Luka 21:23 - Nyaa Shɔɔ Ɓɔɔ Laa a Ɓɛɛ

²³ Ka diki kaɓa, zang soro ɓɔɔ ri tuu jaa ka yeti nɛɛ ɓɔɔ ri jaa ka naa, ri nwang vuu gn kɔnang. Ka ruu ɓɔɔ, zang koo keɓe ri naa dang jĩng dɔɔli, a yeti ti naa lasɛ Laa nɛɛ ri dɔɔli ɓɛɛ.

Luka 21:23 ပူးပေါင်းရင်းမြစ်များ

Matiyu 21:16

A ri hɛ̃ɛ Yeesɔ tɔɔ, “Mɔɔ tãa vuu ɓɔɔ wujɛ keɓe, ri kɔɔ ɓu tɔ ya?” Yeesɔ kasɛ ri nyaa tɔɔ, “Nn, nɔɔ gã gngn ka yeti labeenang Laa kpang ya? Zang beeyi nɛɛ, “ ‘Laa kpɛ̃ɛrɛ wujɛ seseere naa ɓɔɔ ri dɔɔ wu tɔ̃ɔ tɔ̃ɔ ɓɛɛ.’ ”

Matiyu 21:41

Ri kasɛ Yeesɔ nyaa tɔɔ, “Yɔɔ jaa kaɓa, naa nyɔkɔ zang yeti shi kpang kaɓa vɔrɔ katɔ nandon, tɔ̀ɔ wu a zang ɓɔɔgn, ɓɔɔ naa alɛ wu jĩng laa ka diki ɓɔɔ zang hã jĩng laa inabi kagn ɓɛɛ.”

Matiyu 21:44

[Shɔnzang ɓɔɔ nɛɛ naa watɛ ka tari keɓe, bii ɓiɓɛ naa kaka ditɔ. Tari kɔ nɛɛ watɛ jong ka yuu shɔnzang, shɔnzang kaɓa nangkɛ náà zũng tapuru.]”

Matiyu 24:19

Vuu gn kɔnang kagn yuu zang soro ɓɔɔ jaa ka yeti nɛɛ ɓɔɔ jaa ka naa, ka diki kaɓa.

Maraku 13:17

Zang soro ɓɔɔ jaa ka yeti, nɛɛ ɓɔɔ jaa ka naa ka diki kaɓa, ri naa nwáng vuu gn kɔnang.

Luka 19:27

Ɓɔɔ zang kɔ ri shing jĩng nɛɛ n kpang, nɛɛ n roo kpanti ka yuu ɓarɛ kpang ɓee, nɔɔ atɛ ri ta ka tĩng mɛɛ, nɔɔ nyɔ ri vɔrɔ.”

Luka 19:43

Diki ɓɔɔ zang ɓɔɔ ri shing jĩng nɛɛ nɔɔ kpang, ri kiiri nɔɔ nyaa ka teteng a kana. Ri naa nɔ̀ɔ́ nɔɔ, ri a ka yuu manɛ nɛɛ nɔng piti piti.

Luka 23:29

Ka ruu ɓɔɔ, diki a kana ɓɔɔ zang naa kɔɔyi nɛɛ tĩnang tãanang ɓi ɓɔɔ zang soro ɓɔɔ ri shii katɔ, nɛɛ ɓɔɔ ri tuu jaa gngn kpang, nɛɛ ɓɔɔ jaa mãa míi ɓarɛ kpang ɓɛɛ.

1 Koranti 7:26

Ɓɔɔ n zi ka yeti mɛɛ, naa zang nwang waati zang gee soro kpang, wukɔ tɔ̃ɔ. N kɔɔ nɔngkɔ, ka ruu ɓɔɔ, diki a ka naa ɓɔɔ zang dang jĩng dɔɔli ɓɛɛ.

1 Tesalonika 2:16

Ri ti kãa naa ɓɔɔ ri zãa ruu gbalang ɓɔɔ ruu kɔɔ zang ɓɔɔ ri zang Isirela kpang ruu, ɓɔɔ naa ta yuu ɓarɛ katɔ ɓɛɛ. Vuu kɔ̀ ri palɛ ɓee, kɔ shingnɛ vuu shi kpang ɓɔɔ ri palɛ diki diki ɓɛɛ, ɓèe nyaa kaa kiiri. A kãntang yeti Laa lasɛ tɔ nɛɛ ri, jɛ̃ɛ ri ruu kaa tɔ.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

Yakubu 5:1

Zang ying nɔɔ ɓaa shoo nɔ́ɔ tãayi. Nɔɔ kaayi nɔ́ɔ ti ɓaa nyaavaa ka ruu jĩng dannang bang ɓɔɔ naa a ka yuu manɛ ɓɛɛ.

1 Bituru 4:17

Diki a tɔ, ɓɔɔ Laa dɔng zang ruu ɓɛɛ, gaayu dɔng zang ɓiɓɛ kɔ ruu shɔɔnang. Laa nɛɛ gaayu nɛɛ dɔng rukɔ ruu shɔɔnang, a naa hangsɛ nyaa ɓi kaa biya nɛɛ zang ɓɔɔ ri dũng Ruu Tɔ̃ɔ Laa kpang viya?