Luka 19:13 - Nyaa Shɔɔ Ɓɔɔ Laa a Ɓɛɛ

¹³ Ɓɔɔ wu daa gn kpang, a ɓaa nyaa ka zang shonang ɓiɓɛ kopi, a ri pã́ng gbete gbete, kɔɔ ri tɔɔ, ‘Nɔɔ palɛ shonang ɓɔɔ nɔɔ walɛ ɓɔ̀ɔ́gn nɛɛ mani ka yuu weɓe, n gbãayu nɛɛ mani.’

Luka 19:13 ပူးပေါင်းရင်းမြစ်များ

Matiyu 25:16

Zang shonang yɔɔ gbete ɓɔɔ ta saka jaka maani kaɓa, tuu saka ɓiɓɛ daa hooro vuu ɓɔɔ wu naa mãlɛ́ nɛɛ mani tantɛnang. A naa walɛ jaka ɓɔɔgn nɔ́ng maani.

Matiyu 25:20

A zang shonang ɓiɓɛ ɓɔɔ wu a wu jaka maani, arɛ naa a wu kaa jaka kopi. A kɔɔ wu tɔɔ, ‘Kpanti, mɔɔ a m jaka maani, n walɛ ɓɔɔgn tɔ nɔ́ng maani.’

Matiyu 25:22

“A zang shonang yɔɔ gãa gbete ɓɔɔ yɔɔ a wu jaka ziti, ti arɛ kɔɔ wu tɔɔ, ‘Kpanti, mɔɔ a m jaka ziti n walɛ ɓɔɔgn tɔ nɔ́ng ziti.’

Matiyu 25:24

“A zang shonang yɔɔ gbete, ɓɔɔ yɔɔ a wu jaka gbete naa arɛ kɔɔ wu tɔɔ, ‘Kpanti, n zi tɔ, mɔɔ kpãa nyaa ɓaa katɔ, mɔɔ yée vuu ɓáa ka nɔng ɓɔɔ mɔɔ ɓáa kpang ɓɛɛ, mɔɔ ti kpalɛ vuu ɓáa ka nɔng ɓɔɔ mɔɔ vang jĩng vuu kpang ɓɛɛ.

Luka 19:12

Yeesɔ kɔɔ ri tɔɔ, “Yɔɔ ɓɔɔ kagn zang bang, daayi nɛɛ zang daa yi wu kpanti ka koolaa ɓɔɔgn kpala kpala. Nɛɛ tɔɔ, wu gbãayu gãa ɓiɓɛ kati.

Luka 19:14

A zang tipi ɓiɓɛ ri kasɛ ruu ɓiɓɛ kpang. Ka ruu nɔngkɔ, ri shong zang nyaa shonang ka knti ɓiɓɛ, nɛɛ wu daa kɔɔ zang ɓɔɔ daa yi yɔɔ kpanti nɛɛ, ‘Ruu kasɛ yɔɔ keɓe wu nwang kpanti ɓuru kpang.’

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.