Luka 20:36 - Nyaa Shɔɔ Ɓɔɔ Laa a Ɓɛɛ

³⁶ Ri ti vɔ ɓarɛ takpang dòndòng, ka ruu ɓɔɔ, ri nwáng ɓarɛ kaa naa zang nyaa shonang Laa ɓɔɔ ka lapa ɓɛɛ. Ri ɓarɛ kaa wujɛ Laa, ka ruu ɓɔɔ, zang wisi ri paa tɔ nɛɛ saa ɓɛɛ.

Luka 20:36 ပူးပေါင်းရင်းမြစ်များ

Matiyu 22:30

Zang nɛɛ naa wisi zang paa tɔ nɛɛ sàa, zang shing soro ɓi takpang, zang ti naa a zang wujɛ soro ɓi takpang nɛɛ zang gee ri kpang. Zang naa nwalɛ ɓi kaa naa zang nyaa shonang Kpanti Laa ɓɔɔ ri ka lapa ɓɛɛ.

Maraku 12:25

Laa nɛɛ wisi zang paa tɔ nɛɛ saa, zang shing soro ɓi takpang. Zang ti naa a zang wujɛ soro ɓi takpang nɛɛ zang gee ri kpang. Zang naa nwalɛ ɓi ka naa zang nyaa shonang Kpanti Laa ɓɔɔ ka lapa ɓɛɛ.

Rooma 8:16

Suru Laa ɓakɛ zɔɔ nɛɛ suru bii ɓuru ri kɔɔyi nɛɛ, ruu wujɛ Laa.

1 Koranti 15:26

Vɔrɔ kɔ̀ vuu ɓɔɔ shing jĩng nɛɛ Kirisi kpang, ɓɔɔ Laa naa ningsi wukɔ doo knti.

1 Koranti 15:42

Bii zang ɓɔɔ yupaa nɛɛ sàa nwáng ɓi doo nɔngkɔ. Bii shɔnzang nwàng ɓi doo naa jĩng vuu kɔ. Ɓɔɔ zang gbã́a bii, pũng ɓi katɔ. Laa nɛɛ naa wisi wu paa nɛɛ sàa, bii ɓiɓɛ raa ɓi kaa vuu ɓɔɔ pũ̀ng takpang, ɓɛɛ.

1 Koranti 15:49

Ɓɔɔ kãntang keɓe, ruu nwàng naa zang ɓɔɔ Laa mãa wu nɛɛ tapuru ɓɛɛ. Lee ɓɔɔ ruu naa nwáng ditɔ naa zang ɓɔɔ a nɛɛ lapa ɓɛɛ.

Filipi 3:21

Nɛɛ a tɔ, naa palɛ shonang nɛɛ naa vuu palɛnang bang ɓiɓɛ ɓɔɔ shing zang piti ri palɛ vuu ka naa ɓɔɔ wu kasɛ ɓɛɛ. Naa kɔ̃̀sɔ́ bii ɓuru ɓɔɔ lakɛ naa ka bii kpang, ti vɔ katɔ keɓe, wu nwang kaa naa bii ɓiɓɛ ɓɔɔ bannang kagn ɓɛɛ.

Vuu ɓɔɔ zang nwangsɛ Yɔhana 20:6

Tĩnang ɓi ɓɔ̀ɔ́ zang ɓɔɔ ri yupaa jong ka paa yunang ɓɔɔ tĩng shɔɔnang keɓe. Ri ɓarɛ ti zang ɓɔɔ shi kpang ka bii ɓarɛ kpang ɓɛɛ. Vɔrɔ ɓɔɔ zang naa vɔ tɔkn, ɓɔɔ daa kaa doo ziti naa palɛ ri vuu ɓɔɔ ɓarɛ kpang. Ri naa nwang ɓarɛ kaa zang ɓɔɔ ri dɔɔ Laa nɛɛ Kirisi vuu, ka Gãa Laa ɓɛɛ. A ri naa roo kpanti nɛɛ wu, saa labang gbete.

Vuu ɓɔɔ zang nwangsɛ Yɔhana 21:4

Naa àlɛ́ ri miiri ɓɔɔ ka jĩng ɓarɛ ɓɛɛ. Zang naa vɔ̀lɔ̀ takpang. Zang ri zàa takpang, ri kaa nyavɔ takpang, ri ti tãa kɔnang takpang, ka ruu ɓɔɔ, vuu ɓɔɔ bɛ̀ɛ́ ri nwáng ka tĩng, ri tɛɛ tɔ ɓɛɛ.”

Vuu ɓɔɔ zang nwangsɛ Yɔhana 22:9

a kɔɔ m nɛɛ, “Mɔɔ palɛ vuu keɓe kpang tingkiring. Ruu ɓuru zang shonang Laa nɛɛ mɔɔ, naa rɛɛ ɓaazung ɓɔɔ ri zang nyaa shonang Laa ɓɛɛ, a ɓɔɔ zang kaɓa piti, ɓɔɔ ri dũng ruu ɓɔɔ zang bee ka labeenang keɓe ɓɛɛ. Bang ɓaa Laa.”