Luka 21:37 - Nyaa Shɔɔ Ɓɔɔ Laa a Ɓɛɛ

³⁷ Nɛɛ nɔng laagɛ̃, Yeesɔ tusu zang vuu ka Gãa Laa, nɔng zĩi nɛɛ a tɔ, wu yaa yeti gari, wu daa kaa kɔpɔ ɓɔɔ zang ɓaa nɛɛ Zeetung ɓɛɛ, wu daa roo ka nɔngkɔ.

Luka 21:37 ပူးပေါင်းရင်းမြစ်များ

Matiyu 21:1

Ri a tɔ nɛɛ Urushalima naabm, a ri naa a ka Bɛtafaji ɓɔɔ ka doo Kɔpɔ Zeetung ɓɛɛ. A Yeesɔ ɓaa nyaa ka zang ziti ka teteng zang ɓɔɔ ri mantɛ vuu ka bii ɓiɓɛ, shong ri ka tĩng.

Matiyu 21:17

A Yeesɔ yaa ri, nwang kaa nɛɛ yeti gari, daa roo ka Bɛtani.

Matiyu 26:30

A ri naa gaa soo, ri daa kaa Kɔpɔ Zeetung.

Matiyu 26:55

A Yeesɔ raa jĩng, hɛ̃ɛ zang ɓɔɔ ri a wu yinang tɔɔ, “Nɔɔ see yere bang nɛɛ labasaa ka naa gaagaa, nɛɛ nɔɔ naa yi ɓu nkɔ naa zang shɔngɓɔ ya? N nwalɛ ka yeti Gãa Laa kɔ diki diki, n tusu zang vuu, nɔɔ yi m kpang.

Maraku 11:12

Nɔng naa gãntɛ tɔ, ri a kana nɛɛ Bɛtani, a nyɔkɔ nyɔ Yeesɔ kati.

Maraku 11:19

Laa naa hãa nyaa tɔ, Yeesɔ nɛɛ zang ɓɔɔ ri mantɛ vuu ka bii ɓiɓɛ, ri nwangkɛ ka nɛɛ yeti gari.

Maraku 14:49

N nwalɛ nɛɛ nɔɔ ka yeti Gãa Laa kɔ diki diki, n tusu zang vuu, nɔɔ yi m kpang. Vuu kɔ zang palɛ m ɓee, ɓèe ɓi nyaa vuu ɓɔɔ rɛɛ zang nyaa shonang Laa, ri bée ka yeti labeenang Laa ka tĩng tɛ̃ɛ tɛ̃ɛ ɓɛɛ.”

Luka 19:29

Yaa gari Bɛtafaji nɛɛ Bɛtani, ɓɔɔ ri ka kɔpɔ ɓɔɔ zang ɓaa nɛɛ Zeetung, kaa naabm, a shong zang ɓɔɔ ri mantɛ vuu ka bii ɓiɓɛ ziti.

Luka 19:37

Yeesɔ a tɔ naabm nɛɛ Urushalima, ka nɔng ɓɔɔ gbalang sòo nyaa nɛɛ Kɔpɔ Zeetung ɓɛɛ, zang ɓɔɔ ri dũng wu nandon ri gaa tɔɔsung Laa dɔ̀ɔnang. Ri tãa tĩnang, ri ti shii nyaa ka lapa gaagaa, ka ruu vuu ɓɔɔ zang zirɛ zang mã naa ka danggn ɓɔɔ ri zi nɛɛ jĩng ɓarɛ ɓɛɛ.

Luka 19:47

Tusu zang vuu kaa nɔngkɔ diki, diki. A rɛɛ kpanti zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu ɓɔɔ ri zi labeenang Laa dɔɔli, nɛɛ rɛɛ zang bang bang zang gari, ri kasɛ nɛɛ ri nyɔ wu vɔrɔ katɔ.

Luka 22:39

A nwang nɛɛ yeti gari daa ka yuu kɔpɔ ɓɔɔ zang ɓaa nɛɛ Zeetung naa ɓɔɔ wu daarɛ diki diki ɓɛɛ. Zang ɓɔɔ ri mantɛ vuu ka bii ɓiɓɛ, ri dũng wu ka knti.

Yɔhana 12:1

Diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa mangbete, a Yeesɔ daa ka Bɛtani. Daa ka gãa Liyazaru, yɔɔ ɓɔɔ wu wisi paa nɛɛ saa ɓɛɛ.

Yɔhana 18:2

Yahuda ɓɔɔ naa nyɔ yuu Yeesɔ zi nɔng tɔ jong, ka ruu ɓɔɔ, Yeesɔ ri kpalɛ zɔɔ ka nɔngkɔ nɛɛ, zang ɓɔɔ ri mantɛ vuu ka bii ɓiɓɛ diki diki ɓɛɛ.

Zang Shonang Yeesɔ 1:12

A zang shonang Yeesɔ naa yaa Kɔpɔ Zeetung, ri gbãayu ka gari Urushalima. Kɔpɔ Zeetung bìí nɛɛ gari Urushalima daa mɛli gbete kpang.