Luka 18:32 - Nyaa Shɔɔ Ɓɔɔ Laa a Ɓɛɛ

³² Zang daa tuu m kaa tɔ, zang a zang ɓɔɔ ri dũng Laa kpang ɓɛɛ, tɔ̀ɔ, ri kpaa m, ri palɛ m vuu yusɛ̃ɛ. Ri ti tùlù m sisãa ka bii.

Luka 18:32 ပူးပေါင်းရင်းမြစ်များ

Matiyu 16:21

Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Matiyu 20:19

Tɔ̀ɔ, ri naa tuu m, ri a zang ɓɔɔ ri dũng Laa kpang, nɛɛ tɔ̀ɔ ri kpaa m, ri nyɔ m nɛɛ gbãa, tɔ̀ɔ ri daa ɓaa m naa ka laa. A Kpanti Laa naa wisi m paa ka lee ɓɔɔ diki daa taati ɓɛɛ.”

Matiyu 22:6

A zang ɓɔɔ kpanti gaarɛ, ɓɔɔ ri yaa knti, ri yiki zang shonang kpanti, ri dang ri jĩng, a ri nyɔkɔ ri vɔrɔ.

Matiyu 26:67

A ri tùlù wu sisãa ka jĩng, ri ti ma wu nɛɛ naa tung, a zang ɓɔɔ ri ti nyɔ wu nɛɛ naa.

Matiyu 27:2

A ri mã wu, ri daa nɛɛ wu ka bii gɔmna Bilatu.

Maraku 14:65

A zang ɓɔɔ ri gaa tɔɔsung ɓɔɔ ri tùlù wu sisãa ka bii ɓɛɛ kati. A ri mung wu jĩng, ri nyɔ wu nɛɛ naa, a ri ti kpaa wu nɛɛ, “Kɔɔ ruu zang ɓɔɔ nyɔ mɔɔ ɓɛɛ ta.” A zang ɓɔɔ ri gãng jĩng ka gãa, ri ta wu, ri ti nyɔ wu jong nɛɛ naa.

Maraku 15:1

Ɓɔɔ nɔng naa gãntɛ, zang bang bang, zang ɓɔɔ ri dɔɔ vuu ka Gãa Laa, nɛɛ zang bang bang zang Yahudi, nɛɛ zang ɓɔɔ ri tusu zang vuu, nɛɛ zang piti ɓɔɔ ri doo zang ruu jɛ̃ɛnang kɔ ɓɛɛ, ri mã nyaa ka zɔɔ. Ri mã Yeesɔ, a ri daa nɛɛ wu, ri daa a wu Gɔmna Bilatu.

Luka 18:33

Ri ti nyɔ m nɛɛ gbãa, tɔ̀ɔ, ri nyɔ m vɔrɔ kati. N naa seepaa nɛɛ sàa, ka lee ɓɔɔ diki daa taati ɓɛɛ.”

Luka 23:1

Zang ɓɔɔ ri kpalɛ yuu, ri yupaa nandon, ri atɛ Yeesɔ ka bii Gɔmna Bilatu.

Luka 23:11

A kpanti Hiridu nɛɛ zang sɔɔja ɓiɓɛ, ri palɛ wu vuu yusɛ̃ɛ, a ri kpaa wu. A ri hãa wu fɔ̃ɔrɔ ɓɔɔ kpanti ri hãlɛ ɓɛɛ ka bii. A kpanti Hiridu sɔɔrɔ wu ka bii kpanti Bilatu.

Luka 23:35

Zang ri shii nɛɛ dalɛ, ri pɛ̃ɛrɛ, a rɛɛ zang bang bang zang Yahudi ri kpaa wu tɔɔ, “Ta yuu zang, wu ta yuu ɓiɓɛ lɛ̀ɛ́ ta jong, wukɔ nɛɛ Kirisi, Jaa Laa ɓɔɔ Laa zɔ̃ng wu katɔ ɓɛɛ.”

Yɔhana 18:22

Ɓɔɔ Yeesɔ kasɛ nyaa naa weɓe, zang gbete ka teteng zang ɓɔɔ ri gã Gãa Laa, ɓɔɔ ri shii ka nɔng, nyɔ Yeesɔ nɛɛ naa ka kashoo. A kɔɔ wu nɛɛ “Mɔɔ ráng kpanti zang ɓɔɔ ri dɔɔ vuu ka Gãa Laa ruu nɔngkɔ ka ruu viya?”

Yɔhana 18:28

Nɛɛ gãndi zang zang, zang nwangsɛ Yeesɔ nɛɛ gãa Kayifa, zang daa nɛɛ wu ka gãa gɔmna. Zang Yahudi ri daa yeti gãa kpang, ka ruu ɓɔɔ, ri kasɛ nɛɛ ri palɛ vuu ɓɔɔ nyaa dannang ɓarɛ zãa ri palɛnang katɔ kpang, tɔɔ ri naa shaa vuu shaanang nyaalaa ɓɔɔ zang kpaa danggn diki ɓɔɔ Laa tɛɛ kagn kati.

Yɔhana 18:30

Ri kasɛ wu nyaa tɔɔ, “Naa nɛɛ palɛ vuu shi kpang ɓɔɔ kagn kpang, ruu nɛɛ atɛ wu ka bii ɓaaɓɛ kpang.”

Yɔhana 18:32

Vuu keɓe nwang ka naa ɓɔɔ Yeesɔ kɔɔ ɓɛɛ. Bɛ̀ɛ́ kɔɔ ri zɔ̃ng vɔrɔ ɓɔɔ wu naa vɔ ɓɛɛ tɔ.

Yɔhana 18:35

Bilatu kasɛ wu nyaa tɔɔ, “Ɓɔɔ mɔɔ zirɛ, n zang Yahudi ya? Ɓi zang ɓaaɓɛ, nɛɛ rɛɛ zang bang bang zang ɓɔɔ ri dɔɔ vuu ka Gãa Laa, ri atɛ mɔɔ ka bii mɛɛ. Mɔɔ palɛ viya?”

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 3:13

Làá rɛɛ dabang ɓuru Ibirayi, nɛɛ Ishaaku, nɛɛ Yakubu kɔ a zang shonang ɓiɓɛ Yeesɔ bannang ɓɔɔ waa nyaa kpang ɓɛɛ. A nɔɔ a zang bang bang Yahudi wu nɛɛ zang nyɔ wu vɔrɔ. Nɔɔ bɛ̃ɛ wu ka tĩng kpanti Bilatu, ka ɓɔɔ Bilatu kɔ̀ɔ́yi tɔ nɛɛ wu yaa wu naa kaa tɔ ɓɛɛ.