Luka 21:8 - Nyaa Shɔɔ Ɓɔɔ Laa a Ɓɛɛ

⁸ A kɔɔ ri tɔɔ, “Nɔɔ gãng jĩng waasɛ̃ zang ɓɔɔ nɛɛ nwãarɛ nɔɔ. Zang dɔɔli a ditɔ nɛɛ nung mɛɛ, ri naa kɔɔyi nɛɛ rikɔ zang ɓɔɔ naa a ɓɛɛ. A ri ti kɔɔ nɛɛ diki a naabm tɔ. Nɔɔ dũ̀ng ri kpang.

Luka 21:8 ပူးပေါင်းရင်းမြစ်များ

Matiyu 24:11

Zang ɓɔɔ ri suu sèé nɛɛ ri zang nyaa shonang Laa, ri naa arɛ ri nwãarɛ zang dɔɔli.

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 4:17

A Yeesɔ gaa tɔɔsung yee Laa rannang ka diki kaɓa kɔ. Kɔɔyi tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, diki ɓɔɔ Laa roo kpanti kagn a naabm tɔ ɓɛɛ.”

Luka 17:23

Zang ti naa nwãarɛ nɔɔ ditɔ nɛɛ, ‘Jaa Shɔnzang ka kaaɓa a ɓɔɔ nɛɛ Jaa Shɔnzang keɓe.’ Nɔɔ daa kpang. Nɔɔ dũng knti ɓarɛ kpang.

Luka 21:7

A ri hɛ̃ɛ wu nɛɛ, “Maalang, zang naa palɛ vuu keɓe gn vi nɔngkɔ viya? Ɓu vi naa tusu ruu nɛɛ diki ɓɔɔ vuu keɓe naa palɛ kagn a tɔ viya?”

Luka 21:9

Nɔɔ nɛɛ tãayi zang nɛɛ kɔɔrɔ nɛɛ zang takɛ sĩiri, nɛɛ zang ti palɛ nyaa, nɔɔ kaa vɔrɔ kpang. Vuu keɓe kɔ ri gaayu shɔɔnang. Nɔɔ tɔɔ kpang nɛɛ, diki ɓɔɔ koo waa nyaa a tɔ naabm kpang.”

Yɔhana 5:43

N a m nɛɛ nung Daa mɛɛ, a nɔɔ ta m kpang. Naa zang ɓɔɔ à anang yuu ɓiɓɛ nɔɔ ta wu katɔ.

Yɔhana 8:24

Ka ruu nɔngkɔ, n kɔ̀ɔ́ nɔɔ nɛɛ nɔɔ vɔ nɛɛ vuu shi kpang manɛ ning. Nɔɔ nɛɛ shing danggn nɛɛ nkɔ zang ɓɔɔ n tɔɔ, nkɔ wukɔ kpang, nɔɔ naa vɔ nɛɛ vuu shi kpang manɛ.”

Yɔhana 8:28

Ka ruu nɔngkɔ, kɔɔ ri nɛɛ, “Nɔɔ nɛɛ wisi m, ɓɔɔ n Jaa Shɔnzang tɔ ka yuu laa, nɔ́ɔ naa zi kati nɛɛ nkɔ wukɔ. Tɔ̀ɔ, nɔ́ɔ zi kati nɛɛ n palɛ vuu gbete nɛɛ kaka yuu mɛɛ kpang. N kɔɔ m vuu ɓɔɔ Daa kpɛ̃ɛrɛ m nɛɛ n kɔ̀ɔ ɓɛɛ.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

2 Tesalonika 2:3

Nɔɔ yaa zang ɓɔɔ wu nwãarɛ nɔɔ ka gbalang ɓɔɔ kpang. Zang dɔɔli ri nɛɛ raa Laa yuu knti tɔ naa ɓɔɔ zang kɔɔ ɓɛɛ a yɔɔ ɓɔɔ dũ̀ng nyaa dannang ɓi kpang nɛɛ nwang nyaa tɔ, ɓɔɔ Laa naa ningsi wu ɓi ka waa ɓɛɛ, tɔ̀ɔ, Diki Kpanti ɓuru wu a kati.

2 Timoti 3:13

A zang ɓɔɔ ri palɛ vuu shi kpang nɛɛ zang ɓɔɔ, ri tuu waa nyaating zang ɓɔɔ ri palɛ vuu nɛɛ mani ɓɛɛ, ri shaarɛ katɔ, shaarɛnang ɓarɛ daa nɛɛ tĩng kɔ jong. Ri nwãarɛ zang, zang ti nwãarɛ ri.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

2 Yɔhana 1:7

Zang ɓɔɔ ri nwãarɛ zang, ri baa koolaa tɔ dɔɔli. Ri kɔɔrɔ zang nɛɛ Yeesɔ Kirisi ɓɔɔ a ka koo keɓe, tuu ɓi bii shɔnzang kpang. Zang ɓɔɔ kɔɔrɔ zang naa weɓe, wukɔ zang ɓɔɔ nwãarɛ zang ɓɛɛ, wukɔ ti zang ɓɔɔ shing jĩng nɛɛ Yeesɔ kpang ɓɛɛ.

Vuu ɓɔɔ zang nwangsɛ Yɔhana 1:3

Tĩnang tãanang ɓi ɓɔɔ zang ɓɔɔ gã ruu kɔ Laa nwángsɛ̀ ɓee. Tĩnang tãanang ɓi ti ɓɔɔ zang piti, ɓɔɔ ri tã̀a ruu keɓe, a ri dũng vuu ɓɔɔ zang bee kagn ɓɛɛ. Ka ruu ɓɔɔ, làa ɓɔɔ vuu keɓe naa palɛ a naabm tɔ ɓɛɛ.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.