Luka 19:47 - Nyaa Shɔɔ Ɓɔɔ Laa a Ɓɛɛ

⁴⁷ Tusu zang vuu kaa nɔngkɔ diki, diki. A rɛɛ kpanti zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu ɓɔɔ ri zi labeenang Laa dɔɔli, nɛɛ rɛɛ zang bang bang zang gari, ri kasɛ nɛɛ ri nyɔ wu vɔrɔ katɔ.

Luka 19:47 ပူးပေါင်းရင်းမြစ်များ

Matiyu 21:23

A Yeesɔ naa daa tɔkn yeti Gãa Laa. Tusu zang vuu kana, a zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi, ri a ka bii ɓiɓɛ. Ri hɛ̃ɛ wu tɔɔ, “Mɔɔ walɛ naa vuu palɛnang keɓe ka niya? Ɓu wi, a mɔɔ naa vuu keɓe palɛnang wiya?”

Matiyu 26:55

A Yeesɔ raa jĩng, hɛ̃ɛ zang ɓɔɔ ri a wu yinang tɔɔ, “Nɔɔ see yere bang nɛɛ labasaa ka naa gaagaa, nɛɛ nɔɔ naa yi ɓu nkɔ naa zang shɔngɓɔ ya? N nwalɛ ka yeti Gãa Laa kɔ diki diki, n tusu zang vuu, nɔɔ yi m kpang.

Maraku 11:18

A zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri tãayi, a ri gaa tɔɔsung gbalang ɓɔɔ ri naa nyɔ wu vɔrɔ ɓɛɛ kãanang kati. Ri kaa vɔrɔ Yeesɔ ka ruu ɓɔɔ, zang ɓɔɔ ri kpalɛ zɔɔ piti, ri mã naa ka danggn, ka ruu vuu ɓɔɔ wu tusu ɓɛɛ.

Maraku 12:12

Zang bang bang, zang Yahudi nɛɛ ri yi Yeesɔ katɔ, ka ruu ɓɔɔ, ri zi tɔ ka yeti ɓarɛ nɛɛ, Yeesɔ rang nyaa vuu jeenang ɓiɓɛ ka yuu ɓarɛ kɔ ɓɛɛ. A ri yaa wu, ri daayi, ka ruu ɓɔɔ, ri kaa vɔrɔ zang ɓɔɔ kpalɛ zɔɔ gaagaa ɓɛɛ.

Maraku 14:1

Diki ɓɔɔ zang shaa nyaalaa Pasika ɓɔɔ zang kpaa danggn ɓɔɔ Laa tɛɛ ɓɛɛ nɛɛ ɓɔɔ nyaalaa Borodi ɓɔɔ zang tɛ̃ɛ yisi kagn kpang, yaa kaa ziti. A rɛɛ zang bang bang, zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri tɔ̀ng zɔɔ ka naa ɓɔɔ ri naa yi Yeesɔ nɛɛ nwĩiri, ri nyɔ wu vɔrɔ ɓɛɛ.

Maraku 14:49

N nwalɛ nɛɛ nɔɔ ka yeti Gãa Laa kɔ diki diki, n tusu zang vuu, nɔɔ yi m kpang. Vuu kɔ zang palɛ m ɓee, ɓèe ɓi nyaa vuu ɓɔɔ rɛɛ zang nyaa shonang Laa, ri bée ka yeti labeenang Laa ka tĩng tɛ̃ɛ tɛ̃ɛ ɓɛɛ.”

Luka 19:48

A ri walɛ gbalang kaa takpang, ka ruu ɓɔɔ, zang piti ri ɓaa shoo, ri tãa yee ɓɔɔ wu rang ɓɛɛ, ri kasɛ nɛɛ yee gbete wu ɓa ri kpang.

Luka 20:19

Zang ɓɔɔ ri zi labeenang Laa dɔɔli, nɛɛ zang bang bang zang ɓɔɔ ri dɔɔ vuu ka Gãa Laa ɓɔɔ ri tãa ruu keɓe, nɛɛ ri yi Yeesɔ kaa tɔ tantɛnang, ka ruu ɓɔɔ, ri zi tɔ nɛɛ Yeesɔ kɔɔ ruu keɓe ka yuu ɓarɛ kɔ ɓɛɛ. Ri yi wu kaa takpang, ka ruu ɓɔɔ, ri kaa vɔrɔ zang ɓɔɔ ka nɔng ɓɛɛ.

Yɔhana 10:39

Ri tɔɔ ri yi wu kaa tɔ tɔkn, a nwangnɛ nwĩiri daayi.

Yɔhana 18:20

Yeesɔ kasɛ wu nyaa tɔɔ, “N waa m katɔ n tùsù zang koo vuu kpang. Vuu ɓɔɔ n tusu piti, n tusu m ka gãa zɔɔ kpalɛnang, a ɓɔɔ ka yeti Gãa Laa. Nɔng ɓɔɔ zang Yahudi nandon ri kpalɛ kagn ɓɛɛ. N kɔ̀ɔ vuu ɓɔɔ m gngn nɛɛ nwĩiri kpang.

Yɔhana 7:19

Wu Musa kɔ a nɔɔ nyaa dannang Laa kpang ya? Zang ɓɔɔ dũng nyaa dannang bìí kagn teteng manɛ gbete kpang? Nɔɔ nɛɛ nɔɔ nyɔ m vɔrɔ ka ruu viya?”

Yɔhana 7:44

Zang ɓɔɔ kasɛ nɛɛ ri yi wu katɔ, a zang ɓɔɔ lee wu naa kaa tɔ̀ɔ́ bii gbete kpang.