Luka 21:36 - Nyaa Shɔɔ Ɓɔɔ Laa a Ɓɛɛ

³⁶ Nɔɔ gãng jĩng kagn, nɔɔ gaa Laa diki diki, tɔ̀ɔ, nɔɔ walɛ kaka ɓɔɔ nɔɔ mã danggn jĩng dannang ɓɔɔ a ɓɛɛ. Tɔ̀ɔ, nɔɔ naa shii ka tĩng mɛɛ, ɓɔɔ n Jaa Shɔnzang ɓɛɛ.”

Luka 21:36 ပူးပေါင်းရင်းမြစ်များ

Matiyu 24:42

“Ka ruu nɔngkɔ, nɔɔ gãng jĩng kagn, ka ruu ɓɔɔ, nɔɔ zi diki ɓɔɔ Kpanti manɛ a kagn kpang ɓɛɛ.

Matiyu 24:43

Nɔɔ zi tɔ nɛɛ, naa zang gãa nɛ̀ɛ́ tãa nyaa diki ɓɔɔ shɔngɓɔ a vuu ɓɔɔnang kagn tɔ, nɛ̀ɛ́ gãng jĩng ka gãa ɓiɓɛ tɔ̃ɔ tɔ̃ɔ, ka ruu ɓɔɔ Shɔngɓɔ nɛ̀ɛ́ naa shɛ̃ɛ ka gãa ɓiɓɛ see wu vuu ɓɛɛ.

Matiyu 24:44

Ka ruu nɔngkɔ, nɔɔ gãng jĩng kagn, ka ruu ɓɔɔ, Jaa Shɔnzang a ka làa ɓɔɔ nɔɔ shing danggn manɛ kpang ɓɛɛ.

Matiyu 25:13

A Yeesɔ hangsɛ nyaa tɔɔ, “Nɔɔ shing danggn kagn, ka ruu ɓɔɔ nɔɔ zi diki nɛɛ laa ɓɔɔ n gbãayu kpang ɓɛɛ.”

Matiyu 26:41

Nɔɔ gãng jĩng kagn, nɔɔ ti gaa Kpanti Laa, ka ruu ɓɔɔ Sheetang nɛ̀ɛ́ nwãarɛ nɔɔ ɓɛɛ. Suru bii manɛ kasɛ ɓi katɔ, a bii manɛ kɔ lakɛ ɓi kaa takpang.”

Matiyu 8:20

Yeesɔ kɔɔ wu tɔɔ, “Yeng roonang yaka jĩngti kagn, a saara jaaning ti kagn, a nɔng ɓɔɔ naa Jaa Shɔnzang shing yuu ɓiɓɛ kagn, ɓi kaa tɔ̀ɔ́ kagn kpang.”

Maraku 13:33

Nɔɔ palɛ tɔ̃ɔ, nɔɔ gãng jĩng kagn. Ka ruu ɓɔɔ, nɔɔ zi diki kaɓa kpang ɓɛɛ.

Maraku 13:37

Vuu kɔ n kɔɔ ɓee, n kɔɔ zang piti. Nɔɔ shing jĩng kagn tɔ̃ɔ.”

Luka 1:19

A zang nyaa shonang Laa ɓɔɔ ka lapa kasɛ wu nyaa tɔɔ, “Nkɔ Jibirilu ɓɔɔ shíi ka tĩng Laa ɓɛɛ. Laa shong m nɛɛ n naa rang yee nɛɛ mɔɔ, nɛɛ n kɔɔ mɔɔ ruu tɔ̃ɔ keɓe.

Luka 18:1

A Yeesɔ rang zang ɓɔɔ ri mantɛ vuu ka bii ɓiɓɛ, nyaa vuu jeenang keɓe, nɛɛ tɔ̀ɔ wu tusu ri kati nɛɛ ri gaa Laa diki diki, ri yaa gn naa kpang.

