Luka 22:42 - Nyaa Shɔɔ Ɓɔɔ Laa a Ɓɛɛ

⁴² “Daa mɛɛ, mɔɔ nɛɛ kasɛ tɔ, kɔsɔ m jĩng dannang keɓe jong. Palɛ vuu ɓɔɔ mɔɔ kasɛ ɓɛɛ, wu vuu ɓɔɔ n kasɛ ɓɛɛ kpang.”

Luka 22:42 ပူးပေါင်းရင်းမြစ်များ

Matiyu 11:25

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.

Matiyu 11:26

Nɔngkɔ Dada, mɔɔ pálɛ̀ vuu keɓe, ka ruu ɓɔɔ, mɔɔ kasɛ nɔngkɔ ɓɛɛ.”

Matiyu 20:22

A Yeesɔ kɔɔ rɛɛ Yakubu nɛɛ Yɔhana tɔɔ, “Nɔɔ zi vuu ɓɔɔ nɔɔ gaa kpang. Nɔɔ naa zunung jĩng dannang katɔ jong naa ɓɔɔ n naa dang ɓɛɛ ya?” A ri kasɛ Yeesɔ nyaa tɔɔ, “Ruu zunung katɔ.”

Matiyu 26:39

Yeesɔ daa tɔ ka tĩng tɔkɔlɔng, a zuu kaa nɛɛ buru ka tipi, a gaa Kpanti Laa tɔɔ, “Daa mɛɛ, gbalang nɛɛ kagn, kɔsɔ m jĩng dannang keɓe katɔ. Palɛ vuu ɓɔɔ yeti ɓaaɓɛ kasɛ ɓɛɛ, wu vuu ɓɔɔ yeti mɛɛ kasɛ ɓɛɛ kpang.”

Matiyu 26:42

A Yeesɔ ti paarɛ tɔkn, daa gaa Kpanti Laa tɔɔ, “Daa mɛɛ, mɔɔ nɛɛ tɔɔ jĩng dannang keɓe wu ɓa kpang, n dàng katɔ, wu ti nwang naa ɓɔɔ mɔɔ kasɛ ɓɛɛ.”

Matiyu 26:44

Yeesɔ ti yaa ri, daa nɔng Laa gaanang daa kaa doo taati. Ti daa paasɛ doo nyaa gbete ɓɔɔ wu kɔɔ tĩng shɔɔnang kɔ.

Matiyu 6:10

Zang ri zirɛ, nɛɛ mɔkɔ kpanti. Zang ti palɛ vuu ɓɔɔ mɔɔ kasɛ ka koo keɓe, naa ɓɔɔ zang palɛ ka lapa ɓɛɛ.

Maraku 14:36

A gaa Laa tɔɔ, “Daa mɛɛ, vuu ɓɔɔ kpãa mɔɔ ɓaa kagn gbete kpang. Kɔsɔ m jĩng dannang keɓe katɔ. Wu vuu ɓɔɔ yeti mɛɛ kasɛ ɓɛɛ kpang, palɛ ɓaa vuu ɓɔɔ yeti ɓaaɓɛ kasɛ ɓɛɛ.”

Luka 23:34

A Yeesɔ kɔɔyi nɛɛ, “Daa mɛɛ, yaa ri gbalang vuu keɓe katɔ, ka ruu ɓɔɔ, ri zi vuu ɓɔɔ ri palɛ kpang ɓee.” Ri sháa laa ka naa ɓɔɔ ri basɛ rɛɛ fɔ̃ɔrɔ ɓiɓɛ ɓɛɛ.

Yɔhana 18:11

Yeesɔ kɔɔ Bituru nɛɛ, “Hãa yere bang ɓaaɓɛ ta ka kpãa ka nɔng, mɔɔ kɔ̀ɔ ɓu nɛɛ n tà jĩng dannang ɓɔɔ Daa mɛɛ nɛɛ n dàng ɓɛɛ kpang ya?”

Yɔhana 4:34

Yeesɔ kɔɔ ri tɔɔ, “Vuu shaanang mɛɛ ɓi palɛnang vuu ɓɔɔ zang ɓɔɔ shong m kasɛ ɓɛɛ, ń ti hangsɛ shonang ɓɔɔ wu a m ɓɛɛ.

Yɔhana 5:30

“N palɛ vuu ɓɔɔ jong nɛɛ yuu mɛɛ kpang. N jɛ̃ɛ zang ruu m naa ɓɔɔ Laa kɔɔ m ɓɛɛ. N ti shɛ̃ɛrɛ zang m ka ɓɔɔ n jɛ̃ɛ zang ruu kpang, ka ruu ɓɔɔ n pálɛ̀ m vuu ɓɔɔ n kasɛ kpang ɓɛɛ. N palɛ m vuu ɓɔɔ zang ɓɔɔ shong m kasɛ ɓɛɛ.

Yɔhana 6:38

Ka ruu ɓɔɔ, n a nɛɛ lapa, nɛɛ n naa palɛ vuu ɓɔɔ zang ɓɔɔ shong m kasɛ ɓɛɛ kɔ, wu vuu ɓɔɔ yeti mɛɛ kasɛ ɓɛɛ kpang.

Zang Shonang Yeesɔ 21:14

Ta yee ɓuru kpang, ka ruu nɔngkɔ, ruu yaa wu. Ruu kɔɔ ɓuru kati nɛɛ, “Laa wu palɛ vuu ɓɔɔ yeti ɓiɓɛ kasɛ ɓɛɛ.”