Luka 20:14 - Nyaa Shɔɔ Ɓɔɔ Laa a Ɓɛɛ

¹⁴ Ɓɔɔ rɛɛ zang ɓɔɔ wu yàa ri jaa, ri zi jaa ɓiɓɛ bii hn, ri tɔ̀ng zɔɔ ka naa ɓarɛ nɛɛ, jaa ɓɔɔ naa shaa vuu vɔ daa ɓiɓɛ kɔ a kana ɓa. Nɔɔ arɛ ruu nyɔ wu vɔrɔ, tɔɔ jaa keɓe naa nwang kaa ɓɔɔ ɓuru.

Luka 20:14 ပူးပေါင်းရင်းမြစ်များ

Matiyu 16:7

A zang ɓɔɔ ri mantɛ vuu ka bii Yeesɔ ri gaa tɔɔsung yee rangkɛnang kaa naa ɓarɛ nɛɛ nwĩiri. Ri tɔɔ, “Rang rùu yee keɓe, ka ruu ɓɔɔ, ruu a nɛɛ borodi ka naa kpang ɓɛɛ.”

Matiyu 21:25

A hɛ̃ɛ ri tɔɔ, “Ɓu wi a Yɔhana naa Batizima ɓɔɔ wu pàlɛ́ zang wiya? Laa a wu ya, kɔ shɔnzang a wu?” A ri gaa tɔɔsung nyaa laanang ka naa ɓarɛ, ri tɔɔ, “Ruu kɔɔ wu ɓu kaa nɛɛ viya? Naa ruu kɔɔ wu nɛɛ Laa a wu, naa hɛ̃ɛ ruu nɛɛ, ‘A ka ruu vi, nɔɔ shing danggn ka ruu Yɔhana kpang viya?’

Matiyu 21:34

Diki jĩng laa inabi hãnang naa raa bii, a yɔɔ ɓaa nyaa ka zang shonang ɓiɓɛ. Shong ri ka bii zang ɓɔɔ wu yaa ri jaa ɓɛɛ, nɛɛ ri daa ta wu jĩng laa.

Luka 19:47

Tusu zang vuu kaa nɔngkɔ diki, diki. A rɛɛ kpanti zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu ɓɔɔ ri zi labeenang Laa dɔɔli, nɛɛ rɛɛ zang bang bang zang gari, ri kasɛ nɛɛ ri nyɔ wu vɔrɔ katɔ.

Luka 20:13

“A zang jaa tɔɔ, ‘N palɛ kaa biya? N shong kaa jaa gbete ɓɔɔ n kasɛ wu dɔɔli ɓɛɛ. Nɛɛ kasɛ, ri naa ɓaa shoo ka nyaa ɓiɓɛ kɔ.’

Luka 20:15

A ɓɔɔ jaa naa a ka yeti jaa, ri yi wu, ri nwangsɛ wu nɛɛ yeti jaa, a ri nyɔ wu vɔrɔ ka nɔngkɔ. Ɓɔɔ nɔɔ zi ka yeti manɛ, zang jaa keɓe nɛɛ a tɔ, naa palɛ zang ɓɔɔ wu yaa ri jaa keɓe viya?

Luka 20:19

Zang ɓɔɔ ri zi labeenang Laa dɔɔli, nɛɛ zang bang bang zang ɓɔɔ ri dɔɔ vuu ka Gãa Laa ɓɔɔ ri tãa ruu keɓe, nɛɛ ri yi Yeesɔ kaa tɔ tantɛnang, ka ruu ɓɔɔ, ri zi tɔ nɛɛ Yeesɔ kɔɔ ruu keɓe ka yuu ɓarɛ kɔ ɓɛɛ. Ri yi wu kaa takpang, ka ruu ɓɔɔ, ri kaa vɔrɔ zang ɓɔɔ ka nɔng ɓɛɛ.

Luka 20:5

A ri laa zɔɔ nyaa ka naa ɓarɛ nɛɛ, “Ruu nɛɛ kɔɔ nɛɛ batizima Yɔhana, Laa a wu naa. Hɛ̃ɛ ruu nɛɛ, ‘a ka ruu vi nɔɔ shing danggn ka bii Yɔhana kpang viya?’

Luka 22:2

Rɛɛ kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri tusu zang labeenang Laa, ri kãa gbalang ɓɔɔ nɛɛ ri nyɔ wu vɔrɔ nɛɛ nwĩiri ɓɛɛ. Ka ruu ɓɔɔ, ri kaa vɔrɔ zang ɓɛɛ.

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.