Luka 20:35

A rɛɛ zang ɓɔɔ Laa zirɛ nɛɛ ri daa naa ɓɔɔ wu wisi ri paa katɔ, ri daa nɔng ɓɔɔ wu roo kpanti ɓɛɛ, ri gee soro ɓarɛ jong kpang. Zang ti a wujɛ soro jong, zang gee ri kpang.

Luka 21:35

Diki kaɓa naa a ka yuu zang ɓɔɔ ri nwang ka koo keɓe nandon.

Zang Shonang Yeesɔ 10:2

Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

1 Koranti 16:13

Nɔɔ gãng jĩng waasɛ̃. Nɔɔ shii nɛɛ kaka ka danggn ɓɔɔ nɔɔ shing ɓɛɛ. Nɔ́ɔ yaa gn naa kpang, nɔɔ lakɛ yuu kagn.

2 Koranti 4:14

Ruu zi tɔ, Laa ɓɔɔ wisi Kpanti Yeesɔ paa nɛɛ saa naa wisi ruu paa ditɔ jong naa ɓɔɔ wu wisi Yeesɔ ɓɛɛ. Wu tuu ruu nɛɛ nɔɔ dɔ̃ɔ gbete, wu daa nɛɛ ruu ka ting Yeesɔ.

Kolosi 4:2

Nɔɔ gaa Laa diki diki, nɔɔ gãng jĩng waasɛ̃, nɔɔ ti zãa wu.

1 Tesalonika 5:17

Nɔɔ gaa Laa, nɔ́ɔ suu diki kpang.

2 Timoti 4:5

Ɓɔɔ ɓaaɓɛ, yiti yuu ɓaaɓɛ waasɛ̃ diki diki, mɔɔ nɛɛ dang jĩng, mã danggn, palɛ ɓaa shonang ɓɔɔ mɔɔ zang ɓɔɔ kɔɔrɔ zang Ruu Tɔ̃ɔ Laa mɔɔ nɛ̀ɛ́ pálɛ̀ ɓɛɛ. Pálɛ́ shonang ɓaaɓɛ nandon naa zang shonang Laa.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.

1 Yɔhana 2:28

Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 11:4

Zang ziti ɓɔɔ ri kɔɔ ruu ɓiɓɛ keɓe, rikɔ laa zeetung ziti nɛɛ waa zàáng sɔɔ ziti ɓɔɔ ka tĩng Laa ɓɔɔ wukɔ kpanti koo piti ɓɛɛ.

Vuu ɓɔɔ zang nwangsɛ Yɔhana 6:17

Ka ruu ɓɔɔ, laa ɓɔɔ gnvɔ ɓarɛ tusu bii kagn, a tɔ ɓɛɛ. Wi zunung ɓɔɔ wu shii ka tĩng ɓarɛ wiya?”

Vuu ɓɔɔ zang nwangsɛ Yɔhana 7:9

Ka knti vuu keɓe, n shing jĩng, a n zirɛ zang ri kpalɛ yuu zingkãng zingkãng, daa naa gãnang kpang. Ri nwangnɛ teteng zɔ̃ng zang piti, nɛɛ nɔng piti ka koo keɓe, a ɓɔɔ nyaa ɓɔɔ ka koo piti. Ri shiiri ka tĩng laa nwannang kpanti ka nɔng ɓɔɔ Jaa Mɛ̀ɛrɛ́ kagn ɓɛɛ. Ri hã̀lɛ̀ fɔ̃ɔrɔ puru, a ri ti yiti nasãng laa nung manja ka naa.

Vuu ɓɔɔ zang nwangsɛ Yɔhana 8:2

A n zi rɛɛ zang nyaa shonang Laa ɓɔɔ ri ka lapa ɓɛɛ ɓɔɔ manziti kaɓa, ɓɔɔ ri shiiri ka tĩng Laa ɓɛɛ, a zang, a zang ɓu gboo ka naa.