Luka 22:19 - Nyaa Shɔɔ Ɓɔɔ Laa a Ɓɛɛ

¹⁹ A tuu borodi zãa Laa, a sharɛ, a á ri, kɔɔ ri tɔɔ, “Wee bii mɛɛ ɓɔɔ n a zang, zang nyɔ vɔrɔ ka ruu manɛ ɓɛɛ kɔ. Nɔɔ palɛ vuu keɓe diki diki nɔɔ kpaa danggn mɛɛ kaa nɛɛ mani.”

Luka 22:19 ပူးပေါင်းရင်းမြစ်များ

Matiyu 14:19

A kɔɔ zang ɓɔɔ ri kpalɛ zɔɔ nɛɛ ri nwang ta ka yuu wisi. A see borodi maani nɛɛ jaazĩi ziti kaɓa, a tuu jĩng ka lapa. Zãa kpanti Laa, a shalɛ, basɛ zang ɓɔɔ ri mantɛ vuu ka bii ɓiɓɛ, a ri alɛ zang nimbang kati.

Matiyu 15:36

A tuu borodi manziti kaɓa nɛɛ jaazĩi, a zãa Kpanti Laa. Shalɛ, a basɛ zang ɓɔɔ ri mantɛ vuu ka bii ɓiɓɛ, nɛɛ ri alɛ zang nimbang ta.

Luka 22:17

A tuu juwa, zãa Laa, a kɔɔ ri nɛɛ, “Nɔɔ ta juwa keɓe ta, nɔɔ ɓooro nɛɛ zɔɔ.

Luka 22:20

Ɓɔɔ ri hangsɛ vuu shaanang, a tuu juwa ɓɔɔ mii inabi kagn naa ɓaasi ɓɛɛ tɔɔ, “Juwa keɓe, ɓi nyaa shɔɔ ɓɔɔ Laa a ɓɛɛ. Ɓi zĩi mɛɛ ɓɔɔ n naa tɛ̃ɛyi kɔ naa hansɛ nyaa shɔɔ keɓe.

Luka 24:30

Nwangnɛ nɛɛ wu shaa kaa vuu shaanang nɛɛ ri. Tuu borodi a gaa Laa, sharɛ a á ri.

Yɔhana 6:23

A tonsi ɓɔɔ ri alɛ nɛɛ Tiberiya ri naa shiiri ka nyaa rang, naabm nɛɛ nɔng ɓɔɔ zang dɔɔli ri shaa borodi ɓɔɔ Yeesɔ zãa Laa a ri ɓɛɛ.

Yɔhana 6:51

Nkɔ borodi ɓɔɔ a zang suru bii, ɓɔɔ n a nɛɛ lapa ɓɛɛ. Naa zang ɓɔɔ shaa borodi keɓe, nwáng ningkãari dòndòng. Ɓi bii mɛɛ kɔ borodi keɓe, ɓɔɔ n naa mãlɛ́, tɔ̀ɔ, zang koo ri walɛ suru bii ɓɛɛ.”

1 Koranti 10:16

Ka laa ɓɔɔ ruu nandon ruu shaa vuu shaanang ɓɔɔ ruu kpaa danggn Kpanti Yeesɔ kagn ɓɛɛ. Ruu zã̀a Laa ka yuu juwa. Naa ruu ɓooyi ruu ɓakɛ zɔɔ nɛɛ Kirisi ka zĩi ɓiɓɛ. Ruu nɛɛ sha borodi tɔ, ruu shaayi ruu ɓakɛ zɔɔ nɛɛ Kirisi nɛɛ bii ɓiɓɛ.

1 Koranti 10:4

Ri nandon ri ɓooro mii ɓɔɔ Laa a ri ɓɛɛ. Mii ɓɔɔ ri ɓoo ɓɛɛ, nwang nɛɛ yeti tari ɓɔɔ daarɛ nɛɛ ri ka ɓɔɔ ri rakɛ ka jĩngti ɓɛɛ. Tari kaɓa wukɔ Yeesɔ Kirisi nɛɛ yuu ɓiɓɛ.

Galati 1:4

Yeesɔ a zang yuu ɓiɓɛ, nɛɛ tɔ̀ɔ, wu ta yuu ɓuru ɓɔɔ ruu zang shi kpang ɓɛɛ. Wu ti ta ruu nɛɛ gbalang vuu shi kpang ɓɔɔ shɔnzang rɛ̃rɛ a ti palɛ ɓɛɛ. Vuu keɓe nwang nɔngkɔ, ka ruu ɓɔɔ, Daa ɓuru Laa kasɛ nɔngkɔ ɓɛɛ.

Galati 4:25

Zang gãsɛ Hajaratu ɓi nɛɛ kɔpɔ Sinayi ɓɔɔ ka tipi Arabiya ɓɛɛ. Gari Urushalima kãntang keɓe nwang ɓi kaa doo naa Hajaratu kɔ, zang yi wu tɔ jaafoo nɛɛ zang ɓɔɔ ka yeti ɓiɓɛ piti.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

1 Tesalonika 5:18

Naa doo viya pálɛ̀ mɔɔ, zãa Laa katɔ. Wee naa ɓɔɔ Laa kasɛ nɛɛ nɔɔ nwangnɛ, ɓɔɔ nɔɔ ɓakɛ zɔɔ tɔ nɛɛ Yeesɔ Kirisi ɓɛɛ kɔ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.