Luka 22:43 - Nyaa Shɔɔ Ɓɔɔ Laa a Ɓɛɛ

⁴³ Zang nyaa shonang Laa ɓɔɔ ka lapa ɓɛɛ, a ka bii ɓiɓɛ, a mã wu danggn kati.

Luka 22:43 ပူးပေါင်းရင်းမြစ်များ

Matiyu 26:53

Mɔɔ zi kpang nɛɛ naa n gàa Daa mɛɛ, shong m zang nyaa shonang ɓiɓɛ ɓɔɔ ri ka lapa ɓɔɔ ɓa tìng kopi tu ziti katɔ tantɛnang kpang ya?

Matiyu 4:11

A Sheetang daayi, yaa Yeesɔ kati. Zang nyaa shonang Kpanti Laa ɓɔɔ ka lapa ri arɛ, ri naa a wu vuu ɓɔɔ wu kasɛ ɓɛɛ.

Matiyu 4:6

A kɔɔ wu tɔɔ, “Mɔkɔ nɛɛ Jaa Kpanti Laa, shɛ̃ɛ ta ka tipi, ka ruu ɓɔɔ, ruu Kpanti Laa kɔɔyi tɔɔ, “Laa kɔɔ zang nyaa shonang ɓiɓɛ ɓɔɔ ka lapa ruu ka yuu ɓaaɓɛ, ri naa ta mɔɔ ka naa ɓarɛ ka gbalang, ka ruu ɓɔɔ, mɔɔ nɛɛ nyɔ doo ɓaaɓɛ ka tari ɓɛɛ.”

Luka 22:32

Siman, n gàa mɔɔ Laa tɔ, ka ruu ɓɔɔ, mɔɔ nɛ̀ɛ́ yaa danggn shinnang ka n ɓɛɛ. Mɔɔ nɛɛ a tɔ ka bii mɛɛ tɔkn, mɔ́ɔ yi rɛɛ ɓaazung ɓɔɔ nɔɔ mantɛ vuu nɛɛ ri ka bìí mɛɛ ɓɛɛ naa ka bii, ri shing danggn waasɛ̃.”

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Zang Shonang Yeesɔ 18:23

Nwang tɔ ka nɔngkɔ, diki bee tɔ tɔkɔlɔng a yaa nɔng kaɓa, daa ka rɛɛ tipi Galati nɛɛ tipi Fijiya, dàa mã rɛɛ zang ɓɔɔ ri dũng Laa danggn.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Yahudi 1:14

Ka ruu nɔngkɔ zang nyaa shonang Laa ɓɔɔ ri ka lapa, ri ɓarɛ zang ɓɔɔ ri pàlɛ́ Laa shonang ɓɛɛ waati. Laa shong ri, nɛɛ ri yi rɛɛ zang ɓɔɔ wu naa ta yuu ɓarɛ naa ka bii.

Yahudi 1:6

A kɔɔ tɔkn, ka ɓɔɔ Laa nwangsɛ jamari ɓiɓɛ ka koo, kɔɔyi tɔɔ, “Zang nyaa shonang Laa ɓɔɔ ri ka lapa nandon ri bang wu ta.”

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.