Luka 18:23 - Nyaa Shɔɔ Ɓɔɔ Laa a Ɓɛɛ

²³ Ɓɔɔ yɔɔ ɓɔɔ zang ying tãa naa weɓe, bii tantɛ wu vɔnang, ka ruu ɓɔɔ, vuu naa ɓiɓɛ dɔɔli ɓɛɛ.

Luka 18:23 ပူးပေါင်းရင်းမြစ်များ

Matiyu 19:22

Ɓu doo ɓɔɔ yɔɔ jasang kaɓa tãa naa weɓe, yeti ɓiɓɛ lasɛ dɔɔli, a daayi, ka ruu ɓɔɔ, vuu naa ɓiɓɛ dɔɔli ɓɛɛ.

Maraku 10:22

Ɓu doo ɓɔɔ yɔɔ tãa naa weɓe, yeti ɓiɓɛ lasɛ dɔɔli, kãngtɛ waa nyaating, a yaa Yeesɔ daa kati, ka ruu ɓɔɔ, vuu naa ɓiɓɛ dɔɔli ɓɛɛ.

Luka 12:15

A kɔɔ zang ɓɔɔ ri kpalɛ zɔɔ nandon tɔɔ, “Nɔɔ palɛ tɔ̃ɔ, nɔɔ gãng jĩng, ka jĩng shinnang ka vuu naa ning. Ka ruu ɓɔɔ, zang gãsɛ suru bii shɔnzang nɛɛ vuu naa ɓiɓɛ ɓɔɔ gaagaa kpang ɓɛɛ.”

Luka 18:22

Ɓɔɔ Yeesɔ tãa naa weɓe, a kɔɔ wu tɔɔ, “Yàa mɔɔ kaa vuu gbete. Mãlɛ́ vuu ɓaaɓɛ nandon, mɔɔ basɛ zang ɓɔɔ vuu ka naa kpang ɓɛɛ saka. Tɔ̀ɔ, mɔɔ arɛ mɔɔ dũng knti mɛɛ. Mɔɔ naa walɛ vuu naa ditɔ ka lapa.”

Luka 18:24

Ɓɔɔ Yeesɔ zi naa ɓɔɔ bii vɔ wu naa weɓe, a kɔɔyi tɔɔ, “Laa tanang wu nwang kpanti zang, kpãa zang ying dɔɔli.

Luka 19:8

A Zaka shii paa, kɔɔ Yeesɔ tɔɔ, “Dabang, n basɛ vuu naa mɛɛ nɔng ziti, n tuu nɔng gbete n basɛ zang ɓɔɔ vuu ka naa ɓarɛ kpang ɓɛɛ, zang ɓɔɔ n nɛɛ shaa wu vuu kagn, n sɔɔrɔ wu vuu ɓɔɔ n shaa ɓɛɛ tìng dɛ̃ɛti.”

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Luka 8:14

Jĩng vuu ɓɔɔ ri shili ka teteng kɔkɔ, ri nwang naa zang ɓɔɔ ri tãa Ruu Laa ɓɛɛ. Ri dũng kana, a rɛ̃rɛnang ka yuu vuu ɓɔɔ ka koo keɓe, nɛɛ vuu naa kasɛnang naa mulu Ruu Laa ɓɔɔ ri tãayi. A Ruu Laa ɓɔɔ ri tãayi nwang ri vuu ɓɔɔ kaa takpang.

Afisa 5:5

Ǹ kàsɛ̀ nɛɛ nɔ́ɔ zi vuu keɓe waasɛ̃. Zang ɓɔɔ palɛ dũndũng, ɓɔɔ rɛ̃rɛnang ɓiɓɛ ti kalang kalang kpang, ɓɔɔ ti shing jĩng ka vuu zang, naa daa nɔng ɓɔɔ Yeesɔ Kirisi roo kpanti kagn nɛɛ Laa ɓɛɛ kpang. Ka ruu ɓɔɔ rɛɛ vuu keɓe dàa wu ka yeti, ɓa ɓɔɔ wu palɛ vuu ɓɔɔ Laa kasɛ ɓɛɛ.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

1 Yɔhana 2:15

Nɔɔ kasɛ koolaa keɓe kpang. Nɔɔ ti kasɛ vuu ɓɔɔ ka yeti ɓiɓɛ kpang. Zang ɓɔɔ kasɛ ruu koolaa keɓe piti, kasɛ Daa ka yeti ɓiɓɛ kpang.