Luka 20:17 - Nyaa Shɔɔ Ɓɔɔ Laa a Ɓɛɛ

¹⁷ A pɛ̃ɛrɛ ri, a hɛ̃ɛ ri tɔɔ, “Ruu Laa keɓe kɔɔrɔ ɓu nɛɛ viya? Ruu Laa ɓɔɔ tɔɔ, “ ‘Tari ɓɔɔ zang ɓɔɔ mãa gãa ri bɛ̃ɛyi wukɔ naa raa tari ɓɔɔ yiti gãa ɓɛɛ kati.’

Luka 20:17 ပူးပေါင်းရင်းမြစ်များ

Matiyu 21:42

A Yeesɔ hɛ̃ɛ ri tɔɔ, “Nɔɔ gã̀ gngn ka yeti labeenang Kpanti Laa kpang ya? Laa kɔɔyi tɔɔ: “ ‘Tari ɓɔɔ zang gãa mãanang ri bɛ̃ɛyi, wukɔ ràa tari ɓɔɔ yiti gãa kati. Kpanti Laa kɔ palɛ veɓe. Ɓɔɔ ka jĩng ɓuru, ɓi kaa vuu ɓɔɔ ruu mã naa ka danggn ɓɛɛ.’

Maraku 10:23

A Yeesɔ raa jĩng pɛ̃ɛrɛ nɔng, a kɔɔ zang ɓɔɔ ri mantɛ vuu ka bii ɓiɓɛ tɔɔ, “Nɔng ɓɔɔ Laa roo Kpanti kagn naa kpãa zang ɓɔɔ vuu naa ɓarɛ kagn daanang ɓi dɔɔli.”

Maraku 12:10

A Yeesɔ ti hɛ̃ɛ ri tɔkn tɔɔ, “ ‘Nɔɔ gã yee keɓe gngn kpang ya? Laa kɔɔyi tɔɔ Tari ɓɔɔ zang jaka mãanang ri bɛ̃ɛyi, wukɔ naa ràa tari ɓɔɔ yiti jaka ɓɛɛ kati.

Maraku 3:5

Gnvɔ shaa Yeesɔ, a Yeesɔ shu ri jĩng kɔ shɛ̃ɛning ka bii, ka ruu yuu taarɛnang ɓarɛ. A raa jĩng kɔɔ yɔɔ ɓɔɔ naa ɓakɛ katɔ tɔɔ, “Dĩi naa ɓaaɓɛ ta.” A yɔɔ dĩi naa ɓiɓɛ, naa ɓiɓɛ nwang tɔ̃ɔ kaa tɔkn.

Luka 19:41

Yeesɔ a tɔ, yaa Urushalima kaa naabm, naa zi gari, a wɔsɔ miiri.

Luka 22:37

N kɔ̀ɔ́ nɔɔ, vuu ɓɔɔ labeenang kɔɔ nɛɛ, ‘A zang ɓakɛ wu nɛɛ zang ɓɔɔ ri ta nyaa dannang ɓɛɛ.’ Nwang ditɔ niizang ka yuu mɛɛ. Ka ruu ɓɔɔ, vuu ɓɔɔ zang kɔɔ ka yuu mɛɛ nwáng kana niizang ɓɛɛ.”

Luka 22:61

A Kpanti Yeesɔ raa jĩng pɛ̃ɛrɛ Bituru. A Bituru kpaa danggn yee Yeesɔ naa ɓɔɔ kɔɔ wu tɔɔ, “Ɓɔɔ kn ɓaa nyaa lɛ̀ɛ́kɔ nɛɛ zĩi, mɔɔ laa nyaa mɛɛ dakn taati.”

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Yɔhana 15:25

Vuu keɓe, ɓèe ɓi nyaa vuu ɓɔɔ zang bee ka labeenang nyaa dannang ɓarɛ ɓɛɛ. Zang beeyi nɛɛ, ‘Ri bɛ̃ɛ m, n palɛ wu vuu ɓɔɔ kpang.’

Zang Shonang Yeesɔ 4:11

Yeesɔ keɓe kɔ, “ ‘Tari ɓɔɔ nɔɔ zang ɓɔɔ mãa gãa nɔɔ bɛ̃ɛyi, wukɔ naa raa tari ɓɔɔ yiti gãa ɓɛɛ kati.’

Afisa 2:20

Nɔɔ nwang manɛ naa gãa ɓɔɔ zang mãa ɓɛɛ, a zang shonang Yeesɔ nɛɛ zang nyaa shonang Laa, rikɔ ɓarɛ kaa doo gãa ɓɔɔ zang loo ka tipi ɓɛɛ. Yeesɔ Kirisi nɛɛ yuu ɓiɓɛ, ɓi kaa tari ɓɔɔ yiti gãa ɓɛɛ.

1 Bituru 2:6

Zang bée ka yeti labeenang Laa ka tĩng tɛ̃ɛ tɛ̃ɛ nɛɛ, Laa kɔɔyi tɔɔ, “Nɔɔ zirɛ, N shíng tari tɔ̃ɔ ka Siyona, tari ɓɔɔ n mãa gãa mɛɛ ka yuu ɓiɓɛ kɔ. Nkɔ zɔ̃ng wu, ɓa vuu piti katɔ ka jĩng mɛɛ. Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”