laa nɛ̀ɛ́ a mɔɔ naa kpang ɓɛɛ. Ka ruu nɔngkɔ, vuu shi kpang zang ɓɔɔ ri a mɔɔ n ka naa kɔ, ɓa ɓɔɔ ɓaaɓɛ.”

Zang Shonang Yeesɔ 16:28

A Bulu mɛɛ nyaa ka lapa nabm tɔɔ, “Mɔ́ɔ lasɛ yuu ɓaaɓɛ kpang, ruu doo ka nɔng nandon.”

Zang Shonang Yeesɔ 3:17

“Rɛɛ manzung, n zi tɔ, vuu ɓɔɔ nɔɔ nɛɛ rɛɛ zang bang manɛ, nɔɔ pálɛ́ Yeesɔ, wu nɛɛ gbã́a kpang.

Zang Shonang Yeesɔ 7:60

A tang nɛɛ gutu, mɛɛ nyaa ka lapa tɔɔ, “Kpanti, mɔɔ yiti vuu shi kpang kɔ ri palɛ ɓee ka yeti ɓaaɓɛ kpang.” Kɔɔ vuu keɓe tɔ a vɔ kati.

Rooma 12:14

Gàa Laa, wu palɛ zang ɓɔɔ ri dang nɔɔ jĩng tɔ̃ɔ. Gàa wu, wu palɛ ri tɔ̃ɔ, nɔɔ gàa wu, wu ku ri nyaa ka bii kpang.

1 Koranti 2:8

Zang ɓɔɔ kagn gbete, ka teteng zang ɓɔɔ ri roo kpanti ka koo keɓe ɓɔɔ zi zũnang keɓe kagn ɓɛɛ kpang. Naa ri nɛɛ zi katɔ, ri nɛɛ ɓáa Kpanti Yeesɔ Kirisi ɓɔɔ wukɔ ɓa zang bannang piti, naa ka laa kpang.

1 Koranti 4:12

Ruu palɛ shonang nɛɛ naa ɓuru gbãng gbãng. Zang nɛɛ dãlɛ ruu, ruu gaa ri Laa nɛɛ, Laa wu palɛ ri tɔ̃ɔ. Zang dang ruu jĩng a ruu mã danggn.

1 Timoti 1:13

Ka tĩng, n rang yee shi kpang ka yuu ɓiɓɛ, n dang zang ɓiɓɛ jĩng, a n ti palɛ ri nɛɛ ɓangge, a zɔ̃ng m doo nɛɛ mani. A gn mɛɛ kɔng Laa, ka ruu ɓɔɔ bɛ̀ɛ́ n zi vuu ɓɔɔ n palɛ ɓɛɛ kpang. Bɛ̀ɛ́ n ti shing danggn gn kpang ɓɛɛ,

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.